❤/ ولادتي من طقطق لسلام عليكم

يامرحبا و يامسهلا بالحوامل الحلوات 
( الله يسهل عليكم يارب) 
انا نزلت قبل مواضيع عن حملي وفيه حريم الله يسعدهن جاوبوني و دعولي و هالحين ازف البشرى لهم اني خلاص ولدت الحمددددددالله يارب 




انا بكريه وكل شوي ناطه هنا كان عندي مشكله بالأفرازات الخضرا وكتبتها بالقسم وقالو لي عادي هاذي من علامات الولاده و كذا و انا تطمنت بعدها بيوم زادت الأفرازات قلت اروح المستشفى اطمن اكثر و اول مارحت كشفت علي وجهها صار كذا *_* 
ايه ده البيبي متبرز ببطنك؟؟ 
طبعا الوضع خطير وعلى طول قالولي انتي عمليه قيصريه الأنو عندي مشكله كمان بالضغط مرتفع معاي اخر الحمل فقالت لازم توقعي ع القيصريه بأسرع وقت خطر عليك 




وقعت و قلبي يرقع يارب سترك انا كنت خايفه من القيصريه على كلام اغلب الحريم وشيء يهول المهم مالكم بالطويله وهم يجهزوني للعمليات جاتني حاله هيستريا خوف و جلست ابكي زي الأطفال بالضبط ابي بس اروح للبيت مابي اولد مابي عمليه خلاص وتهي تهي وتجمعو حولي دكاتره وحق البنج:( وش فيكي؟ حاسه بألم ؟ اقولهم لاء بس قلقانه ضايق صدري طلعوني خلاص :( 
وجلسو يهدوني واعطوني حبتين و كاس مويه مدري وشهي بس اتوقع مهدئه ثمن حملوني ع سرير وانا اذكر الله و ادعي وبنفس الوقت بداخلي اقول ياربيه معقوله يكون هذا اخر يوم لي بحياتي؟ هههههه مانلام افكر كذا من وصفكم للقيصريه ، ودخلنا غرفه العمليات وبدئ حق البنج يقولي بعد شوي بسكب مويه صائعه ع البطن ماتخفيش قلت طيب واتشهد كني بمجزره هههههه ثمن قالي يله شويه واحط المخدر ئولي معايا اللهم استودعتك نفسي والي في بطني فاحفظني zZzzZzZ 
تبنجت و فتحت عيوني ع دكتور التخدير وهو يقولي حمدالله ع سلامتك مبروك جبتي بنت كتكوته وانا رجولي تتصاقع برررررررررردانه اقولهم برد برد 
وقالي اذا انتي حاسه بألم بنعطيك ابره تخفيف و اقلهم اي اي وانا مدري حاسه بألم بوقتها او لاء اهم شيء يخفف ههههههه بس الي كنت حاسته بوقتها اني بردانه موت 
بعدها حطوني بغرفه العنايه عشان خايفين علي من ارتفاع الضغط وتجلطات وخلوني امشي بنفس اليوم والحمدالله مشيت طبعا بتحسي بتعب اول يوم وبعدها سهالات 




اه وش اقولكم كنت خايفه طول فتره حملي من الولاده و ندمانه اني ضيعت احلى شهور بحملي الأول بالتفكير كيف بولد؟ طبيعي ولاقيصري؟ بتحمل الام الولاده كيف ياربي؟ وعلى هالمنوال مافي احلى من توكل ع الله 




وانا للأمانه مع اني موسوسه ودايم اهوجس بالولاده بس كنت اصلي قيام ليل وادعي ان الله يسهلها علي و يصخرلي عباده الصالحين 




وربي مايخيب رجاك ابد والحمدالله اكرمني ربي بدكتور ممتاز بشهاده الكل وكنت انا اخر وحده سوى لها قيصريه الأنه بيسافر شهرين سوى العمليه اليوم الثاني تطمن علي و راح الشغله الثانيه السساتر يعاملوني كملكه بالضبط مع اني انا مستشفى حكومي يعني العنايه الله بالخير وربي انواع الدلع حتى بأول يوم يكون القومه و الجلسه شوي صعبه توكلني بيدها و كمان الي تمسح جسمي بأسفنجه وصابون وحتى بعد ماطلعت من العنايه المركزه كانو يهتمو فيني كثير بعكس غيري حتى اهلي و الي معاي بالغرفه لاحظو هالشيء وهذا كله بفضل ربي الحمدالله يارب  وانا الحين طلعت من المستشفى صار لي يومين وبنتي نايمه جنبي والحمدالله 




فنصيحه: اتركي الخوف و اطلبي الله يهونها عليك 




بالتوفيق حبيباتي الحوامل اسأل الله لكم الولاده الميسره 
وصح نسيت اقول يازين شعور بعد الولاده بيومين تحسين انك خفيتي وكذا هههههههه والله شعور جميل بجربونه ان شاءلله قريب 
فمان الكريم :$