لاحول ولاقوةالابالله العلي العظيم لا تتركي بناتك أحضنيهم اشعريهم بالدفء والحنان وهو له رب يحاسبه ادعي ربي ان يهديه لكم استغفري كثير

ياريم اذا عنده واسطات ومعارف فالقطاع الامني اواحد له نفوذ لاتشتكين عليه لان حرف الواو بيطلعه وبيصير العن من قبل لعن الله الواسطه

ايه له

الله يفرجها عليك وعلى بنياتك ي عيوني هم الله يساعدكم ،، بس لفت نظري تقولين طيب وكريم مع غيري غريبه صراحه اما انه من بدايه الزواج مغصوب عليك مثلا او انه يعاني من سحر او حسد خاصه اذا كان حياتكم من قبل مضرب مثل

الله يكون في عونك ويفرجها عليك
انتي جاوبي نفسك لو المشكله لوحده من قريباتك وش تنصحينها من قلبك
اذا الزوج العيشه معاه مستحيله لا اسلوب ولا اخلاق ولا ذوق ولا احترام ولا موده ولا رحمه الا وقت حاجته
والاهل مستحيل يستقبلون البنت واطفالها برقبتها

ومافي مصدر دخل ولا في امكانيه انك تعيشين في بيت منفصل وتأمنين على نفسك

وش الحل برأيك ؟

انا اشوف انك تتنازلين وتغضين النظر عن بعض الامور وتعلنين الهدنه ووقف الصراعات مو عشانك عشان اطفالك حرام والله يتعذبون وعايشين رعب وذعر نفسي لدرجة صار معهم تبول لا ارادي والله يعلم كيف بيكونون اذا كبروا

تكفين ارحمي ضعفهم وقلة حيلتهم وحاولي تهيئين لهم جو اسري مستقر بكرى اذا كبرو وصارو يفهمون يمكن يحطون عليكم اللوم او يروحون لأقرب ذكر بالشارع يحسسهم بالعاطفه والامان ويسمعهم كلمه حلوه

مو شرط تردين عليه او تناقشينه وترفعين صوتك اذا نفخ ريشه عليك تذكري تعب وضعف بناتك وانسحبي عشانهم واشتري راحة بالك طالما هي خاربه بينكم وانتي عايفته ليش تتصارعين اتركيه يبربر

يمكن زوجك من النوع المريض اللي مايتحمل بنت تصير قويه ولها صوت وكلمه وربما مايتحمل ان زوجته تكون ناجحه ومثاليه فيبدأ يكسرها ويضربها ويهينها عشان يحس انه افضل منها واقوى منها .

جربي تصنعي الغباء والضعف قدامه وهو ارفعيه للسماء وامدحيه خليه يحس انه عنتر زمانه الحلو ابو دم خفيف القوي اللي اخر حبه

ادري انك كارهته وعايفته من اللي شفتيه منه لكن عشان بناتك الوضع يستحق انك تتنازلين وتضحين بإنك تغيرين اسلوبك معاه

وعلى قول وحده ردت طالما زوجك وقت حاجته للعلاقه ينقلب حنون وكويس العبي على هذا الوتر مثل ماترتخين معه هذا الوقت وقلبك يحن وتتجاوبين لطلبه يعني فيه أمل وفيه خير لكن حاولي انك تطلعين الخير اللي فيه وحتى اذا استفزك وضحك وتمسخر بالعكس خذي الوضع مزح وابتسمي صدقيني بيتوقف عن مضايقتك لانه خلاص بيعرف ان هذا الشي ماعاد يأثر فيك ويضايقك لكن كوني ذكيه ولا تدخلين في دوامة الخصام والصراخ


ولا تغفلين عن الصلاه اخر الليل لو ركعتين واجلسي اشكي حالك وهمك لرب العالمين وبإذن الله تفرج عليك


انا رديت عليك بضميري والاطفال لهم حق ومسؤليه برقابكم حرام تجيبونهم وتعرضونهم لصدمات ومشاكل

اسأل الله ان يشرح صدرك وييسر امرك وان يصلح مابينك وبين زوجك