ولادتي ياحوامل ونفوسات

السلام عليكم ورحمة الله..

كيفكم يا حوامل ونفوسات ***** الله انكم بأتم الصحه والعافيه حبيت اخبركم اني ولدت يوم الثلاثاء 21 ذو القعده

ورزقني الله بولد جميل تام الخلقه لله الحمد والمنه وكانت ولادتي قيصريه "الولاده الثانيه"

كانت الولاده بمستشفى سليمان الحبيب موعد ولادتي الساعه 2:30 ظهرا وحضرت المستشفى الساعه 11 صباحا

ولمن رحت لمكتب الدخول قالوا لي مافيه غرف !!!

بغيت اموت من التعصيب "هذي مشكلة مستشفاهم" وجت مديرة مستشفى الولاده عبير المرشد وعرضت علي عرضين :

* تأجل العمليه وهذا صعب لان عندي طلق مبكر من اول ومو زين لي وانا ولادتي قيصريه
* ادخل بغرفه مشتركه اول يوم والثلاث ايام الباقيه ترفعني من غرفه خاصه الى سويت مع العلم ان العقد يلزمهم في حال عدم تواجد غرفه خاصه يتم رفع المريض لغرفه افضل "upgrade"

فاضطرينا نقبل عرضهم الثاني مع العلم اني احتاج الراحه اكثر شي باليوم لأول لكن توكلنا على الله وسويناها

والعمليه اخذت ثلث ساعه فقط ماشاء الله د/زينب حبيب رائعه مو حنونه لكن طبيبه ممتازه وهذا الللي احتاجه بما ان ولادتي قصريه

اهم شي اضمن ان الطبيبه جراحه ممتازه وفعلا عمليتي هذي افضل من الاولى من ناحية صحتي او شكل العمليه

الحمدلله وماشاء الله افضل من عمليتي الاولى مو ليزر لكن العمليه يادوب مبينه مسويه "خياطه تجميليه"

وعنايتهم ممتازه وبالنسبه لليوم اللي قضيته في الغرفه المشتركه الله رزقني بشريكة غرفه توسع الصدر الله يذكرها بالخير

والله اني ادعي لها وحزنت لمن خرجت مع اني ماقضيت معاها الا يوم واحد لكنها دخلت قلبي وتمنيت

اني اعرفها اكثر لكن الله يستر عليها خرجت وراحت بيتها

يعني بالمختصر ولادتي والحمدلله عدت على خير والله يعين على تعب البيبي الجديد

وعقبال اللي تنتظر مولودها الله يجيبه بالسلامه لها :)