ولادتي في المركز الطبي الدولي (الفتيحي) بجدة

السلام عليكم ورحمة الله
شفت مواضيع المستشفى قديمه فحبيت افيدكم بتجربتي حديثه ولدت يوم ٦/١/١٤٤٠ ورزقني الله احلى بنوته ولله الحمد والشكر وكانت ولادتي في مستشفى المركز الطبي الدولي


كانت اول ولاده لي عندهم وكانت ولاده قيصريه ولله الحمد والشكر كانت تجربه ناجحه الحمدلله سبب ولادتي قيصري لضيق الحوض
اول شي من بداية حملي كنت اراجع عند الاستشاريه سحر العيدروس كانت مررره حبوبه وطيبه وعسل ومتفاهمه الحمدلله وماتتسرع ابد ابد تسمع كل سؤال بخاطرك وتجاربك حبه حبه وتديك كمان رقمها للتواصل معاها عن اي شي والولاده عندها استدعاء اذا حابه هي تولدك وسعر الاستدعاء ٦٠٠٠ ريال بس انا ما استدعيتها كنت متطمنه لكوادر المستشفى الحمدلله راجعت عندها لحد الشهر التاسع وبعدها تحدد وقت ولادتي القيصريه وحددولي موعد للتخدير وكان المطلوب من موعد التخدير كم تحليل ومقابله شخصيه كإرشاد عن نوع التخدير ونصايح وكذا للاطمئنان لا اقل ولا اكثر ووقت الولاده ولدتني الدكتوره المناوبه وكانت الدكتوره سعديه وسيم ويدها ماشاءالله تبارك الله بالعمليات خفيفه والشغل نظيف الحمدلله ودكتور التخدير كان الدكتور عمر وكانت التخدير نصفي والحمدلله تتيسر كان في الم صح من ابرة التخدير اللي بموية الحبل الشوكي بس الم محتمل الحمدلله وتنومت عندهم ٤ ايام وكانو الممرضات سعوديات وفلبينيات وكانوو مرررررره عسسسل شايليني شيل الحمدلله رايحين جايين مايتركوني لحضه
ومن ناحية النظافه ماشاءالله تبارك الله غرف التنويم نظافه وعنايه وتنظيف كل ساعتين ماشاءالله كانت غرفة التنويم حقتي جناح تنفيذي وفي كمان جناح صغير وجناح كبير


ومن ناحية الاكل ماشاءالله تبارك الله لذيذ والتقديم يفتح النفس ويجوك بالمنيوم كل يوم وش حابه فطور وغدا وعشاء ومتى حابه اوقاتها كمان


ومن ناحية البيبي عنايه الحمدلله كانت عندهم بالحضانه بس من ناحية الرضاعه اذا حابه ترضعي صناعي لازم تبلغينهم ويعطونك ورقه توقعي عليها موافقه عشان يرضعون النونو صناعي


وولادتي كلها كانت على التأمين التعاونيه vip الحمدلله كلفت تقريبا كلهااا مع التنويم مع البيبي مع العلاجات ٢٢ الف


وختاما اعتذر على الاطاله ونصيحه اللي تبي تولد فيه ليها رغبه تولد فيه بدوووون تردد تروحلهم مرررررره مرررررره دلع هالمستشفى وملاحظه اللي عندها من قبل ولاده قيصريه مستحيل يولدونها طبيعي مررررره هذا نظام المستشفى اما اللي ولادتها كلها من اول طبيعي عادي يولدونها طبيعي


وبسسسسسس اي استفسار انا حاضره
ودعواتكم لي والله ييسر حمل كل وحده فيكم ويسهل ولادتها ويرزق كل محروووم يااارب ..


سلااامي ام ميس ..