السلام علكم ورحمــة الله وبركآته ..
اخبآآركم مدامات ؟
الله يهووون ع كل كروووشه يارب ويسهل ولادتهــا
والحمدلله ع سلامــة اللي ولدوا وربي يبراك لهم في اللي جابوا ..
ويرزق كل ام بطفل يسعد حياتهــا عاجلا غير آجل ..
واللحين بكتب لكم قصـــة ولادتي .
كآن موعد ولادتي 11_1 انقلش يوم الثلاثاء ..
وجاني طلق قبلهــا بيوووم تقريبااا الالام فضيعه حتى فخووذي صارت تعورني وما اقدر امشي وكآآن الالام متوآصل وصبرررت من الليل للصبآآح وماعاد قدرت اتحمل رحت صحيت امي ورحنــا المستشفــى قالت لي هذا طلق خلاص انتي ولاده ..
واقعد اربع ساعات اتآالم والرحم مفتوح 1 سانتي فقط وتفحص تقوول رحمك مو راضي يفتح
لكن انتي بكر وبنصبر عليك واقعد في غرفة الولاده الين الليل وتفحص مفتوح 2 ونص
وانا صحيح بغرفة لحالي لكن اسمع صرآخ الحريم وهم يطلقون او وقت طلعة الرآآس وماتشوفين الا صياحي اصيح وادعي لهم ونسيت والله نفسي زوجي وامي تعبوا نفسيا من شكلي قضيت هاليومين اصيح وزوجي كل شوي يقول طلعوها غرف التنويم كذا مابتولد وفعلا اقتنعوا وطلعت غرفة تنويم
ومن بعدها ما انفتح ابد وراحت الالام
ماكآن فيني شي
خلوني تحت الملاحضه تقريبا 24 ساعه وقالت خلاص مافيه ولاده تقدرين تطلعين البيت اذا تبين او نولدك بطلق صناعي وكان هذا الكلام يوم الاربعآء قلت لا بطلع البيت وطلعت
وقالت لي لك اسبوع من الآن لو ماجاك طلق لازم طلق صناعي ..
وحددت لي يوم الخميس بتآريخ 20 موعد الطلق الصناعي ..
<< مسلسل هع
الموهيم وتمر الايآم
طبعا طوال الاسبوع كنت آحس بالالام لكنها مش منتظمه وتحملتهــا ابيها تنتظم ومابي اعيد موال الاسبوع اللي راح
ويوم الاثنين في الليل تقريبا الساعه 9 كنت قاعده مع امي وابوي واسولف وكنت احس بالالام لكن عادي تعودت والوضع ايززي ودقت صديقتي واسولف معهاا تقول ماولدتي قلت لا مطوووووووووله ماحولي ولاده هههه
سكرت منها ورحت الحمآآم بحكم اني صرت كل دقيقه ادخله من الضغط اللي احس فيه خاصتن اخر اسبوع ..
اول مادخلت وانتو بكرامه إلا دم ينزززل وملابسي كانت متغرقه ولا حسيت
وتضربني ام الركب قسمن بالله راسي قااام يفر مدري وش جاااني خووووووووووووف عمري ماحسيت فيه واطلع بسرعه واشوف اختي واصرخ عليهاا نادي امي بسسسسرعه
وتجي امي ركض وانا اصيييييييح بس بدون صراخ ورجلي ترتجف واحس ببرد فضيع والالم زآآآد مدري من الخوف ولا صدق << هههه
ورحنـآ المستشفى ع الساعه 9 تقريبا
وقالت لي هذا نزيف ولاده وان شاء الله تولدين اليوم قلت انا ابي ابرررة الظههههر عطيني آياهـآ قالت انا عارفه مكتووب بملفك اساسا بس لازم رحمك يفتح 3 او اكثر انتي توك 2 ونص
واقعد ساعتين الم الم بدون مايفتح قالت انا بكلم طبيب التخديرر عشان يعطيك ابرة الظهر وبعطيك طلق صنآآعي لانك تنزفين وهذا يآثر ع البيبي قلت لها اوكي توكلي ع الله ويجي طبيب التخدييير ويعطيني آبرررة الظهر وقال 10 د وبتحسين باي شي
وفعلا ماعاد حسيت بشي ابد ابد هالابره نعمة من رب العآالمين خاصتن للي زيي عندهم خوووف ويتوهمون اشياء هع هع
ركبت المغذي وصارت تحط فيه الطلق الصناعي وانا اشوف جهاز الطلق يضرب وانا ما احس بشي واحمد ربي الف مرررررررررررره
ولما انفتح الرحم 6 سانتي تقريبا فتحت موية الرآس والساعه تقريبا 2 بديت احس اني ابغــى اتبرز وانتو بكرامه وانادي السستر اقولها ابغــى الحمآم تقول مايصير انتي اخذتي حقنة شرجيه قلت اقولك ابغى اتبرز فجاءه قالت لالالا دقيقه لاتسوين شي
وتروح تنادي الدكتووره واسمعها تقول موستحيل ولاده هذي توها 8 سانتي
شووي يروح هالاحسااس وبعدها يمكن ب5 د حسيت فيه مرره ثانيه اقوى من الاولى واقول لامي امي ابغى الحمآآم وتقوم امي ركض وتنادي الدكتووره لان امي عارفه طبعا وش هالشعووور :)
وجات الدكتووره وفحصت وصرخت ع القابلات والممرضات ولاده ولاده وقالت لامي اتفضلي برا شووي وزوجي كان برا وبديت احس بالدفع وتقولي ايووه بوش بوش شاطررره
الدكتووره هنديه ومعها اربع قابلات كانوا قمة الروعه ماشاء الله حنونات مررره وخدمتهم رائعه وكانوا
يعطوووني دافع وقت الدفع وهم متحمسين معي هع
والساعه 3 ونص الفجر طلعت بنوتي الجميله وكنت احس بالم وقت طلعة الرآآس بس كنت اقدر اتحمله الحمدلله حتى لما خيطتني اقولهاا احس بآالم قالت سووري نسيت وضربتني ابرة فخذ
بعدها عرفت انه مفعول الابررره من تحت موو قوي تحسين تقريبا بربع الالام او نصه حسب الجرعه اللي يحطونها ولمآ سآالت قالوا لي عشاان الدفع لو ماتحسين بالالام ماراح تقدرين تدفعين وبنضطر نستخدم جهآز الشفط وهذا يآثر ع الجنين واحنا نحآول نتجنب هذا الشي قدر الإمكآن
طبعا خلوني تقريبا ساعتين بعد الولاده وطلعوني غرفتي الخاصه وبعدهـا بدا مفعوول ابرة الظهرر يرووح ويبدا الصدااع اول مابدا الصداع كنت اقدر اتحمله واقدر ارووح واجي وطبعا ماجااني النووم بعد الولاده ابد تقريبا للساعه 10 من الصداع
وبعدها ابغــى اروح الحمآم وانادي السستر عشان تفتح المغذي
وقامت تساعدني وتوديني الحمآآم وماسكه يدي فجاااءه وانا بوسط الحمآآم ماعاد حسيت بشي ويغمى علي ماحسيت إلا بنآآس حولي اللي هم الممرضات ودكتورتي وزوجي يصفق وجهي وحطووني ع السرير
ويحطوون لي اوكسجين واخذوا تحليل دم وطلع عندي فقرر دم من النزيف اللي قبل الولاده
مع انه دمي ناقص من ايام الحمل واكل حبوب حديد لكنه نقص زياده ومع الصداع وفقر الدم صار يغمـــى علي
وخلوني ع السرير ما اتحرك وبشكل مستقيم انام وبدون مخده لاني لو ارفع راسي يغمى علي
والصدااع فضيع والله حتى المسكن ماينفع معه
واقعد ع هالحاله بالمستشفى يومين تقريبا اقضي حاجتي وانتو بكرامــه بالسرير الممرضات يجيبون شي يحطونه تحتي وربي كنت اصيح ع حآآآالي بس ما ابي اضيق صدر اهلي وزوجي
زوجي مارضى يطلع من المستشفى مع انه مممنوع الزوج يرافق وصار هو بداال امي
امي صارت تجي من الصبااح وترجع الليل البيت
الموهيم 3 يوم قررت دكتورتي اني اذا ابي الحمآآم لازم اقوم امشي بمساعدة الممرضات طبعا
وانا كنت ميييته خووف يصير فيني شي بس توكلت ع الله إلى متى بقعد ع السرير
ولما جيت برروح الحمآم جاتني ممرضتين يساعدوني دخلت الحمآآم وقضيت حاجتي وانا اذكر ربي ولما وقفت ويدووور راسي ونبضات قلبي تتسآآآرع وماعاد حسيت بشي الااا وانا ع السرررريييير والدكتووره تضغط ع قلبي بيدهآآ وتضربني ع وجهــي واللي ترش مويه علي
وبعدهـآآ صحيت بس تنفسسي صعب جداا احس روحي بتطلع مع كل نفس وتركب جهاز الاوكسجييين وابدا شووي شووي ارتآآح ويرجع كل شي لوضعه الطبيعي
وصارت تعطيني حبتين مسكن ثلاث مرات باليوم وبديت شوي شووي اتحسن
وبعدهـآآ طلعت من المستشفى تقريبا 4 رابع يوم
وجاني طبيب التخدير حق ابرة الظهر اليوم اللي بطلع فيه وقالي حصل ايه امبارح طبعا هو عآرف بس يبيني اتكلم
قلت الحمدلله وسكت .. مع انه مسكيين حليو وطيب وكنت كآسره خاطره
قال حقك علي لكن انتي الحآاله الوحيده اللي صار معها كذا لكن حالتك ماتخوف لان بالكتب وبالدراسات عن ابرة الظهر انها تسبب صدااع لمده اسبوع وترووح
وانتي تقريبا لك 4 ايام وان شاء الله 3 ايام وماتحسين في الصداع ابد
وفعلاا انا خذتها يوم الاثنين بالليل يوم الاحد راح الصداع فجآآءه ولاعآد رجع ربي لك الحمد وصرت انسانه طبيعيه اروح واجي لحآآالي والحمدلله والشكر لك يارب
ع فكرره انا ماقلت لكم ساالفتي عشاان ماتآخذون ابررة الظهرر لاني انا نفسي لو حملت مرره ثانيه بآذن الله بآخذهــآ لانها سححر ورحمــة من رب العالمين
واللي صارلي مايعني انه بيصير لغيري ..
اعرفها وحده خذت ابرة الظهر تخدير نصفي وولدت بعملية وقامت مافيها الا العافيه
وواحد اخذ البرة الظهر بعملية بواسير وقام مافيه الا العافيه
واساسا صاروا يعتمدونهــا اللحين في اغلب العمليات اللي تحتاج بنج نصفي فقط مو بس للولاده
دكتور التخدير يقاله ينكت ويغير الجوو علي يقولي صدئيني حتيقي السنه القاية وتطلبي ابرة الظهر بس حتقيبي صبي المرره دي قلت فال الله ولا فالك توني مابعد انسى مات ضحك
والحمد والشكرر لله ولدت طبيعي وبسهاله وجبت بنوته ربي يخليها لنا ليلة الثلاثاء 18_1 الساعه 3 ونص الفجر ...
وطبعا اولا واخرا لحد يآخذها بدوون استخآره وتوكلوا على رب العالمين ..
يلزم عليك تسجيل الدخول أولًا لكتابة تعليق.
الحمدلله ع سلامتك وابره الظهرررر روعه اخدتها بولادتي الاولى روعه والحمدلله مالها مضاعفات
الصفحة الأخيرة
ووفعلا انا اخذت ابرة الظهر وياربي لك الحمد ماشتكيت من شي ..
ويهون الصداع عند الطلوق وانا اختك خخ
بس اتوقع برضه الصداع زاد عليك بسبب فقر الدم ..
مره ثانيه مبروك ماجبتي الله يجعلها من مواليد السعاده