ولدت الحمدلله وابغاكم تستفيدو من قصتي

السلام عليكم بنات حواء..انا عضوة من سنه هنا بس فقدت بياناتي كنت في تجمع العرايس..هههههه..المهم انا ولدت قبل 3شهور بقيصريه احب انبهكم يابنات لاشياء تستفيدو منها ولاتغلطو غلطتي..انا الحمدلله حملت بعد زواجي ب4شهور وكان الوضع تمام الحمدلله ولاحسيت بعوارض وحم ولاشي لكن من الشهر الثالث اكتشفت الضغط انو مرتفففع وبقوه اعطوني الدومين وكل فتره بزودو الجرعه اعطوني كمان جوسبرين لكن للاسف لقلة خبرتي والمستشفى الله يهديهم اكتفو بالحبوب وماعطوني الابر اللي تحت الجلد لما دخلت السادس والضغط ف زياده وانا مستمره ف الحميه قالو النونو وزنه صغير وحملك خطر وكملنا المشوار صرت اروح يوميا ومرات اتعب بالليل واروح طواري..ووصلت اخر السابع قالو الجنين توقف نموه ع27اسبوع لااازم ينزل فيه قصور ف المشيمه والضغط مرتفع وضروري عمليه هاليومين وقفت الاسبرين واخذت ابر الرئه4ابر وكنت ميته خوووف ع جنيني لايصير فيه شي ودخلوني عمليه وانا داخله الثامن بيومين بس ف العمليات نزفت كثير ولاتكلمو ولا عوضوني بدم خرجت وطبعا بامشي ثاني يوم موقاده من الدوخه قالو عادي لبعد 4ايام واغمي عليه وشافو دمي 5ونص والله يابنات ويعطوني صفابح و4 وحدات دم ويسوون اشاعه عشان النزيف اللي حصل طلع الدم متجمع ع الرحم وكل هالثلاثه شهور والعمليه مفتوحه وتنزل دم وسوايل والحمدلله هالاسبوع وقف وبدت تلتئم..اما بالنسبة لبنتي طلعت ووزنها 500جرام بس وجلست شهرين ف الحضانه والحمدلله الحين وزنها 2كيل ونص بفضل ربي وصارت بحضني..لكن يابنات نصيييحه اللي بتولد بالثامن او السابع وهي ماعندها طلق لايكشفون عليها كشف من تحت انا كشفت ع الدكتوره وانا ماعندي الم بس دخلت طواري عشان العمليه وكشفت والمشيمه ضعيفه وانفجرت وع طووول دخلوني مستعجل للعمليه وحتى اهلي مومعي بس زوجي..والشي الثاني اللي بنبهكم له الاكل يابنات اهتمو بالحمل انا اعترف اني كنت مهمله باكلي بس3وجبات وخفيفه بدون فواكه ولاعصاير وطاهت بنتي ضعيفه ودمها ناقص لكن الحمممدلله ع كل حال..طولت عليكم لكن ابغاكم تستفيدو من تجربتي