ولاول مره ولدت ماكملت التاسع ,,,,طبعا في العسكري

اهلين بالكروشات ,,,,,,,,,والله يهون عليكم ويساعدكم ويسخر لكم

الحمد لله انا ولدت يوم الاربعاء بتاريخ 20-1-1431
وجبت وللد
والحمد لله بخير
بس الولاده ياسلاااااااااااااااااااااام:06:
يوم الثلاثاء الساعه 7 اليل كنت احس ان بطني يتحجر بقوه ومعه الم في الظهر والورك بس قلت عادي
طول التاسع علي هالحال وباقي علي اسبوع واكمل التاسع لاني داااااااااااااااايم اختمه وبقوه :hahaha:
استمر التحجر بشكل مو منتظم ابداااااا مره كل ربع ساعه ومره كل نص ومره كل ثلث يعني ماله وقت معين
قلت اجل مافيه ولاده ,,,وكان عندي صبح الاربعاء موعد في مستشفي العسكري بالرياض طبعااا
خليت واحد من عيالي يغيب علشان يقعد مع اخوه الصغير ويفتح لاخوانه اذا جو من المدراس
طبعا النوم مو مره زين مره انام ومره اقوم وكل هذا تحجر (لاحظو ماجاء طللللللللللللق)
ولما قمت الصبح حسي بالم خفيف قلت لزوجي خذ دفتر العائله واخذت شنطه المستشفي احتياط
طلعو عيالي المدارس وانا ع المستشفي ولما ركبنا السياره تعالوووووووو شوفو زحمه الملك فهد
والحمد لله ان الالم كان كل نص ساعه (من السنع كنت اقول لزوجي نطلع الساعه 9 بس الحمد لله رفض):hahaha:
ولاكان ولدت بالسياره
بعدين الالم كان يجي ويرووووووووح ولا كان فيني طلق لدرجه اني قلت اكييييد بنت هي الي طلقها كذا يكون بااااااااارد
ومسكتنا الزحمه الين الساعه 8 الصبح والطلق يززيد والحمدلله وصلنا اخيراا
ودخلت والممرضات رايقااات ع الاخر مافيه الا انا بسسسسسسسس قلت حلو يعني متفرغين لي
بس يافرحه ماتمت :hahaha:نص ساعه الا الزحمه شيء مو طبيعي:mad:
ممرضات الكشف بصراحه رووووعه
بس حقات الولاده شويه كلمت زفت
قعدت في غرفه الكشف الين الساعه 10 ونص وصار الرحم 7 سم
ولما رقيت فووووق استقبلتني ست الحسن والجمااال ورواااائح العطور الي ياسلااااااااام
وكشفت من تحت وبغيت اموووووووت منن الالم اسلوبها خشن مره ولما قلت لها شوي شوي وعصبت
وبعدن جا وقت الدفع
والله حطت يدها علي خدها وقامت تناظر فيني وتقول بكل برووووووووه استني شوي مو الحين باقي 2 سم
طيب وش اسوي واقول لها حرام عليك خلاص ساعديني
ولما شافت ان الوضع خلاص جت تساعد ولافيه اااحد معها هي بلحالها ورفضت توسع لي والله شفت الموت وبعدن طلع الولد بس عقب ماتمزقت تمزق شنييييييييع من تحت حتي تهاوش وحده من الممرضات وتقو لها ليه ماساعدتوني ليه انا بلحالي ردت الثانيه قالت مافيه ممرضات والولاده زحمه
ولما جت الدكتوره والله خياطها دمااااااااار مو زي قبل انا قد جربت الخياطه عندهم كانت روووعه
خلصت والحمد لله علي الساعه 12 الظهر
للمعلوميه انا من عقب عشاء الليل ما كلت شيء وكان معي سكر حمل خفيف
قعدت في الغرفه شوي وطلعوني غرفه ولاده ثانيه مايستعملونها ولقيت فيها حرمه مخلصه ولاده من الساعه 9 ولا رقوها فوق لان مافيه سرير وانا نفس الحاله
جلستت الا الساعه 1 وجت قالت تبغين اكل قلت ايه جابت رز وخضار ولبن ومويه وكله باااارد
ولاقدرت اكل ابي شيء حااار
شربت اللبن وبغيت اسفرغ ولالقيت احد عندي والسرير رفيع ماقدرت انزل منه علشان اروح للحمام
ويوم جت الساعه 2 جت الممرضه قلت ابي الحمام قالت لاااااااااااااااااااااااا بعدين قلت حسرانه قالت لاااااااااااااااااا
ورقوني فوق وعلي طول طيران ع الحمااااااااااام
وقلت جوعاااااااااانه ابغي ساندوتش وحليب قالت طيييييييييب :mad:طبعا سفهتني
هنا انخفض السكر بشكل مو طبيعي وصرت ادوخ وتجي تحط الطفل رضعي وبغي يطيح اكثرمن مره
ونمت وانا جالسه من التعب والطفل معي:44:
وجا زوجي الساعه 4 ونص وجت معه اخته وبنت اخوه وجايبين قهوه وتمر وزنجبيل
بغيت اصيييييييييييييييييييح :06:يوم شفت التمر
صرت اكل بهبااااااااااااااال ولما عرف زوجي عطي الممرضه 20 ريال قال انتبهي لها وللبيبي
والله صارت شيء واهتمام غيييييييييييير (حسبي الله ونعم الوكيل)
والله تغير اسلوب العسكري بشكل مو طبيعي والزحمه شيء غريب
الي جنبي مسكينه والده بعمليه وحطو ولدها عندها وبالطقاق دخلو اختها كمرافق:44:
اما جراءات الخرووووووج تشدد مو طبيعي واجراءات صاارمه
هذي قصتي اثناء الولاده واذا كتب الله اخر ولاده عندهم