أفاااااااا يا بنات

وين الردووووووووووود؟؟؟؟؟؟؟؟؟

:( :( :(

ياليت تعطونا معلومات اكثر عن المناطق السياحيه المشهوره
والاسواق اللي هناك
مالنا غيركم ساعدونا

مرحبا بنات .. انا في كولورادو وراح افيدكم باللي اعرفه ...


الأسئلة
نقاط تتعلق بالولاية نفسها :
1- الطقس في هذه الولاية بارد أم معتدل ؟
الطقس بارد ومثلج في الشتاء ومعتدل بالصيف وعموما متقلب جدا يعني تلاقينه شمس بالظهر وممطر بالعصر ... عشان كذا الناس هنا دايما يشيكون الطقس قبل ما يطلعون عشان ياخذون احتياطاتهم ....

2- الناس فيها : هل هم متقبلون للأجانب أم متعصبون ؟ وهل يوجد أصلا أجانب من جنسيات أخرى غير عربية ؟ ومن هم أكثرها ؟
الناس رائعين ... يمشون ويبتسمون لك من جد يرفعون معنواياتك ... ويوجد عرب واعتقد اكثرهم سعوديين ...

3- ما هي المحلات المشهورة والمتوفرة فيها ؟
المحلات المشهوره Cherry Creek mall,16th street mall, down town,royal tower,mountins
طبعا هذا مو كل شي لس انا كتبت اللي حاظر في ذهني ...
بس ترى سوقهم ما عجبني كاجوال مره ...تلاقين فيه اكيد اشياء حلوه بس انا تصورت السوق احلى من كذا ... يعنس احنا عندنا ماركات كثيره مو موجوده عندهم ودايما يعجبهم لبسي ويسالوني من وين اشتريته ... لان هم ما عندهم مثلنا ... من جد ما حسيت بقيمو سوقنا الا الحين ...

4- هل تعتبر من المدن باهظة الأسعار أو معتدلة ؟
اسعارها معتدله لكن مو ذابحنا الا الضرائب ومو قاهرني الا ان مواقفهم بفلوس يعني وين ما تمشين تدفعين ... ويقولون ولاية Oregon مافي ضرائب ووطبيعنها خلابه جدا واسعرها رخيصه

5- ما أخبار الشقق السكنية والبيوت للإيجار , وما معدل الأجرة فيها ؟
الشقق جميله والاسعار تتراوح بين الغالي والرخيص لكن حتى الرخيص جيد ... انا عن نفسي ساكنه في compoundوفيه سكيورتي وريكريشن وحمامات سباحه ويطل على بحيره ... وشقتي غرفه وحمام ب 750 دولار

6-هل تعتبر هذه الولاية ولاية سياحية أم حضارية فقط ؟ (بمعنى هل طبيعتها خلابة أم عادية وبناؤها متحضر أم متخلف )
كولورادو طبيعتها جبال ... وايام الشتاء طبعا ما تنفع للسياحه بس بالصيف عندهم انشطه واشياء مره حلوه... وطبعا بناؤها متحضر

نقاط تتعلق بالجالية العربية والوجود الإسلامي :
1- المراكز والمكتبات الإسلامية في هذه الولاية كيف وضعها ؟ (مع ذكر العناوين إن أمكن )
ما عندي علم

2-الجالية العربية فيها : هل تعتبر غنية بالعرب أم قليلة الإنتشار ؟
فيها عرب كثير

وما هي جنسية الأكثرية من العرب المتمركزة فيها ؟ )
اعتقد سعوديين

3- هل توجد أسواق ومحلات عربية ؟ (مع ذكر الخرائط والعناوين إن أمكن )
توجد محلات عربيه للبهارات واللحوم وغيرها ... منها international market ,
ala'a il deen supermarke,middle east supermarket
بس تره اسعارهم مبالغ فيها جدااااا
بالنسيه للعنواين ما تحظرني الان بس اظن المدل ايست في colorado boulevard
بس ترى اي واحد يسكن عندهم يعطونه شي اسمه
yellow papersهذا دليل فيه ايييييييي شي يخطر على بالك ... يروح للحرف ويطلع رقم التليفون والعنوان ...

بالنسبه للأخت حلاوه والاخوات اللي سألوا عن محلات اللحوم كل شي موجود بهالدليل اسالوهم اذا عطوهم اياه واذا مثلا يبي المستشفى يفتح حرف H ويدور hospital
ويشوف اي وحده اقرب له ...
وبالنسبه للشقق القريبه من الجامعه هو في اي جامعه يا حلاوه ؟
يقدر برضو يطلع من الدليل او يروح مكتب للانترناشيونال في الجامعه وهم يزودونه بكل المعلومات اللي يحتاجها



4-هل يوجد أطباء وطبيبات عربيات تستعينون بهم
وخصوصا في حالة الحمل والولادة ؟ :
ما عندي علم

نقاط تتعلق بمشاعرك نحو هذه الولاية :
1- هل أحببت هذه الولاية وتتمنين البقاء فيها ؟
فالبدايه كنت مره متضايقه خصوصا ان الولايه هااااااااااديه هدوء مميت ... بس لما عرفتها وعرفت الاماكن بديت اتعود وحبيتها ... واهم شي فيها امان

2- نصيحتك لمن تنوي الإقامة في هذه المدينة ؟
ما عندي نصيحه محدده ... كل شي طبيعي هنا بس انتبهوا من معاملات البنوك وخليكي حريييصه ومتابعه كل شي بدقه ولا تغلطي بشي لانهم طالعين نازلين يسحبون فلوس

نسيت اقولكم اللي تبي تركب دش عربي تطلب شقه مواجهه للجنوب من البدايه ... لان احنا ما سوينا كذا ولما طلبنا ننقل شقه مواجهه للجنوب دفعونا فلوس كأنا بنسكن من اول وجديد ...


يووووووووه بنات تذكرت شي مره مهم ... اللي تستخدم حبوب منع الحمل تشيك ال health insurance تبعها اذا يغطون تكاليف الحبوب كان بها اما اذا ما يغطونه احسن لك تشترين كمية تكفيك من النوع اللي تستخدمينه الآن ... انا كنت استخدم حبوب وسعرها 30 ريال ... ولما جيت هنا ما رضوا يوصفونها لي الا لما اروح عند طبيب ورحت عند طبيب ودفعني الشي الفلاني وما سوى شي وصفلي نفس الحبوب ... ولما رحت اشرتيها لقيتها ب 190 ريال فررررررق السعر وهي نفس النوع ونفس الشركه ... انتبهوا
3- ما هو أكثر شيء تفقدينه فيها ؟
مممممم جبن كرافت لوووووووووووول
لا من جد في اكلات كثير ما تقدرين تسوينها لان مو موجود اغراظها
مممممممم كل اللي اقدر اقوله انه افتقد اهلي وبلدي وصووووووت المؤذن... بس

:) وبالتوفيق للجميع

مشكوووووره اختي على مساعدتك لنا

العفو يا نسيم الليل ومشكوره على تشجيعك :) ...

بالنسبه للاخت اللي تسال عن الحجاب ... بالعكس هنا اشوف بنات كثييير متحجبات والناس مره معتادين على هالشي ... ومره ينيسطون عاللبس اذا كان متناسق مع الحجاب ... يعني صاير مميز وشيك جدا وهم ودهم يلبسون زينا لوووول ...

اما بالنسبه للنقاب .. ما اعتقد يتفبلونه بصراحه ..لان مو منتشر وما عندنا غير وحده والكل يطالعها ويتكلم عنها ...

وبالنسبه للمواصلات في باصات عامه ..و في شقق جنب الجامعه عندهم باصات توديك اي مكان ... او ممكن تاخذين شقه يمر القطار من عندها والقطار يروح كل مكان ويمرون كل ربع ساعه ... لكن انا اشوف السياره أأمن مع ان البنزين نار ... مره ركبت مع زوجي الباص وخفت من الاشكال اللي فيه ... كيف اللي بتروح لحالها ...