ولادتي وتعبي والله افرجها عليه

مساء الخير حبيباتي ابقول لكم قصة ولادتي انامسويه عملية ربط وطنشت موعدي تقريبا شهر ماجيتهم وفجاة وانا نايمه ويصير معي نزيف :oوالاخ ماهو موجو د بحكم عملي وعمله كل واحد بمكان الله يجمعنا المهم وانطلاق على المستشفى مع اخوي وقالوا لازم تحويل وعمليه على طول :06:وانا اجلس ابكي واقول والله غير اروح عند امي ماابغى تحويل وطلعت من المستشفى على مسؤليتي واخوي مستغرب يابنت الحلال تعوذي من ابليس وانا والله غير اطلع المهم واتكل على ربي واوقع خروجي وعلى البيت واخذ اغراضي من بيتي وانا طول الطريق ادعي يارب احفظ جنيني ولاتخسرني والالام الطلق مستمره معي وانا والله خفت لايموت الطفل في بطني وثلاث ساعات تقريبا المسافه واول ماوصلت دقيت :arb:وجاء وعلى طول المستشفى وهويقول لا ماهو وقت بنتك باقي شهر على الولاده وانا معصبه وتعبانه واقول له وش تبغاني اسوي والطلق يمسكني واصرخ بوجهه وهويسمي بسم الله علينا والطوارئ والممرضات والزحمه والله اني خفت ولبس المستشفى ياكرهي له وتجي الدكتوره وتقول غير نفك الربط واااه من الربط ويجي دكتور سوداني الله يوفقه طيب وحبوب ويفك الربط بصياح ووجع الله لايوريكم ويطمني على بنتي انها بخير واجلس سبع ساعات من الوجع والالم وطلعت بنوتتي على الدنيا وهي بخير بس انها صغيره بس نصيحه لكل وحده لازم تنتبه لنفسها والمواعيد لاتغلط غلطتي وسلامتكم