لو فيه صور كان احسن

نعرف وش الي يناسبه

الله يوفقكم ماقصرتو يابنات
بصراحة للاسف ماقدر اصور هاليومين لان فيه عمال يصلحون عند جهة المجالس وانا مو موجوده
ان شاء الله بحاول اصوره في اقرب فرصة
احس مافي احد فهمني صح؟؟؟
ولاحتى في اختيار الالوان؟

والله ان اخبرلس وحده من صديقاتي فيها دلاخه متعديه ...لدرجه ان اثاثها قديم كنه بسكوت ابوميزان كانتس خابرته ..

وسبحان الله بعد مده سيرنا عليها في بيتها الجديد (ماشاء الله تبارك الله ) شيء يهبل !!

ويوم نشدتها وش الي تغير ...قالت (( الي له عيون وراس يسوي سوات الناس ) تقول قمت انا ورجلي مغير نجمع في

مجلات الأثاث ومواقع الديكور في الأنترنت ...والحمد لله جابت نتايج ..

عاد الله في عمرس ولا تقصرين مادام انتس هاليومين فاضيه والعمال مسكرين عليكم ...لا تقومين من الأنترنت

والله يوفقك ويهنيك ويسعدك ويصيرون يفهمونك صح

طيب يابنات انا بقولكم باختصار يمكن احد يفهمني
انا عندي غرفتين مربعات ورحت فتحتهم على بعض وخليت المساحة الاكبر مجلس للحريم وجزء صغير يكون انتريه يعني مدخل
فانا حابه تساعدوني بالالوان ايش اختار صبغ جدران اخليه فاتح مثل الاصفر الليموني او بيج او تفاحي او مشمشي وايش اسم الصبغه
او اخليه غامق مثل العنابي والكركمي والفوشي الغامق
وايش اختار سيراميك لون مربع فاتح ولون مربع غامق او شكل رسمه في الوسط
وايش اختار خشب في السقف غامق عنابي او خشبي مذهب
اتمنى تساعدوني ووصلت الفكرة انها غرفتين في الاساس وكسرت الجدار وخليتهم مفتوحين على بعض وقسمتهم وخليت المساحة الكبيرة مجلس يعني صار على شكل مايل للمستطيل والباقي مساحة صغيره خليتها مدخل وشكلتي في تناسق المدخل والوانه حيييرررتني :angry: