ولدت في الشهر الرابع الجنين متوفي بسونار

السلام عليكم
باقولكم تجربتي إن شاء الله يستفيدون مني من يمر بوضعي كنت ادور مواضيع يوم مريت فيه
سويت سونار بشهر الرابع ابعرف جنس الجنين قالت الدكتور الجنين متوفي له ٣ اسابيع بعدها ماكنت حاسه و لا شي اللهم قبل شهر نزل خيوط بنيه رحت مستشفى كان يوم خميس قالوا مو حالة طارئة تقدرين تصبرين اما ينزل عليك دم او يجيك لام طلق او تعالي الاحد جيتهم الاحد نفس الكلام اصريت انهي الموضوع
عطوني التحميلة ٦:٢٤المغرب حطتها الممرضه حيل عميق و قالت لا تتحركين لمدة ساعه قمت للحمام ٧:٥٤
حسيت زي البالونه اللي تبي تنفجر تضايق مع الم شوي بالظهر دهنت بزيت زيتون بطني ظهري العجان
عطوني ٢ حبة طلق الساعه ١٢ بالليل افتحت السدادة طقت مع مويات و شوي دم الساعه ٣:١٥ الفجر بعدها اذن على طول بعدها حسيتطلق يروح و يجي قمت امشي و عطوني حبتين الطلق الساعه ٦ الصباح و اكثر مشي فجأه حسيت زي الحمام الله يكرمكم ابتبرز رحتللحمام عرفت انه و لادة جبته بالارض ولد متخلق صغير ٤ شهور بس المشيمه ماطلعت حطني الممرضات على السرير جاء الدكتور سواسونار لقى المشيمه موجوده نازله قال امشي و حبوب الطلق على موعدها الساعه ١٢ مساء هي كل ٦ ساعات حبتين مشيت طلع كتل دموريتهم قالوا ماهي المشيمه بعدين امنعوني من المشي قالوا تجيك دوخه و تطحين خلوني على السرير يمشي نزيف عطوني مغذي ٢ مع كليد امتلت عندي المثانة اقولهم ماني قادرة اتبول بعدها جت الدكتوره طلبتها اسوي قسطرة بولية بس تفضيه يضايق حيل سوت لي فعلا طلعبول كثير ارتحت 
اخذت شوي امتلت مره ثانيه طلبتهم سوت قسطرة و كل مع قسطرة تحاول تطلع المشيمه بالكشف من داخل يطلع كتل بس المشيمه باقيهبعدها ماتحملت تضايقت من المثانة قالت المشيمه عليها عشان كذا ماتقدرين تتبولين بكيت طلبتها اسوي لي تنظيف الحمدالله ودونيالعمليات سوت لي عمليه تنظيف ماطولت نص ساعه قمت من قمت شفت العافيه اللهم لك الحمد قلت ابشوف المشيمه يالله ياكبرها الحمداللهاللي سويت العمليه و انصح كل من مثل حالتي اذا مانزلت تسوي صعبه تنزل و بعدها اموري تمام رحت تنويم مرتاحه جدا قعدت ساعتينتروشت لبست فوطه قليل الحمدالله نظيف و مرتاحه اكلت نمت و الله يعوضنا خير و يكتب اجرنا و يجعلهم شفعاء لنا يارب