&ولدت الحمد لله وهذي قصتي &

السلام عليكم ورحمة الله


ابشركم اني ولدت الحمد لله بعد ماطوفت التاسع باسبوعين


رحت وانا عادي مافيني اي طلق للطواري عشان بس اتطمن على الجنين .. كنت اتأمل يطلع رحمي مفتوح لو سانتي لكن الصدمة ان الدكتورة قالت لي مقفول على الآخر

حسيت بحزن لأني كنت اصعد الدرج وامشي واشرب زعتر وقرفة واسوي تمارين القرفصاء بس سبحااااان الله ربي ماكتب يفتح

قالوا لي لازم تنويم عشان نعطيك طلق صناعي .. انا من سمعت طلق صناعي قعدت ارجف من الخوف ، طبعاً كنت اسمع انه موووووووووووت واشد من الطبيعي لكن الي جربته غير الحمد لله

رحت اودي لزوجي برا الطواري اوراق التنويم عشان يكملها من قسم الرجال ، ولما قابلته قعدت ابكي واوصيه على عيالي ، بكييييت بحرارة حسيت ساعتها كأني بموت

دخلني زوجي السيارة وقعد يهدي فيني وهو كان خايف مثلي بس مايبين

المهم دخلت التنويم الساعة 12 بالليل والساعة 6 الصباح موعد تحميلة الطلق .. طبعاً مانمت ذيك
الليلة وقعدت طووول الليل ادعي ان ربي يفكني من الطلق الصناعي

جتني الممرضة وكانت سعودية اسمها لطيفة الله يسعدها ويوفقها ، وركبت لي التخطيط حق الطلق والنتيجة طلع فيه طلق خفيف .. طرت من الفرحة ودقيت على زوجي اعلمه

بعدها بكم ساعة حطوا لي تخطيط مرة ثانية والمفاجأة ان مافيه طلق ابد :(

ولامفر من الطلق الصناعي .. سلمت امري لله وجت الساعة المنتظرة وحطت لي الدكتورة التحميلة . وقتها نزلت علي سكينة وطمأنينة سبحان الله

كنت اظن ان مفعول التحميلة يبدأ علطول .. لكن مرت 6 ساعات من بعد التحميلة ماحسيت بشي .. وقرروا يحطون لي ثانية على الساعة 1ونص الظهر

كل هذا صار وانا هادية ومسلمة امري لله ... يازين التوكل على الله راحة عجيبيييبة رغم الألم


لما صليت العصر بدت معي الطلوق .. بدت خفيفة وكل مالها تشتد ..طلعت التحاميل مثل الم الطلق الطبيعي بالضبببببببط والله العظيم

وانا كنت اقرأ واسمع انها متواااااصلة وماتفك ، الي صار معي مثل الطبيعي الحمد لله

صليت المغرب والعشاء وانا اقدر اتحمل الآلآم عادي .. لما جت الساعة 12 بدت الآلآم القوية الي ماتخليك تتنفسين

كل هذا وانا بغرفة التنويم مو الولادة ، والحمد لله ماكان عندي احد وكنت اروح واجي بالغرفة ولساني مافك من الدعاء الحمد لله

لما قويت الآلآم خفت اولد بالغرفة وناديت الممرضة عشان يقيسون الرحم ، قالت لي مافيه الا دكتور ويسلم الساعة 7 الصباح !


قلت ناديه ،، كنت ابي السلامة بس وماهمني وقتها رجال والا مرة " ياربي تسترنا دنيا وآخرة وترحم ضعفنا "

جاء وكان سعودي لهجته حجازية وفحصني وقال مفتوح 4 سم ، ويلا تحت على الولادة


راحت لطيفة الممرضة ودقت على كشك الولادة قالوا لها مافيه سرير ، خلي مريضتك تنتظر شوي !!!


قلت انتظر انتظر الشكوى لله .. وجاني السرير بعد ساعة يمكن من الانتظار وانا كنت اتألم بشددددددددة بس بصمت رهيب ههههههه

واول مادخلت كشك الولادة ونقلوني من السرير الي كنت عليه لسرير الولادة مااخذت الا يمكن 3 4 دقايق الا وانا واااالدة ياربي لك الحمد


وكانت ولادة سهلة ، البنوتة طلعت من ثالث دفعة بس " ماشاء الله لاقوة الا بالله "

وبعد مااحتجت لا توسيع ولاخياطة مع انها ثاني ولادة طبيعي .


ولدت فجر السبت 3/10

والحمد لله من قبل ومن بعد

راجعه لكم بناصيح ...