ولادتي في مدينه الملك فهد الطبية

:23: السلام عليكم يا حلوين
قبل ما بدا اذكروا إخواننا المسلمين في هالجمعه بدعوه ..يالله إحنا مع البنج والأودية نتعب فما بالك تتقطع اطرافك واعضائك وانتي حيه او ينشق بطنك وينحرون جنينك قدامك الله يلطف فيهم ويرحمهم ...فعلا حسيت اكثر بعد ماولدت بالنعمة اللي انا عايشه فيها يآرب لك الحمد ع نعمك
نبلش عالقصه أختكم في الله مالها بالمقدمات

يوم من الايام طفشت من هالكروشه وقلت يابن الحلال متى ودك تطلع مع أني ما خلصت التاسع بس أمي وخواتي أخذوا أسبوعين في التاسع بس ..قلت اجل أنا مثلهم

ومر أسبوعين وثلاثه وقدني بالرابع ولا ولدت .. مع أني امشي تقريبا كل يومين :42:
أختكم في الله كسوله مالها خلق ... وأمي تهاوش امشي خلينا نرتاح من كرشتك وأنا ماغير ابتسم
واقولها إذا جاء بيروح النوم والراحة وقت مايبي يطلع يطلع

قبل ماولد بيومين جاني مغص خفيييف مره ويجي ع فترات متباعدة .. اليوم اللي بعده ع الساعه وحده الليل قالي زوجي يللا نروح الممشى الظاهر تبع جامعه الأمير سلطان قلت يللا

:(:09: تخيلو مشيت تقريبا 3 كيلو أقوله تعبت جيب السياره هنا يقولي كيفك اجلسي مكانك ماراح اجيبها بغيت أصيح تعبت من كثر مامشي وقلت له انت نذل ياويلك من الله :22: نفسيه الأخت

ورجعت البيت تقريبا 2 وعليها والفجر جاك الجد بدا الطلق يروح ويجي إذا راح أحس أني اكذب أو اتدلع ماحس بشي ومدري انه طلق أختكم في الله بكريه وصرت أروح الحمام كل شوي مرات ماينزل ولاشي بس مدري ليه أحس شئ بينزل..
وراح الأخ صلى ورجع ويشوفني اتمغص ويمسك المصحف ويقرأ علي الانشقاق هذي اللي اذكرها الباقي مدري وشو:22:

قلت له خلاص شكلها جت الولاده ودني عشان أتأكد أخاف أولد بالبيت ££اثاري هالوجع بالبيت كان ولاشي من اللي بعدها

وأنا بالطريق كل ماجاني طلق اقول ياالله ياالله هذا اللي كان على لساني :08: وإذا راح أقوله خلاص نرجع البيت ما فيني شئ ويرجع الطلق أقوله هونت يللا عالمستشفى كمل طريقك

يوم وصلت الكشف مافي سرير وانتظر بالانتظار وألقى وحده تصيح مسيكينه جاها نزيف ولها 3 شهور الله يعوضها أنا ارتعت وبديت أخاف شوي ...
طبعا ماعطتني الممرضة وجه قالت اجلسي بالانتظار مافي سرير ويوم شفت سرير فضي نشبت ع رأسها مع أني كنت انتفض من البرد والجوع والألم قلت لها اكشفي علي إذا مفتوح كثير جلست إذا شوي برجع البيت رحمتني وقالت تعالي وكشفت الدكتوره قالت 3:44: صعقت 3 سم توقعت 5 او 6 الحمد لك يآرب
شوي وطلعوني التنويم وزوجي جاب أمي الحنووون :hearts: ودخلت عندي التنويم مع انه ممنوع مافي إلا أنا أمي معي
طبعا بهاللحظات أظن اللي ولدوا قبلي جربوها حسيت بدوخه وكنت استفرغ ورحت وأنا جوعانه عشان ماسويها وأنا أولد وهذا أكبر غلط وغير أني جوعانه جاني إسهال وانتوا بكرامه يعني أكلت او ما أكلت بتجيني هالاعراض ..
المهم كلما جاني الطلق لا ارادي أقول لا الآه إلا الله يالله يالله وبصوت عالي طبعا مني عارفه ليه ما قدرت أصرخ يمكن بحس أني اتدلع إذا صرخت :22: وجت الممرضة تكشف علي :mad2:
وجعتني مره ولاقدرت اتحمل صراخي واصل آخر شئ الله المستعان عرفت ليش البنات كرهوا الكشف :mad: قالت سيم سيم 3 ونص وطلعتني غرفه الولاده صراحه هناك شئ جميل في غرفه الولاده عندي ممرضه في الغرفة معي طول الوقت وتشيك عليك كل شوي والولادة بغرفه لحالي طبعا ..ركبولي كل شئ التخطيط اللي يضايق والمغذي وحوستهم كلها وأختكم تغفي وتقوم عالطلق واهلل وارجع انام..دخلت دكتوره ومعها متدربه عادي تولدني متدربه بس بإشراف دكتوره حبيت هالشي عندهم ...تسألني الدكتوره عن بياناتي واقولها قولي لامي أبغى أنام كيفكم :22:

بنات والله من الالم والدوخه والنوم اني اهلوس امي تقولي قلتي شي عجب عندي امتحان ومشاريع الجامعه وتسولفين الشي الوحيد اللي اتذكره اني لما بديت اهلوس صحيت وانا قاعده اقول تقاطع الملك عبدالله جالسه اوصف الطريق انا ووجهي :blink:المهم قمت من النوم وهي تقول عشره يللا إذا جاك الطلق ادفعي ..يوم يجيني الطلق اسوي شهيق وزفير :freak6: قالت لا انتي كذا ماتدفعي وطبقت ألطريقه قدامي بس رجعت انسدحت وقلت لها كيفكم انا تعبت وأنام وتصفق أمي بوجهي وتقول يللا مؤ وقت النوم وبديت ادفع الظاهر يوم شافت الرأس على طول شقت حسيت بالمقص بس المكان مبنج ودفعت مثل ماعلمتني ورا بعض عشان البيبي مايجيه شئ لانه في بنات تأخروا وتعبوا أطفالهم وطلع ولدي راسه ممطوط :22:....بس الحمدلله رجع بعد كم يوم لوضعه ..يالله عاد وقت ماطلع حسيت براحه ماني مصدقه أني ولدت ياربي لك الحمد تقولي المتدربة كحي عشان تطلع المشيمة بديت احشش أقول لامي عطيني مويه عشان أشرق واكح :biggrin: ولما طلعتها أقول لامي صوريها ...طبعا خيطتني المتدربه وخلصنا ودخلت الممرضة معي الحمام تروشني :blink: خفت منها ماقلت لها شئ ودخلت معها رحت الفجر وولدت العصر وجلست يوم وطلعت والحمد لله ع سلامتي .:icon28:. اتمنى ماثقلت بكلامي عليكم وطولت ..وتوته وتوته خلصت الحتوته :26: