ولدت الحمد لله

الحمد لله ولدت وجبت ولد الله يجعله من عباده الصالحين

ولدت في مستشفى سليمان فقيه عند الدكتورة سحر ملودي

وكانت الولادة ببنج موضعي مع انه خوفني وجاني وقت مالدكتور يضرب الابرة الم الى اصابع قدمي وتألمت ووقف وبعدين كملها وتألمت ووقف وقلي اذا جاك الم قولي لي وبعدين كمل وعلى طول نوموني على ظهري وبدأوا بالعملية الحمد لله ماتحسين بشيء الا الضغط لما يضغطوا على بطنك بس بدون الم لكن نبضات قلبي كانت قوية وجاتني دوخة وقلت لهم قالو لي احنا معطينك منوم والله قهروني لأني قلت لهم ماابغى منوم المهم سمعت صوت البيبي لما خرجوه بصراحة كنت مابين الصاحية والنايمة وبعدين خرجوني في غرفة الافاقة ماادري يمكن ساعتين وبعدين خرجوني وطلعوني فوق في غرفتي وحسيته افضل من الكامل لكن يمنعوك من المشي اليوم الأول ومن الجلوس يومين

المستشفى لابأس به والممرضات فيه وفيه

بس من بعد الولادة وانا كل يوم تعب ثلاث اسابيع كان عندي سعال قوي والحمد لله ربي شفاني
وبعدين سرت احس رجولي ماتشيلني وفيها ضعف وجاني ارتفاع في الحرارة قربت الأربعين واعطوني فولتارين وبفضل الله ومنته راحت السخونة ورحت لحرمة تمرخ قالت لي داخلك براد في الرحم
وقالت لي اشربي حليب مع زنجبيل مع قرفة
واحس آلام في راسي وفي عظامي وامس تشنجت وحدة من اقدامي


ودحين بطني في الاسفل متحجر ويألمني حتى لما امشي يألمني لما اتكلم يألمني
ايش تتوقعوا اللي في
وادعو ا لي