السلام عليكم
ومساكم الله بالخير جميعا
ندخل في سالفتي على طول
أنا لي 30 يوم والدة
في مستشفى دلة (حكومي بصراحة )
عند الدكتورة جيهان فاروق
المنطقة الحساسة عندي متغيرة
تحت فتحة المهبل التوسع ما خاطته
تغيرت المنطقة مررة
يعني لا مؤاخذه لون المهبل صار واضح
اول ماكان كذا
الخياطة عندي بس في منطقة العجان بشكل مائل
أما الجلد الرقيق اللي كان أسفل فتحة المهبل مباشرة شقته ولا خاطته صرت اشوف بداية المهبل
وهنا قريت لبنات كثير يقولون البكرية تنخاط من برا ومن جوا ومنهم قشر قهوة
*كيف داخليا ؟ داخل المهبل يعني ؟؟
*وكيف عرفتوا ؟؟
أنا شفت المنطقة بالمرايه وجاني اكتئاب صراحة وضاق صدري وبكييييييييييييييت
*طيب الخياطة التجميلية مو تكون هي الخارجية بدون ما يخيطون شيء جوا يعني تصير للشق اللي قلت لكم عنه اللي هو اسفل المهبل تلمه الدكتورة وهذا نسويه بعدين في اخر ولادة ولا لا؟؟؟
طيب ليش البنات يقولون ما تغيرت المنطقة من ناحية الشكل الخارجي طيب ليش تبغون الخياطة التجميلية بعدين
لان اللي اعرف ان الترميمية واللي يكون فيها قص وخياط تكون داخلية علشان التوسع ...... والخارجية التجميلية هي بس لم للأجزاء الخارجية من فتحة المهبل
ودي أفهم وأرتاح
وبالمناسبة أنا ماتكلمت مع دكتورتي بهذا الخصوص لا قبل الولادة ولا بعد
ما سألتني ولا سألتها
*ومن ولدت عند الدكتورة جيهان؟؟... وهل طلبتوا خياطة معينة ولا ما يحتاج هي من نفسها تحدد الحالة؟؟
ودي أحد يفيدني
نفسيتي زفت
ومن ناحية حكومي فبصراحة ما فرق عن الحكومي
الممرضات ينفخون مثلا:
كنت بعد الولادة تحت الملاحظة 4 ساعات وكان عندي ممرضة الله لا يوفقها فيها النوم وكانت معصبة علي وانا ما سويت فيها شيء
المهم جات لي في الغرفة قلت لها وينكم أدق كم مرة الجرس ما جاني أحد
قامت قالت بصراخ: اشفي مشكلة
قلت انا تحت الملاحظة وما شفتك الا بعد ما خلصت ساعات الملاحظة والجرس ما تردين يمكن والله يا بنات اكثر من 10 مرات ادق وما في احد
قلت أبغى مويه وأنا أصيح راحمه نفسي
قالت ليش ابكي !!! وهي منقرفه مني
المهم واصلت عصبيتها وسحبت من القسطرة بقوة وسبب لي نزيف (لما أمسح منطقة البول يطلع دم لحد 10 ايام من النفاس) وألم مب طبيعي اكتشفت اني اللي فيني مو زي العالم اللي والدة
رحت بعد ولادتي باسبوع لنادية الزرقي وقالت تسلخات في مجرى البول بسبب القسطرة
الموقف الثاني:
بعد ما نقلوني لغرفة التنويم قمت بعدها ب6 ساعات تقريبا ابغى اغير ملابسي واتحمم
وانا قايمه من السرير ارتفع نفسي بقووووووة وماني قادرة اتنفس
وخفقان ودوار وشوي واطيح مشيت على ركبي لحد السرير ودقيت الجرس
جات الممرضة وصارت تطالع فيني وانا اؤشر لصدري واقول ما اقدر اتنفس
قالت: اطلعي على السرير كيف انا اشوفك !!!!!
ولا اهتمت ابداااااااااا برررررررررررررود مو طبيعي
صرت أردد دكتورة دكتورة
قالت وهي تطالع: ليش ابغى دكتورة حبيبتي !!!! ( أخ بس والله اني احس بذلها لحد اليوم ما ني ناسيه ولا لحظة من موقفها)
صرت اخذ نفس وأنا كأني أزهق بالعافية انتفس والحمدلله شوي شوي طلعت على السرير وأنا والله ابكيييي
وهي ما همها وتطالعني أبدا ولا كلفت نفسها تشد يدي ولا تساعدني الله لا يوفقها
حتى الدكتورة جيهان لما خلصت ما قالت الحمدلله على السلامة ولا ابتسامة ونفس خايسه وكنت لما أسالها وهي واقفه على جهاز النبض كيف النبض يا دكتورة وأكرر سؤالي ..كانت بالعافية ترد
ما عجبتني ابداااااااا
تحطم صراحة حسيت نفسي كأنني بحكومي مع اني ما ولدت بحكومي بس اتنومت
طيـــوبه @tyobh_6
عضوة نشيطة
يلزم عليك تسجيل الدخول أولًا لكتابة تعليق.
طيـــوبه
•
طيب انا لما ولدت بولدي البكر خيطت لي مرتين سألتها ليش قالت لازم داخليه وخارجيه مااعرف بس شفت في المرايه نفس ماتقولي بس عادي المكان كويس مو واسعطيب انا لما ولدت بولدي البكر خيطت لي مرتين سألتها ليش قالت لازم داخليه وخارجيه مااعرف بس شفت في...
طيب كيف عرفتي أنه في خياطة داخلية
وداخلية وين بالضبط؟؟
وداخلية وين بالضبط؟؟
الصفحة الأخيرة
لازم داخليه وخارجيه مااعرف بس شفت في المرايه نفس ماتقولي
بس عادي المكان كويس مو واسع