السلام عليكم ورحمة الله وبركاته
اولا االلهم لك الحمد والشكر ولدت وجبت بنوته زي القمر
بس حبيت اقولكم وش صار معي في هذي المستشفى لاني ولدت فيها بنتي الثانيه وكانت من أحسن مايكون لاخدمه ولامعامله والحين انصدمت مرره انا اهلي ساكنين بالرياض وانا ساكنه بمنطقه ثانيه بعيده فجابني زوجي في نص الثامن عند اهلي عشان عندي بنت وولد من قبل وكلهم صغار وماعندي احد يمسكهم لي عندي شغاله بس مااحب تمسك عيالي المهم جيت عنهم عشان خواتي يساعدوني المهم صارت بين امي وابوي مشكله كبيييره جدا وتعبت نفسيا حتى خلاص احس معد لي نفس بأي شي بالحياه فخلاص ودي اولد بأي طريقه عشان ارجع بيتي المهم نويت اني اشرب خروع على بداية التاسع ما اخذت من التاسع الا اسبوع وشربت خروع الساعه 12 والساعه 3 بدأ معي طلق وماصدقت جلست حتى الساعه 6 الا والله معد اقدر انسدح من الألم فوداني ابوي وماقلت لامي عشان امي اساسا من النوع اللي تتوتر مرره اذا درت اني بولد قلت بروح اولد وبعدها بقولها المهم ابوي وصلني المستشفى وقلت له يرجع البيت لان استحيت يدخل معي وهو الا يدخل معي المهم دخلت وفحصتني وقالت ولاده الرحم مفتوح5 سانتي واالبنت تعبانه ونبضها ضعيف وقلت لابوي خلاص ارجع البيت والله لايوريكم المأساه رفضوا مايسوون لي اي شي حتى ندفع المبلغ لان ما عندنا تأمين نتعالج على حسابنا وقلت انا مراجعه عندكم والله ماباكل علكيم حقكم واطلع لهم الفلوس لاني تعبانه ودي اولد وارتاح وانا وصلت عندهم الساعه 7 الصباح تخيلوا طنشوني وطلعوا من الغرفه وبعدها جت الدكتوره اللي اراجع عندها وتقول انا ممكن اساعدك ونولدك بس مااقدر حتى تدفعوا المبلغ قلت حرام عليكم ابوي رجع وزوجي موموجود واخواني ماهم ساكنين بالرياض وش اسوي ياربي وادق على ابوي وما يرد شكل جواله صامت وابوي رجال كبير وبغيت اموت ابكي لهم اقول خلاص تعبانه اعطوني على الاقل ابره مهدمئه قالت الدكتوره للمرضه حرام اعطيها اابره مهدئه قالت واحده من الممرضات لا مافي حتى تخلص اوراقها وانا خلاص ابكي بموت وادق على اخواتي وردت علي اختي الكبيره قلت لها قولي لزوجك يجي المستشفى يدفع المبلغ انا تعبانه ورافضين مايعطوني اي شي ولا ولدوني وجا زوجها وهو بالطريق وانا استغفر واقول ياالله انك تفرجها علي والحمدالله شوي الا وابوي داخل علي وقاال انه خلص الاوراق بس مايدري ابغى غرفه خاصه والا مشتركه قلت اي شي اهم شي ابغى الفكه وبعدها جت ممرضه اعطتني ابره الله العالم وشي اختفى الطلق نهائي حتى الساعه 2 الظهر والمشكله انهم فكوا لي المويه وقلب البنت تعبان مره الا وتتصل علي اختي وتقول ولدتي قلت لا لسى ادعولي وقالت اقري على نفسك سورة الزلزله واقراها اكررها الا وبديت احس بالطلق وخلاص اقولهم خلاص انا تعبانه مرره احس بولد الا وتجي تشوف وخلاص طلع الراس وتنادي الدكتوره وتجي تقول خلاص لاتدفعي وهو اصلا موبكيفي عشان يبغون يجهزون السرير للولاده الا وخلاص ولدت والحمدالله والشكر صحيح تعبت لكن ارتحت بعدها لان ما سوو لي توسيع بالمقص توسعت المنطقه لحالها وصار في شق بسيط وانا طالبه خياطه تجميليه قالت الممرضه لا مانسوي هالعمليات احنا بس نصلح اللي خربته الولاده وخلاص انا تعبانه مافيني حيل اتهاوش معهم قلت حسبي الله ونعم الوكيل ان كانوا ظلموني لا والمشكله اني طلبت غرفه خاصه وامي رافقتني بالمستشفى ووقت الوجبه يجون يعطوني وجبه وامي لا والمشكله اني دافعه لهم حق مرافق تقول اللي تحط الاكل لامالها دخل اروح اكلم المدير قلت عطيني رقمه عشان اكلمه وتطنشني وتروح ولا بقيت واحده من الممرضات ماشكيت لها ارتفع ظغطي تعبوني نفسيا امي بهذولها حسبي الله ونعم الوكيل وطبعا عشان الظروف اللي معي بالبيت جلست اسبوعين وسافرت ورجعت لبيتي ومعد امداني اروح المراجعه عشان اشوف هم خيطولي تجميلي والا لا بس أسال الله ان يجملني بعين زوجي
ملاحظه انا ماقلت لكم حكايتي الاعشان تشوفون الفرق انا مابين بناتي الا سنه ونص وتغيرت المستشفى تماما
ووالله مو قصدي اشوه سمعة احد بس حسيت ان ما عندهم انسانيه ابدا
نوورالصباح @nooralsbah
عضوة فعالة
يلزم عليك تسجيل الدخول أولًا لكتابة تعليق.
مبرروك على ماجبتي والحمدلله على السلامه
وهذا حال اغلب مستشفياتنا فيها ناس ماتخاف الله
والله على كل ظالم ....مايضيع شي عند ربي ابد
لااله الا الله محمد رسووول الله
وهذا حال اغلب مستشفياتنا فيها ناس ماتخاف الله
والله على كل ظالم ....مايضيع شي عند ربي ابد
لااله الا الله محمد رسووول الله
الحمدلله ع سلامتك والله مقهوره من المستشفيات الخاصه ليه كذا الفلوس اهم من النفوس بس الحمدلله ع سلامتك مره ثانيه وتتربى في عزكم..
اهم شي انك ولدتي وعدت الامورعلى خير الحمد لله على سلامتك والله يبارك لك بعيالك وينبتهم نبات صالحاهم شي انك ولدتي وعدت الامورعلى خير الحمد لله على سلامتك والله يبارك لك بعيالك وينبتهم نبات صالح
الله يسلمك يارب واي والله الحمدالله والشكر وجزاك الله خير
الصفحة الأخيرة
الحمد لله على سلامتك والله يبارك لك بعيالك وينبتهم نبات صالح