ولدت الحمدلله وكانت أسهل وأسرع ولادة والسبب....؟

السلام عليكم خواتي

كيفكم حوامل وأمهات إلي باقي الله يهون عليها
والأمهات الله يعينكم عالسهر والرضاع 

المهم بفضل الله ورحمته ولدت وجبت أحلى ولد
الله يحفظه ويحفظ لكم عيالكم

بدأ معي أعراض الولادة يوم الأثنين كانت غثيان وإستفراغ
ونفسية بصراحة لاتستغربون بس أنا عرفت أنها ولادة 
لأني طوفت التاسع بأيام 
وطبعا بديت أجهز نفسي والبيت ولما جاء المساء بدأ 
معي الطلق متفاوت كل ساعه ساعتين ويختفي لين صار 
الوضع ممل وفي مساء يوم الثلاثاء صليت الأستخارة
إن كنت أستخدم (....) عشان يساعدني وطلبت زوجي
وجابه لي عالساعه الحاديه عشر مساء الثلاثاء وأستخدمته وكلها
نص ساعه ومسك معي الطلق تدريجياً لين بدأ يصير كل 
خمس دقائق وجلست بالبيت أستحم بالماء الحار وأمشي
وجماع ورحت المستشفى الساعه عشره صباح الأربعاءولما رحت كان الرحم
سته سم وبدون ماينزل علي موية الطفل
وعلى بال مادخلت غرفة الولادة عالساعه إحداعشر الصباح وخلصت الساعه أثناعشر الظهر 
جلست بالدفع يمكن ما توصل خمس دقائق لأن الولد
هو إلي دفع نفسه وماأحتجت خياطة 
اللهم لك الحمد والشكر وعقبالكم خواتي

المهم قبل أقولكم وش ساعدني عالولادة ذكرت إني إستخرت
وإبرأ للذمة مو كل وحدة تجربه ينفع معها أنا لي ولادات 
سابقه وما جربته إلا هذي المره لما كان الطلق بارد

المهم كان...زيت الخروع شربت تقريبا ثلاث ملاعق 
وأشرب شاي اليانسون
طبعاً ماشاءالله بالبداية فضى بطني ثم جاني الطلق
وماأحتجت للحقنة الشرجية طبعاً

الله يهون عليكم ياحوامل
وإن شاءالله أكون أفدتكم بشيء ينفعكم صح معلوماتي قديمة
بس ذكرتها من خلال تجربتي لها 

لاتنسوني من دعائكم