بسم الله الرحمن الرحيم
مراحب لأحلى حوائيات .............
ولدت والحمدلله طبيعي بعد قيصري .....بقولكم عن أول ولادة لي كانت قيصري سبحان الله فتح عندي الرحم 9 سم وللأسف ومااقدرت أولد طبيعي مع انه كل شي كان تمام بس للأسف البنوته مارضت الابعملية والحمدلله أهم شي أنها جات سليمة سبحان الله كملت بنتي :04:سنة بالضبط واكتشف أني حامل مع أني مآخذه كل احتياطاتي :39:لان كنت أتعالج علاج طبيعي بسبب الحمل الأول سبب لي ميلان بالفقرات وقال لي الدكتور مافي حمل الأبعد سنتين يعني لوتبغي قلت لا مهنا حمل وجلست ستة شهور وأنا مغير ع الجلسات سبحان الله قبل آخر جلستين جاني شعور غريب كان وقتها شهر 11 فجاءة بدون مقدمات قلت للمليح :arb:ياليتك تجيب لي اختبار حمل قال سلامات طبعا علامات استفهام بوجهه غريبة الرجال منصدم يقول بنفسه وش تحسبه ذي الموهيم ياطويلات العمر ومصحوبات السلامة بعد ماجاب لي الاختبار اخذبنتي وطلع من البيت شكله مايبي ينصدم خخخخ وحللت وطلع لي خطين :44:وهاتك يادموع مادري من وين جات ومغيروقرادتي وليه ولماذا ومتى وأين كل هاالاسئلة دارت ومالقت لها جواب وجاء عتريس وقلتله وتفاجئ قال معقولة ؟؟؟؟ قلت قسم قال ماعليك هذا التحليل أحيانا مايصدق قال ياالله للمستشفى وصلنا فقيه الساعة 11 وطلبنا تحليل قالوا بعد ساعتين يطلع قال نروح ونرجع وطول الطريق وأنا أطنطن بكاء لين صفاء راسي وجبنا التحليل ثاني يوم ودريت أني حامل وتعبت تعب قسم بالله أحس انه هم على قلبي وبنفس اليوم حسية بدوخة وتعب والله ماعمري حسيت بهم جاء زوجي من الدوام وقوله تعبانه وراسي مصدع سبحان الله كلها أوهام مدري كيف قال ع المستشفى ورحنا الطوارئ قال الدكتور مافيها شي نعطيها جلوكوز وتطلع وقبل مايطلع الدكتور سألني قال أنتي حامل قلت لا قال متأكدة قلت ايوه وأنا اكذب قال لان أخاف تكون حامل ونعطيها شي ياثر ع الجنين لازم تشوفك طبيبة نساء قلت طيب قبل مايطلع قال زوجي ايوه حامل قال ممكن تدوني التحليل وادينه التحليل ع قولته قال نسبة دم الحمل مره مرتفعة :mad:قال زوجي كيف مرتفعة قاله يعني عمر الجنين فوق الشهر ونطالع ببعض أنا ورجلي وبيني وبين نفسي أقول ياغلبي وش الهرجة المهم قال الدكتور مااقدر أعطيها شي خليها تروح أشعة وننزل للأشعة ونكتشف الطامة الكبرى انو عمر الجنين شهرين ولا بعد من زود فرحة طبيب الأشعة سمعني نبضات القلب وثبت شرعن أني حامل واطلع من المستشفى وزوجي يقول ياالله مكتوب ومقدر قلت أي هين بلاك ماتتعب ووووووو من ذاالكلام اللي يسم البدن وبعدها تأقلمت أني حامل .<<<<<بلاتس غصب عنتس موطيب منتس وبديت مرحلة المراجعات بالمستشفيات واخترت اني أولد بحكومي هاالمرة ربي هداني واخترت الحرس الوطني اللي بجدة وتوكلت ع الله ورحت أول موعد لي وكان عند الاستشاري أسامة موسى وقالي راح نعطيك فرصة الولادة الطبيعية قلت له لا أنا أبي قيصري قال لاجربي وبعدين لاستدعت حالتك القيصري أكيد راح تولدي قيصري ومره الــــ8 شهور بحلوها ومرها ودخلت بالتاسع وراجعت الدكتور وسأله زوجي قال كم نسبة أنها تولد طبيعي قال 80 او85 بالمئة وأنا أم الركب جاتني لأني يعلم الله بولادتي الاولئ شفت الموت جربت الطبيعي والقيصري يعني من الساعة 3 الفجر لين الساعة 1 الظهروانا خلاص اتظنئ وبدون فايدة أخر شي عملية ع شان كذا كنت خايفة اتعب واتعب قال الدكتور توكلي ع الله وصدقيني الطفل بعد أذن الله بينزل طبيعي قال حاولي تمشي قلت أحس المشي مايكفي قال مستعجلين مرة قال زوجي ياليت تبي ترتاح قال اشربي خروع وبعده شوربة اوحليب يعني لاتاكلين شي ثقيل قلت طيب قال موعدنا 13/7 هذا اخرموعد الولادة اذاماولدتي بعدها بأسبوع نعطيك طلق صناعي ارتعت<<<<عطوها بولادتها الاولئ طلق صناعي قلت لا أن شاء الله بمشي وبشرب خروع وشربت الخروع وماادراك ماالخروع اه آه بس قطع مصاريني ولافاد ولا ولدت ومر أسبوع بالظبط كنت مجهزه شنطة ولادتي من أنا بالشهر السابع مدري ليه قلت خليني اخلص ارتاح من الشنطة وراكنتها لا والحلو بالموضوع أن زوجي من نص الشهر الثامن والله الشنطة بالسيارة مانزلت الاوقت الولادة خفنا تجيني ولادة مبكرة أحساس مدري وش يبي الموهيم من مر الأسبوع فجر الجمعه جهزت شنطة بنتي ع شان ابوها يوديها لعمتي ربي يبقيها ماقصرت معاي بيض الله وجهه خلصت تجهيز الشنطة وانا ممغوصه بس مغص يجي ويروح شوي بس مااهتميت دخلت ابي انوم والله ماقدرت تفكير والم صحيت زوجي للجمعة قال وشفيك مانمتي قلت لاوالله قال اجل يالله ولادة قلت اقول رح صلي ولارديت يصير خير رجع رجلي وانا خلاص مااني قادره اركز قال يالله نخرج نتغدى بره ونوصل البنوته عند جدتها ومن الساعة 2 واحنا بالردسي مول تغدينا وعينا من الله خير وقلت لزوجي لعب البنوتة بالالعاب وانا بتمشى شوي وهاتك ياتصالات من خواتي وامي ماولددتي يوووووه طيب متى ومتى تجين خلصه الاجازة وانتي ماولدتي ماصارت عاد المكالمات وهالسؤال له أثر كبير ع الحامل بديت ع الساعة 5 احس بالالم مغص كل ربع ساعة يجي ويروح ورجولي ماهي رجولي اسحبها تسحيب تلاقينا انا وزوجي قلت له والله زاد الالم قال يالله للمستشفى نوصل البنت اول يووووه وصلنا البنوتة لجدتها بحي المرجان وشوف المسافة من الشمال للمستشفى ع طريق مكة بنات جدة يعرفون المسافة
أم أجوووونة. @am_agoooon
محررة
يلزم عليك تسجيل الدخول أولًا لكتابة تعليق.
الصفحة الأخيرة
الحمدالله على السلامه
انتى عندك قيصيريه وحده بس
عادى تولدين طبيعى بعدها
حتى لو حملتى مباشره