ولاده في الثامن

بنات انا العضوه الي اسمي ولاده مبكره الي تنومت على اسبوع ٣٤ و طردوني بعدين
و باقي ما ولدت هذا حسابي اول شي سويته بعدين نسيت كلمه المرور و سويت الثاني الي هو ولاده مبكره و نسيت كلمه المرور و تذكرت كلمه المرور حقت هذا
المهم انا الرحم مره يقولون لي مفتوح ٤ و مره ٣ و مره ٣ و نص و مره مقفل و بتفس الوقت الي قالت لي مقفل كيف مقفل و الظهر كنت موجوده و كان مفتوح و فيني طلق فقالت خلاص انتظري ساعه و برجع انتظرت ساعه و جيت و كشفت و قالت الرحم اثنين و راحت و انتظرت بعدها ساعين لانها عيت تنومني و عندي طلق منتظم يجيني كل ثلاث دقايق لمده دقيقه
المهم انتظرت الدكتوره الي بعدها جت و كشفت و قالت الرحم ثلاثه قلت الدكتوره الي قبلك قالت ٤
قالت هو اربع بس مو ولاده بعدين
قالت خلاص تنويم بتكونين تحت الملاحظه دام ينزل معك افرازات فيها دم
اخخخ ي اني تعبت ي بنت بشكل مو طبيعي
المهم تكفين عطوني شي اشربه و اولد امس مسكني طلق طول اليوم و يوم اخلت تنويم اختفى تخيلو😭و كنت شاربه امس ملعقه صغير خروع و اشرب خلطه فيها قرفه و عسل و تمر وزنجبيل و فلفل اسود و كمون و احط عليها مويه حاره و اخليها ساعه تختمر كذا و اشربها و طول اليوم كان طلق مره مره مره قوي حتى قلت انها ولاده و بولد خلاص بس اليوم الصباح كل شي اختفى
بس ينزل معي دم كذا ساده و بعدين نزلت افرازات فيها دم و الافرازات كثيره
ساعدوني نكفون لا تقولون لي انتظر الله يوفقكم مره مره مره تعبت الحمدلله وزن البيبي تمام و خذيت ابره الرئه و باقي ثلاث ايام على التاسع مع تفرق فتكفون هطوني شي يخليني اولد من تجاربكم الله يسعدكم و اليوم جمعه لا تبخلون عليها بدعاوي الله يسعدكم
انتظر ردكم لا تشوفون ولا تردون والله ما بنساكم وقت الطلق بدعي لكم 😭