اولا زوجه الاخ مو ملزومه الا بزوجها وعياالها
ترى هي متزوجه ولدكم مو العايله
وامك اذا قامت عليهم مو معناته ان لازم يرجعون قيمه الخدمه
كفي نفسك وعيالك ولاتتشرهين ترى مافي احد ملزوم فيك الاااااا زوووجك فقط حتى امك مو ملزومه فيك
المفروض والدة ببيتك واذا عند اهلك معاك شغالتك
الاجانب يولودون ومن ثالث يوم طالعه السوق
ليه احنا عندنا هالعادات السيئه
تطيح وتبي العالم تخدمها وتتشره
وبالنسبه لعيال اخوكم والله ماعرفنالكم اذا ماجوكم قلتوا امهم مانعتهم عننا واذا جوكم قلتوا رموهم علينا عجيييب والله

معليش زوجات اخواني و سلفاتي و اخوات زوجي ابداً مو ملزومين فيني حتى امي مو ملزومة فيني اصلاً ليش اتعبها معاي لو فيه شخص ملزوم فيني و انه يساعدني فهو زوجي
الحمد لله لا في بكري ولا الحين رحت لامي بنفاسي كلها في بيتي و اخدم نفسي بنفسي و اذا جوني ضيوف يتحمدون لي بالسلامة تكفيني جيتهم ما ابغى منهم شيء ولا راح اتشره ولا الوم لان الناس بظروفها يكفي اني طريت في بالهم
و امك و اختك او انهم مسوين هالشيء لوجه الله و بطيب خاطري ما زعلو الحين ليش ما جوكم

انا أولد واروح بيتي اطبخ من ثاني يوم وأغسل الملابس واغسل المواعين وآكل مع زوجي وعيالي لا أعشاب ولا غيره

هي حسب العادات
انتي طيب ليش ماجبتي خدامه
المفترض كذا خدامه تجي لو بالساعات
دامك والده
الاعشاب مااشوف متعبه انتي قومي سويها
الحين جاهزه تجي وتنحط بالماء مب متعبه
اذا طبيعي والده فاتقدرين ترا بنات بكر وتقوم تشتغل لوحدها
انتي سويه غلايه وحطي الاعشاب بالثلاجه
الطبخ
الفطور والعشاء مثلهم
الغداء قسميه ليومين
يسوون كميه كبيره ويتقسم
احنا كذا نطبخ حق ثلاث ايام او يومين وبالفريز
الفطور فول او شيء بر كراث
جوعانه فواكه خضار
سلطه
سهالات انتي تقدرين تسوين لنفسك
العشاء شوربه نوعي. مقلقل دجاج . لحم
خبز بر . زبادي . الجوع كولي خبز بر .
الحين جاهز خبز التنور اشتري كثير وفرزني
التمر . المصابيب والمراهيف جاهزه تجي فرزني
ولو حق بيت سوي كميه ويفرزنون ليش اكل وطبخ وتعب يومي قسمي اكلك وفرزنيه
والجوع مثل ماقلت فواكه سلطه كراث مفيد تمر
شغل البيت اللي يتنظف يتسكر


سالفه . حريم اخوانك خوذي النيه الزينه
يمكن مايعرفون يمكن مايحبون يتدخلون بخصوصياتكم
يبغونكم تاخذون راحتكم يمكن ماعندهم مقادير
وصعبه تجبرين او تكلمين تقولين يوم انكم نفاس امي تقوم فيكم ووو
يمكن لان انتي يوم نفاسهم ماتسوين شيء فاليش يردون لك
دام اختك وامك اللي يشتغلون
والحين امك واختك نفاس بنتهم
يعني هم مخطين صح مو واجب لهن بس دام اهلك يقومون فيهم ليت يردون الجميل
وش بيدنا وبيدك ندق عليهم تدقين عليهم تقولين سوو افعلوا
كان تصير مشاكل
وهم ليش انفاسهم ببيوتهن يمكن اخوانك يجبرون حريمهم يجلسون وامك تقوم فيهم ياكثرهم اللي كذا
يجبر زوجته ويقول لاامه تخدمها
وسعوا صدوركم
وسوي اللي قلت
خدامه ماتقدرين بالساعات
اطلبي من زوجك يجيب مفرزنات فرزني مثل قرص خبز تنور مراهيف مصابيب وقسميه
امك واختك قولي لهم الاكل كميه تكفي ليومين او ثلاث
ويتفرزن
العشاء انتي قومي
قطعي وانتي جالسه بس الطبخه الي بتوقفين واختك تساعدك
ترا الحركه بركه خففي عنهم
لو لك اسبوع وطبيعي حلو
حتى الكنس الترتيب الغسيل تقدرين عليه
العمليه اسبوعين وبتقدر على كذا تعبتي اجلسي
وصدقين البلاء في اخوانك
لو فيهم خير جابوا خدامه لاامك ترا
وغير كذا بنفاسك زوجك ملزوم
وبالنسبه للي مخطين فيه الاطفال
ليش امك ماتكلم اخوانك
تقول مشغولين مانقدر نمسكهم
تكلموا معهم
سكروا كل شيء الى باب الحوش
يصير ضيق المكان
جاو عندكم ربع ساعه وقولوا ارقوا عطوهم حلاوه ورقوهم
او دقي على امهاتهم قولي الصغير نايم او امي مشغوله بكذا
وانا بنسدح مع الصغير تعذري
وبكيفهم لاتستحون منهم
لاتحملون ليش
وترا انتي نفاس بتحسسين من اي شيء
مع انهم جايين لبيت جدتهم بس لان نفاس تبغين ترتاحين
مدري الله يهدي بعض الحريم اللي كذا
وش بيضر لو هي ساكنه مع اهل زوجها تجيب شيء بيدها
ترسل شيء


شوفي انا عماتنا استحي اتدخل في اكلهم وكذا
مااحب ارسل اخاف مايعجبهم مايناسبهم طريقت طبخي للااكله ماتعجبهم مايحبون
فاعشان كذا ماتسوي شيء بعض الناس ترسلين لهم يعيبون في اكلك وخطاء وماخطاء فاماتسوين شيء احسن
الله يعينك
ولااطفال رقوهم لااهلهم
وليت لو اخوانك يسكنون بعيد عنكم
يصير كلن يعتمد على نفسه
سبحان الله كثير مشاكل تجي من ورا سكن زوجه الاخ عند اهله
يصير على الزوجه لوم وتشره وانتقاد
ماجت او تجي كثير
ماطبخت . طبخها مو كويس
ازعاج اطفال . ليش تجيبهم
تدخل وبيده فاضيه
راعيه سواليف كثيره ولا صامته
وغير التدخلات بين الطرفين
وغير كذا عيشتها بدون خصوصيه حتى لو بدوركامل
وتلاقين غصب عليها وبلاء في الرجل
دخلت بموضوع
المهم وسعي صدرك وسوي اللي قلت
مفرزنات وخدامه . والاطفال رقوهم لااهاليهم وسكروا كل غرف بيتكم المطبخ الحوش الانوار سكروها بيطفشون
الناس اجمعوهم يجون بيوم وخلاص

احتسبوا الاجر
وليت ماتتكلمين مع امك تتضايق وتلاقين مابقلبها شيء عليهن
مجرد ماتفتحين الموضوع بتنفتح شرارات وبيصير بالقلب شرهات وغيره
وثم تروحين وتبقى بين امك وحريم اخوانك والسبب انتي
امك معاملتهن مثلك انتي مثل بنتها
وغير كذا جيبي اكل جاهز اطلبي
قولي لاامك لاتطبخين اليوم بعشيكم انا واطلبي
مره بالاسبوع منها تخفيف ومنها راحه وينبسطون
اشتري لهم شيء يونس امك واختك فلوس هديه مواعين