ولادتي في المستشفى السعودي البريطاني

السلام عليكم ياصبايا مالكم بالطويله هذا سلمكم الله كان عندي موعد يوم الاحد27-5-1432 دخلت ع الدكتوره افجينيا روسيه وبعد الفحص والتخطيط قالت بدا الاكسجين يقل عند البيبي لازم نولدك ولسه ع موعد الولاده اسبوع قلت الله يستر بعد هالتعب كله يروح مني ولاده ولاده توكلنا ع الله جيتها الظهر في مناوبتها دخلت وع طول فوق مستشفى سبع نجوم اش عنايه اش ديكورات انا بس شفت الدلع ذا كله قلت بس الولاده هنا ولا في الخيال المهم عاد عطتني الممرضه اللبس وغيرت وحطتلي المغذيه وبعيد عنكم ابره شرجيه خبركم من اللي راح يصير جلست بعدها عشر دقايق وع الحمام عزكم الله شرفت افجينيا وفكت موية الراس ويبدا الطلق بعدها بربع ساعه تقريبا وات الممرضه وتعطيني طلق صناعي ع بالي مسكن ويزيد الالم بشكل مو طبيعي وتعطيني مسكن وزوجي جالس عندي وانام بعدها ويصحيني الطلق ياربي رحمتك وتدخل علي الكتوره وتقيس مفتوح الرحم اربعه سم كل ذا واربعه بس يالله من جد عنايتهم مره زفت اقول للممرضه بموت من الالم تعطيني الكمام احس ماعاد ينفع خلاص واصيح عليهم اعطوني ابرة الظهر وبعد عله جات الدكتوره شافت الضغط قالت للاسف ما اقدر اعطيك الابره ضغطك منخفض وهي تنزل الضغط زياده هننننننننننننننننا تحطمت وابكي من القهر لاني من اول وهي كاتبتها في ملفي قلت خلاص باموت بس ربي اراد المهم احس في عالم ثاني وزوجي الله لايحرمني منه اقولهم خلاص ماقدر باموت وصوتي يشق المستشفى عاد طلع البيبي ويغمى علي ذا ع الساعه 5 العصر ولاصحيت الا الساعه 9 بالليل اسئل زوجي وش صار قال بعد ماطلع البيبي جاني نزيف ودخلوني غرفة العمليات وبنج كامل وشوي جات الدكتوره وسالتها قالت جاك نزيف وماعرفت مصدره فاضطريت بنج كامل واتضح انه تمزق في عنق الرحم وخيطته كم غرزه واسعفناك وحدتين دم حسبي الله عليها وقدر الله اني احمل بعد الاربعين ولما راجعت طبعا غيرت المستشفى قالت الدكتوره الولادات اللي بعد كذا كلها قيصري لانك استعجلتي في الحمل وعنق الرحم لسه ماطاب والحمد لله ع كل حال فنصيحه لوجه الله المستشفى البريطاني عدم قلة خبره جاتني النصيحه ذي من وحده قالت اخت صديقتهاجاه نزيف بعد الولاده عندهم قلت خير مو شرط يمكن حالتها غير وسبحان الله صارلي نفس الشي ماعليش طولت عليكم دعواتكم الله يسهل ولادتي