ولدت بحمد الله..ولي سؤال مين انطبق معها الرحم على جبين جنينها؟؟

السلام عليكم ورحمة الله وبركاته

بفضل رحمة الله وكثرة الدعاء لربي ولدت بعد ان عشت ايام واشهر من الخوف والتفكير ...هل راح ارجع لبيتي

هل راح اكمل مشوار حياتي معهم

زي اي وحدة حامل وبتيجيها فكار...

الحمد لله رحت للمستشفى وما فيني طلق اعطوني طلق صناعي وكنت مرة نزلت موضوع سؤال انه ابقى لابسة السنتيانة او لاء لانه صدري مليان وكان شعور مزعج المهم انا ضليت فيها وكنت مرتاحة نفسيا وما شكلت اي مشكلة الحمد لله...

السؤال اخواتي

انا لما اجا الراس يطلع طبعا روحي طللللعت لانه ما طلع كما هو معتاد من الجمجمة من الخلف طلع من جبينه مقدمة راسه وهاد كان صعب كتير لانه منطقة جمجمة الراس سبحان الله بتكون اهون واصغر وبيطلع الراس بالطول مو مثل حالتي بالعرض من هيك روحي طلعت المهم,,, من كثرة الالم ولانه الراس بالعرض اخدت وقت لخروج الراس وكان تقريبا عالق باوله منطقة الجبين فوق الحاجبين وهون كانت اختي وامي معي فصرخت اختي وخبرتني يلا شدي الراس طالع منه شوي اخر شدة وبتخلصي من الالم وهون شديت والحمد لله خرج جنيني للدنيا لكن كان فوق من منطقة الجبين فوق الحاجبين مزرق لونه والباقي لونه طبيعي بس باوله ...

حاليا في بعيونه ببياض العيون نقط حمرا خبرتني الدكتورة انه عادي لانه راسه بالاول خرج وقعت شوي لما شديت..

لكن انا يا بنات خايفة

مين صار معها هيك وكان في ببياض العين نقط حمرا زي شرايين الدم

ومين ازرق جزء من راس جنينها وقت ولادته وكان الوضع طبيعي وعادي؟؟

يلي عندها فكرة تريح بالي الله يريح بالكم

الدكاترة بحكوا عادي بس انا كام قلبي مألمني ونفسي اطمن هل صار مع حد مثلي؟؟؟