ميوووم @myooom_2

كبيرة محررات

ولادتي والفرفره بين المستشفيات

الحمل والإنجاب • 8 سنوات

السلام عليكم بنات كيفكم
ابي اقولكم قصه ولادتي احم احم بِسْم الله أبدا
امس مِن الساعه سته ونص الصبح بدت تنزل معي مويه انا طبعا زوجي حطني عند امي وداوم المهم قلت لامي عن المويه قالت اصبري مو الحين المستشفى وجلست تصب مني المويه باستمرار لين المغرب قلت لامي خلاص بروح اخاف الجنين يتاثر
ورحت مستشفى الشميسي قالو الحضانه فيها عدوى مانقدر نولدك روحي مستشفى ثاني واروح العسكري والقى هذولاك الموظفات مادري ممرضات مادري وش سالفتهم نفوسهم خايسه وقالو لي دامك ماراجعتي عندنا ماراح نولدك هنا واطلع وانا اصبصب وألم مره كثير الا ألقى حرمه عند العسكري تشوفني وانا ابكي خلاص تعبت قالت لي روحي اليمامة بيولدونك واروح اليمامة زحممممممممممه لكن قلت بصبر دامهم بيولدوني جلست في الانتظار من الساعه تسعه المساء مادخلت الكشك الا وحده وتعبت كثير بولادتي ماولدت الا الساعه اربعه ونص الفجر ولادتي كانت صعبه اصعب من ولادتي اللي قبلها لكن الحمدلله جبت بيبي جميل الله يحفظه
بس حطوه بالملاحظة من لما ولدته للحين وهو فيها يقولون خايفين عليه من الالتهابات عشان المويه اللي نزلت مني كثير
والحمدلله على كل حال

يلزم عليك تسجيل الدخول أولًا لكتابة تعليق.

تسجيل دخول

الجوريه10 • 8 سنوات

الحمدلله على سلامتك ياقمر
والله يجعله من مواليد السعاده البارين بوالديه ويفرحكم بسلامته

نوووررر123 • 8 سنوات

الحمدلله على سلامتك ومبروك ماجاك بعض المستشفيات مايهتمون حسبي الله عليهم

نجمة ذات بريق • 8 سنوات

الحمدلله على سلامتكم وان شاء الله يطلع وهو بخير وعافيه يارب ❤💋
بالله كيف كانوا باليمامه ووقت الولاده ساعدوك أو قعدوا يصرخون عليك يمه انا رحت لهم مره عشان اتأكد أن الجنين متوفي خفت منه ومن أشكال الحريم اللي جايين يولدون كان خبط لزق ورمضان وزحمه يارب بس الحمدلله على كل حال

ssaarraa11443377 • 8 سنوات

الحمدللهه ع السلامه ومبروك ماجبتي يتربى بعزك وعز ابووه ☺☺☺☺☺

مثلك انا ولدت 19/6 نزلت مويا وسولي طلق صناعي 😢 وطلع عندها بكتريا يقولوا بسبب نزول المويا
نزول المويا خطير
والحمدلله اخذنا كورس علاج 7 ايام واللحين طيبه ماعليهااا ☺☺
وقولي لولدك ترا العروسه جاهززززه 😂🏃🏻✌🏿
بس خليه يجهز مهرها من ذحين 😂

€ام شوق€ • 8 سنوات

الحمدلله على سلامتك ومبروك ماجاك