ولادتي قريبة وامي موتتني بدعواتها

السلام عليكم
بنات تكفون انا ب امس الحاجة ل دعائكم منهارة جدا
موعد ولادتي قرب هذا الاسبوع ان شاء الله
امي امس اتصلت العصر علي شرشحتني من فوق ل تحت انا وزوجي ودعت علي وعليه بالامراض الخبيثة وعلى عيالي وحتى لي في بطني دعت عليه يجي مريض
السبب انه زوجي تهجم على اخوي هو واخوه ورفعو عليه قضية بالمحكمة والتجارة
اخوي هذا مايخاف الله مايخاف الله مايخاف الله
اكل حقي من الورث وشربه شرب هو وحرمته وسوا معي مواقف العدو مايسويها هو وحرمته
وزاحم زوجي كثير وشوه سمعته لانهم يشتغلون بنفس المجال وزوجي صابر عشاني وعشان هالعيال
والله مو طالع مني ادعي عليه ابدا بس والله مو اخو هذا عدو
وللصبر حدود زوجي اذا نفد صبره صار مثل المجنون يضرب يمين شمال والان ناوي على اخوي ماسك عليه اثباتات بيوديه السجن فيها
انا مادريت غير من امي لي اتصلت امس
كلمت زوجي قالي انتي لاتهتمي بشي ما ابغى منك الا تولدين وتقومي بالسلامة عشانك وعشان البيبي لاتفكرين بشي
اخ والله كلام امي الله يهديها ذبحني ذبح والله كل ماتذكره احس نفسي الدنيا تدور فيني وصدري يضيق
امس صار نفسي يضيق بالليل بعد المكالمة وصرت احس نفسي خلاص الروح بتطلع وبفارق لحد مازوجي طلعني شوي ومشاني بالهوا عشان اتنفس
دعواتكم بنات ربي يعديها على خير ويقومني بالسلامة