السلام عليكم
اليوم جايبتلكم قصة ولاتي في دله وبصررااحه احلى ولااده ماشالله ههههههه
في تاريخ 15 /7 ’’ قديمه شوي خخ في الصباح الساعه 6 بديت احس بطلق بس مو خفيف مثل ماقريت انه يبدا زي الام الدوره كان قوي شوي ومن اول ماجاء وهو منتظم كل خمس دقايق ومن الخوف سكت ماقلت لزوجي خااايفه ماابي اولد :icon33:وطبعا لاني بكريه مااعرف شي صرت كل شوي اروح الحمام اغسل بمويه دافيه ههههه مادري وش الحمكه يعني:09: وصبررت الين الساعة 8 مادري من وين جتني قوة التحمل يمكن من الخووف خخخ وبعدها ماقدرت اتحمل وصحييت زوجي ونقزز من الخووف يقوول يللااا بسررعه عشان لاتولدين بالسياره متأثر بالافلام المصريه ههههههه مع اني ماكنت اصرخ ولاشي بالعكس قلت اصبر برتب اغراضي قال لاترتبين ولاشي ولبس عبايتي ورحت المستوصف اللي جنبنا عشان اتاكد ولاده والا لا لاني ماني مصدقه اني باولد وكشفت علي دكتوره مصريه اول ماجت قالت يللا كشفف طالعت في يدهااا ماشاالله كبيييره مرره ههههههههههه بغيت اقولهاا ماعندكم ممرضه سيريلانكيه تكشف احسسن بس سكت قلت لهاا بشويش الله يخليك كشفت وخلصت ماحسيت فيهاا اثاري الكشف هين مو مثل ماقريت قاالت لي ولاده فاتح 4سم وطلعت وانا فرحانه اني بفتك من الثقل وخايف من الولاده
وعلى طول على مستشفى دله كشفت علي دكتوره سودانيه قالت 4سم ودخلوني غرفة ماقبل الولاده وقعدت امشي بالغرف احس ان المشي يخفف الاام وبعدين عطوني الحقنه وبداء يشتد الطلق تقريبا كل 3 دقايق وانا طالبه ابرة الظهر من لما دخلت وبعدي جاء دكتور التخدير الساعه 10 وخلاني منحنيه على بطني وانا جالسه وقال لي لاتتحركين وكل ماجت طلقه شديت على يد زوجي وركب ابرة الظهر وخلص وقعد يشرح شوي عنهاا وعن الولاده وبعد 5 دقايق ماحسيت ولا بطلقه الحمدالله رااحه :icon28: خصوصا ان طلقي كان حاار واغلبه في الظهر والارجوول ,, اخذ الكتور ابره وقعد يطبزز فخذي عان يتاكد اني تخدرت والحمداالله ماحسيت ولا بنغزه وبعدها ارتحت وكل شوي اللمرضه تكشف وعطتني طلق صناعي وقالت لي تبغين دكتوره معينه قلت لا اي دكتوره ماعندي مشكله وعلى الساعه 2 الظهر دخلوني غرفة الولاده وماعرفت اولد لاني مااحس بشي البيبي اختنق والدكتوره تهاوش تقول لي ادفعي وانا ماعرف احاول ادفع تقولي غلط مو كذا اقوى قلت مااعرف خلاص انتي ولديني:mad: وخلت ممرضتين يتركوون على بطني ويسحبوونه على تحت وانا انكتم من ثقلهم واحاول ادفع اساعدهم :icon33: واخيرا سمعت صوت البي:icon33:بي يبكي ماني مصدقه اني ولدت وخلصت وكانت الساعه 4 العصر يعني ساعتين وانا بغرفة الولاده وطلع ولدي ازرق لاني طولت وبعدها خيطتني وودودي غرفة الملاحظه واسمع صرااخ الحرييم يحزننوون :44: وادعيلهمم واقول ليتهم اخذوا ابرة الظهرر وبعدن طلعوني غرفتي والحمدالله ربي سهلهاا علي والله يسهلهاا على كل الكرووشات
شكرا لكل اللي ردوا ,, الله يبارك فيكم ويسلمكم
باجاوب على اسئلتكم في نفس الموضوع لان مشاراكاتي ماتسمح
كل اللي سئلوا عن ابرة الظهر حبيت اطمنكم انها ماتوجع ابد ولاتحسين فيها لان قبل مايعطيك اياها الدكتور يعكيك قبلهاا بنج موضعي وطبعا الابره ماتجلس معلقه في ظهرك .. لان الدكتور يدخل الابره ويدخل من خلال الابره مثل الخيط نحيف مرره وبعدين يطلع الابره ويبقى الخيط نفسه ومن خلال هذا الخيط يضخ فيه البنج وبعد الولاده يشيلون لك هذا الخيط بس يبقى مفعول الابره 4ساعات تقريبا
وبالنسبه اللي سألووا عن الاعراض انا سالت الدكتور قال لي مستحيل وحده تولد وماتحس بالام في ظهرها بعد الولاده لان الظهر يرجع لوضعه وبالنسبه لي حسيت بالام بس خفيفه جدا لمدة يومين مكان الابره فقط يعني اذا تحركت بقوه
وممكن صداع بس خفيف ,,والكشف والخياطه ماحسيت فيه ابداا الحمدالله
ويعطونك الابره بعد مايعطونك محلولين في المغذي ويتاكدون من ضغط الدم
. وبصراحه الابره هاذي نعمة من رب العالمين .. والله يسهل على كل الكروشاات ومشكورين عالردود الحلووه
يلزم عليك تسجيل الدخول أولًا لكتابة تعليق.
ماشاء الله تبارك الله
ألف مبروك حبيبتي
وعقبالي بولادة سهلة هينة لينة
وكل الحوامل اللهم آمين
ألف مبروك حبيبتي
وعقبالي بولادة سهلة هينة لينة
وكل الحوامل اللهم آمين
مبرووووووووك بس عندي سوال ابرة الظهر تحسين بالكشف والخياطه والا لا وهل لها اعراض جانبيه
ماشاء الله عليك
من جد إبرة الظهر رحمه من رب العالمين
انا جربتها وانا بكريه
وربي الألم اختفى ٢٠٠%
الحمد لله من فضل ربي
عجبتني قصتك يارب يخلي لك البيبي
من جد إبرة الظهر رحمه من رب العالمين
انا جربتها وانا بكريه
وربي الألم اختفى ٢٠٠%
الحمد لله من فضل ربي
عجبتني قصتك يارب يخلي لك البيبي
الصفحة الأخيرة
مبروك ماجبتي
وبصراحه حمستيني اكثر على ابرة الظهر