ولادتي في مستشفى العسكري وماادراك مالعسكري!!!!

مساء الخير لكل الحوائيات
اولا كل عام وانتم بخير بعد الزحمه
حبيت اشارككم بقصة ولادتي
اولا انا ماكنت اتابع الا 4 مرات تقريبا بالعسكري بالرياض عشان لو اضطريت اولد
فيه ما يكون لهم حجه اني مو متابعه لان لاخر لحظه كان عندي امل اولد في خاص:icon36:

لكن انت تريد وانا اريد والله يفعل مايريد

المهم ياحبيباتي موعد ولادتي كان ع نهاية رمضان
وع نص رمضان والعالم في صلاه التراويح
الا ونزلت المويه بشكل سريع في لحظات
وانا ع الواتس
واحاول اقوم ابي اروح دورة المياه الا وتكب بزيااااده

واتصل ع ابو الشباب مليوون مره لاني اول مره تنزل علي المويه
بالشكل هذا

ومارد طبعا الا بعد نصف ساعه تقريبا

واشيل بنتي واغراضها وطيران ع المستشفى

مافيني الم بس المويه تصببب

ويصير زحمه في الطريق الناس طالعين من التراويح

وفيه موكب اوشي زي كذا لان الطريق موقف وصوت الدوريات في كل مكان
بس من حسن الحظ ان هذي الزحمه قبل المستشفى بشوي يعني اشوفه

المهم وصلت والحمدلله ودخلت وخليت بنتي مع زوجي ع اساس يوديها
لاهلي
وادخل الطوارئ عند الرسبشن وهو يكلم بالجوال واقوله حالة ولاده
وهو الي بكل بروود يدور الاوراق والجوال مانزله من خده
وانا الي اعصب واقول مو وقت مكالمات:mad:
ويطالع فيني ومتعجب
وانا من الخوف خخخخ ولا مو من عادتي اكلم احد واهاوشه

المهم واعبي البيانات وتجي السستر تدخلني معها وتسال مويه كثير؟؟ واعلمها
وتقول مرره خطير
يووووه استرجعت ايام ولادتي الاولى واقول انا وش جابني برجليني:o


المهم ويعطوني لبسهم الحلووو ويقولون روحي غيري

واروح وادخل دورة المياه-- الله يكرم القارئين--

واغير الا والمويه مافيه؟؟؟؟؟

والقى موية صحه واتوضا فيها الا والسستر تقولي ماما مويه خلص شوفي
سطل تحت عبي وتشطفي !!!!!
سلامات مستشفى كبير المويه مخلصه:mad:

المهم واطلع واروح لغرفة الكشف وتسال كم سؤال بس لان عندي
ورقة المتابعه وكم مويه نزلت
وتقول يالله كشششف اكره هالموضوع:44:

بعدين صار 1 سم

وركبت المغذي وتابعت الطلق
والمشكله ماتتكلم عربي
ابي افهم ممرضه موعربيه كيف التفاهم معها؟؟؟؟؟

وتجيك السعوديه نفسها بخشمها واسالها اقول ممكن اعرف وش وضعي
لان مافيه احد عربي الاوتقول المويه مو خطيره!!

قلت الحين السستر تقول خطيره وانتي لا ممكن اعرف وش بينكم!!!:icon30:

قالت عادي ننتظر 24 ساعه مو مشكله بس تكونين تحت الملاحظه ماتطلعين

ونعطيك طلق صناعي قلت في نفسي فال الله ولا فالك..

شوي ممكن ساعه ونص وطلعوني فوق ماقبل الولاده

والقى الحريم الي من بدايه رمضان والي معها سكر ونزول مشيمه الله يرفع عنهم
ويفرج لهم
وتجيك السستر وتركب الجهاز الممل جهاز الطلق وتقلب فيك يمين يسار

لان النونو يختفي صوت انبض سبحان الله مدري وش السبب

الحمدلله في ولادتي هذي ما كشفوا علي الا 3 مرات تقريبا مو زي ولادتي الاولى
الي ساعه

وتجي تاخذ الضغط وسوت تحليل سكر

وتفك الجهاز بعد ساعه وانا احس بالالاااام ورايحه جايه ع الحمام


وترجع بعد ساعه وتركبه وخلته برضو ساعه وفكته

وقالت مدام بيبي نااايم وراحت من هنا ع الساعه 4 الفجر خخخ شكلها تبي تتسحر
والالام تزيد واحاول اصبر واطلبها سكن وتروح تجيب2 بنادول الابيض !!!

وانا ع فكره مافكيت الاستغفار ولا والزلزله الاويجيني الم مووووت
واصيح باعلى صوت للاسف وانا كنت ناويه بولادتي هذي اتحمل ولا اصيح


الا والي جنبي بالغرفه تقول اروح اناديهم الله يجزاها خير
واقول ايوه تكفين

وتروح تنادي وماحولك احد
واخيرا جت وهي تفرك عيونها خخخ توها بتنام شكلها
وتقيس وتقول نو بوش مدااام

تخيلو بقمة الام والنونو بيطلع وتقول لا تدفعين

لاني بغرفة الملاحظه مو ولاده
وهيه مرتبكه وتفتح الدواليب في الغرفه وتطلع شنطه لعدة
الولاده وتحط ع الطاوله وهي تنادي السسترات تبغى مساعده
وجت وحده تساعد بس عقب ماراح صوتها

وهي تنادي وانا ع صوت واحد والممممم
وفي الاخير دفعت النونو حبيبي الحمدلله
وهمه قاعدين يجهزوا العده
وانا للاسف لا توسيع ولاشي

لا وازيدكم من الشعر بيت بعد ماخلصت المشيمه وتوابعها قالت ماتحتاجي خياطه!!!!
وهذ ولادتي الثانيه


ادري طولت عليكم بس حبيت اقول لاي وحده تقدر تولد في غيره
تروح لاني لو داريه ولدت في البيت لان انا الي ساعدت نفسي بنفسي


واكثر شي ساعدني الدعااااااء يابنات والله كل ما اذن ادعي دعاء وحده الله يوفقها هنا
قالت خلي هذا دعائك اللهم كما جعلت النار بردا وسلاما ع ابرهيم اجعل ولادتي بردا وسلاما علي

ثانيا كنت اشمممم المررر ومافكيته
واحس بمغص بزياده كل ماشمه

ولله الحمد من قبل وبعد الي يسرها

:34: