ولاده بعد طول انتظار لكن بعدها!!

الحمدلله من قبل ومن بعد طبعا حبايبي انا هنا اكتب قصتي فقط اريد شيئين
الاول الدعاء لي والثاني تطميني اذا تعرفون احد مر بنفس قصتي


طبعا الله يسعدكم مالكم بطويله انا متزوجه من اربع سنوات اراد ربي اني اتاخر بالحمل لمده سنتين ونص بعدها كتب لي ربي الحمل وبغيت اموت من الفرحه انا وزوجي واهلي وكل من يعز علينا
ننتظر متى يحين وقت الولاده ،، مرت الشهور بتعبها والحمدلله وجت الولاده وولدت ع خير .. مو هنا الموضوع الموضوع انه باقي فقط ع نهايه نفاسي اربع ايام واطلع وحماس وش اغير من استايلي وش اشتري ووو
نمت صحيت الا انا تعبانه بلامقدمات وع المشفى تبين عندي جلطه بالحوض وجلست مايقارب ١٢ يوم بالمشفى وطلع جزء منها ع الرئه
وبدات بالخطه العلاجيه ومازلت فيها والحمممدلله ع كل حال
تغيرت النفسيه تغيرت الاوضاع لكن ادعي ومازلت ان ربي يصبرني ويمتعني بالصحه والعافيه ويتم علي الشفاء
كلام الدكاتره بان السبب بعد ربي هو من قل الحركه في النفاس وسبب الجلطه اللي بالحوض وتعتبر من جلطات الاورده العميقه اللي ممكن تكون بالارجل او الحوض ويطلع منها بعض الاجزاء اذا اهملت او تاخر العلاج وبتالي قد تسبب الوفاه اعوذ بالله ..
مين تعرف احد مر بشي من هالقبيل والله بحفظنا ويحفظ المسلمين والف شكر لكم ..