ولادتي في بروكير الظهران مع الدكتوره سحر

السلام عليكم

أنا نفاس لي 14 يوم
حبيت اقولكم ع ولادتي في مستشفى بروكير الظهران عشان افيدكم زي ما استفدت منكم الكثييير
انا بكريه وكل تساؤلاتي و معلومات الحمل والولاده عرفتها من هالقسم


جلست اسأل و ادور كثييير عن مكان كويس اولد فيه كان يهمني الرعايه و طاقم ولاده كويس
بعد ما قريت كثير و استخرت توكلت ع الله ورحت لبروكير كونه يشمله التأمين و أفضل شي عندنا
وتأمين زوجي يشمل مراجعات التاسع والولاده ما يشمل متابعه من بداية الحمل
رحت بروكير بحجز عند رنا قالوا طلعت
ناديه مواعيد رمضان كلللله فلللل و اخر رمضان بتطلع اجازه
قالوا مافي الحين مافي دكتوره فاضيه الا الدكتوره سحر
اول مره اسمع فيها ولا لقيت احد كاتب عنها
توكلت ع الله ودخلت عندها
دكتوره باكستانيه
قلت لها اني بكريه وخايفه من الولاده و الخياطه وهي طمنتني وقالت الطاقم فوق ممتاز
وااذا جيتي تولدين اسألي عني اذا انا مداومه بالعيادات بطلع لك فوق حتى لو مو مناوبتي
ريحتني كثير و توكلت ع الله و خليت ملفي عندها
طلبت تحليل دم وتحليل بول مع اني مسويه وكل التحاليل عندها بس طلبت اعيدهم عشان تتطمن
وسوت لي مسحه مهبليه وعطتني موعد بعد اسبوعين مراجعه
بعد موعدي عندها بعشر ايام صحيت من النوم وموبة الراس نازله وما معاي طلق ابد
دقيت ع زوجي ولميت اغراض و رحنا للمستشفى
دخلت الطواري 10 ونص الصباح و طلعوني قسم غرفة الولاده على طول
كشفوا علي مافي طلق والرحم مقفل والراس مرتفع بس المويه نازله
سألت عن دكتورتي قالوا بكره تداوم الحين مو موجوده
عظوني طلق صناعي جلست 6 ساعات اتلوى ع السرير من الالم
بعدها بـ 6 ساعات الرحم فتح بس 1 سم ولازال الراس مرتفع
عظوني تحميله ثانيه وبعدها ب 6 ساعات فتح بس 3 سم ولسه الراس مرتفع
بعد 12 ساعه ع هالطلق والمسكن قالت الدكتوره خلاص طلق في المغذي التحميله ما تنفع
كانت الدكتوره المناوبه نيفين نفسها شينه وتكشف بقوه و تنافخ دخلت علي اصيح من الم الطلق
اقولها تعبت ابي عمليه بكللل برود قالت لي ماشي نادي زوجك يوقع وادخلك عمليات مع انه مو مستاهل الموضوع
اختي كانت موجوده و طرطعت من الحمق منها
دقت ع زوجي و جا المستشفى قالت له كلمهم هذي نيفين لا تدخل ع اختي ولا تمسكها
يجبون عيرها
في هالوقت جاتني ممرضه مصريه حنوووونه جلست تهديني تقولي الحين بيبدء مفعول المسكن والطلق راح يفتح لك الرحم الطبعي احسن و كل ما جات تكشف تستنى علي اخذ نفسي و تدلكني و تهدي فيني الله يجزاها الجنه
عكس نفين يكون الطلق حامي وتكشف اقولها اصبري تفك الطلقه ولا كأني اتكلم

اللي صدمني ان الممرضه الحنونه هي المصريه يمنى وانا قريت كلام كثييير انها دفشه و تنافخ بس شفتها الطف وحده من اللي كانوا يدخلون علي

بعد ما بدى مفعول الطلق اللي بالمغذي عطوني مسكن لأن الألم كان مرررعب كنت اصيح منه
زوجي نزل تحت طبعا وقال لهم نفين لا تدخل ع زوجتي ابي الدكتوره سحر
الحمدالله كانت في العياده فوق وطلعت لي
كشفت لقت الرحم 5 سانتي قالت لهم اول ما يوصل 10 كلموني اطلع اولدها
و سوا لها قسطره بول عشان ينزل الراس بالحوض
لما صارت 10 ونص الصباح اليوم الثاني وصل رحمي ل 10 بعد معاناة 24 ساعه مع الطلق
بسرررعه فتحوا سرير الولاده وجاتني سحر
كان في ممرضه سعوديه الله يسعدها دنيا واخره كل ما حمى الطلق وجيت ادف يرتفع صوتي
وتذكرني لااااا اكتمي صوتك ع تحت لا تروح طاقتك
حاولت فيني الدكتوره سحر اولد من غير توسعه بس ما قدرت
وسعت لي عشان تساعدني
والحمدالله ولدت وشرف النونو
طبعا مسكت بالدكتوره سحر انتي خيطيني مابي ممرضات قالت أي حبيبتي انا اخيطك
سوا لي مساج لبظني و بنجتني و سوت لي الخياطه

لما خلصت تشكرتها و دعيت لها انها طلعت لي في وقت عير مناوبتها
وكانت طويلة بال معاي


الحمدالله عدت الولاده بسلام و الدكتوره سحر كانت رااائعه ومتعاونه جداااا
و برضوا اللي اسمها يمنى ما ادري هي قابله او استشاريه لكن ربي يسعدها جد كانت مرررره حنونه معاي




بشكل عام المستشفى ممتاز و الغرفه نظيفه و واسعه
الاكل كان ممتاز
الممرضات ما كانوا يتأخرون علي سواء بغرفة الولاده او بعدها


الدكتوره سحر من تجربتي معاها بمراجعه وحده حسيت مهتمه قلبت في ملفي زين
وطلبت تحاليل و كانت تجاوب ع كل اسألتي و تعاونت معاي بوقت الولاده
هي جديده في بروكير بس استشاريه لها وقت في مانع الخبر نسيت كم سنه اتوقع 15 نسيت كم ههههه