ولادتي كانت سهله الحمدلله وهاذا الي صار معي بالمستشفى

بسم الله الرحمن الرحيم

انا الحمدلله يابنات ولدت يوم الاحد الماضي وربي فرجها علي ويارب يفرجها على جميع بنات المسلمين

القصه اني مابعرف كيف رح يكون الطلق مع اني ولدت ابني البكر بطلق صناعي بس انا مابتذكر شي
قعدت طول الشهر التاسع متوتره لاني مو عارفه ايش الطلق ومتمنيه يجيني طلق طبيعي

المهم يوم السبت بالليل حسيت متل الم القولون بالجنب اليسار وصبرت عليه لاني كنت متعشيه تقيل
للفجر ماعاد اقدر انام قمت وقلت لزوجي هادا الم غريب اجاني قوم نروح عالمستشفى

قمنا رحنا و دخلت عملولي تخطيط لقيو في طلق بس الالم مو هداك الالم الي بخلي الوحده تصرخ او تفزع يعني متل الدوره

اجت الدكتوره كشفت و الله يسامحها ما كشفت مزبوط قالت مافي ولاده روحي عالبيت وخرجتني مع اني كنت متالمه

بعد كم ساعه على 10 ونص صباحا ماعاد اقدر صار يمسكني الطلق بالبيت كل دقيقتين تقريبا وزوجي قاعد معي الله يحن عليه يارب قلي يالله عالمشفى وانا قلتلو رح يطالعوني مارح تخليني

قال معلش قريب المشفى

انا رحت حطت التخطيط وفيني الم مو طبيعي بس الحمدلله ما صرخت ولا شي بس كنت فزعانه جدا
كنت عم بقول دعاء الكرب

بعدين اجت الممرضه كشفت قالت اربعه خمسه سانتي يلا غرفه ولاده

واول مارحت عالغرفه رجعت كشفت قالت يلا تمانيه سانتي

وانا خلصت بلشت اصرخ خفت موووووت وانادي ع ابني ياربي لا تموتني بدي اشوف عمر وابكي

ولسا يادوب رفعت مكان الارجل حطت رجليي وانا اخد نفس وادفع من حالي وهيه تصرخ لا تدفعي لانو ما اجت الدكتوره لسا

بس خلص حاسه رح اموت و دفعت واجت الممرضه نزلت راس البنت

الله يسامحهم بدها تستنى الدكتوره وتقلي لا تدفعي ليش كان بدها تطول عذابي

المهم 12 الاربع كنت ولدانه والحمدلله على سلامتي

وشكرا وعقبال الجميع بس حاسه اني قلت التوبه عن الولاده ونفسي انسى الي صار