السلام عليكم ورحمة الله وبركاته
كنت في اخر الثامن و أنا أعد الأيام هشان اخلص من الثقل مثلي مثل اغلب الحوامل ..
خاصة اني بكرية و كمان وحامي شديد و استفراغ مستمر و انقطع في الشهر السابع لكن يرجع مرات و مرات لأ ..بس خف عن الشهور من الأول لين السادس ...
المهم .. كنت في الشهر الثامن بس اقرا و اقرا و اقرا عن تسهيل الولادة
جازفت و شربت في اخر اسبوع في الثامن قرفة مع قرنفل و عسل ... حرك لي الطلق و عذبني الالم ... و صرت بس اتوجع بيوم اللي اشرب فيه هالشي... و سويته ٣ مرات و وقفت
و دخلت التاسع و وكلت امري لله سبحانه و طبعا ما احب امشي .. المشي يتعبني كثير... انا اصلا في بيتي اكرف و اشتغل كثير خاصة اني لسا عامله مطبخي و كل شوي تعديلات و تنظيف و كمان اطبخ و لي مسؤلياتي تجاه بيتي و ما عندي شغالة و لا أحب الكسل رغم اني اتعب مع بذل اي مجهود لو كان قليل بس .. ارتاح شوي و ارجع استمر في ترتيب امور بيتي و حياتي من غسيل و ترتيب و طبخ و تنظيف .
في ٩ من محرم .. نويت اني طبعا اصوم من قبل و طلع هاليوم و انا صايمه و سويت فطور مرتب و كنت مجتهده في اعداد فطور محترم لي و لزوجي العزيز ... و فعلا اجتهدت و كنت صايمه و حاسه بالاجهاد مع العطش و صرت ارتاح شوي و اشتغل شوي ... خلصت و تروشت و لبست و حطيت مكياج و اول ما انتهيت كان باقي ع الأذان ٢ دقيقتين .. و زوجي طول في العمل لأسباب جدت في العمل و خبرني فيها ... ف قلت افطري يا بنت و لما يجي زوجك ..تكوني نشيطة مروقه... فعلا جا و كان مجهد و ما يتكلم من التعب ف طنشت و اذن العشا و راح يصلي و رحت صليت و رجع هوا انسدح ما يتكلم ههههه مدري كانه حاسس اني بفارقه ٤٠ يوم و قلت بكيفه ممكن مجهد رحت انظف المطبخ من الصحون بعد الفطور ..
إيمان من مكه @ayman_mn_mkh
عضوة جديدة
يلزم عليك تسجيل الدخول أولًا لكتابة تعليق.
حمدلله على سلامتك سؤالي ليه ماولدتي في مستشفيات مكه؟ الولاده او حراء او خاصهحمدلله على سلامتك سؤالي ليه ماولدتي في مستشفيات مكه؟ الولاده او حراء او خاصه
الله يسلمك حبيبتي
لأن زوجي دكتور محاضر في الجامعة و تأميني عليها و قبل كده كنت ارافق جدتي فيها و اعرف نظامهم في الرعاية الطبية بس كنت متخوفة من الولادة فيها بصراحه و نزلت هنا موضوع اسأل اخواتي عنها ... و مستشفيات مكه اجهلها تماما .... للعلم انا من جده بس بعد زواجي سكنت مكه
لأن زوجي دكتور محاضر في الجامعة و تأميني عليها و قبل كده كنت ارافق جدتي فيها و اعرف نظامهم في الرعاية الطبية بس كنت متخوفة من الولادة فيها بصراحه و نزلت هنا موضوع اسأل اخواتي عنها ... و مستشفيات مكه اجهلها تماما .... للعلم انا من جده بس بعد زواجي سكنت مكه
الصفحة الأخيرة
و شربت كاستين عصير اناناس كان نوعه نادك ههههه كمان اذكر لكم النوع ... و اخدت معايا كمان كاسه ثالثه ..ابرد ع قلبي
رحت غرفة النوم .. و قام ابو الشباب يفضفض لي عن اللي مضايقه في العمل و مع المواساة صار بيننا لقاء الأحبة ... فهمتو طبعا ... 💏
بعدهاب ربع ساعه تدفقت موية الرأس دفعات متتالية ... من الساعه ١٠ و نص ... و جا معاها الم طلق ... متباعد لكن الموية مستمرة ع دفعات و طشات ..
مشيت حق ربع ساعه في البيت و جاني الله يكرمكم اسهال و فضيت بطني تماما .. و تكرر الاسهال ٤ مرات و الوجع يجي و يروح و يشتد و يرخي..
انتضم معايا الوجع الساعه ١٢ .. نزلت من بيتي في مكه ع الساعه١٢ و نوص .. على ما لبست و اخدت شنطتي و اغراضي ...
طبعا الطريق زحام و زوجي فجاه من كتر صريخي و المي ضيع الدخله حق الطوارئ و لف مرتين ع المستشفى
وصلت الطوارئ الساعه ١و نص .. كشفوا عليا و على ما حصلوا طبيب و قاسوا ضغط و حرارة ... صارت الساعه ٢ و طبعا طلبت طبيبة و استلكعت ابغا حرمه .. مااافي ... كشف عليا من تحت ملابسي بدون بصبصه هههههه بس والله تعمدت اصيييح و اضايقه مره ما كنت ابغا رجال يقرب مني ... ما طول صراحه قال خلاص فاتح الرحم ٥ تقريبا .. انا خفت مرررره قلت راحت عليا ابرة الظهر ... ما ابغا اتألم ... كنت ناويه عليها ... بس رحمه الله خير و بركه... اللهم لك الحمد و الشكر
طلعوني الكشك و هناك ضاع وقت في اخذ الضغط و الحرارة و النبض و تركيب اجهزة الحرب اللي بتدخليها مع الطلق الناري في ظهرك و منطقة الحوض...تحسي بألم لكن والله يا بنات انو محتمل بس مره شدييييييد لكن لما تستعيني بالله و تتقوي بالحي القيوم تتسهل بإذن الله و هذا كان شعوري و في شي مهم مهم لازم اذكره ... كنت استغفر و اسبح .. و اسبح و استغفر و ادعي لأمي و أبويا ... و طبعا اصيح مع الالم بذكر لا إله إلا الله
لا إله إلا أنت سبحانك إني كنت من الظالمين
و استغفر الله
لكن كنت حريصه كل الحرص ما اوقع في البدع و الغير منصوص في السنة الصحيحه... كنت حرييييصه جدا مااااا اقرا لا الزلزلة و لا سورة مريم و لا اي شي ...
و استودعت الله نفسي و ولدي لما وصلت الكشك..
حطوني و كشفوا عليا و قالواااا مفتوح ١٠ و مع الطلق نبغاكي تدفي ... دفيت و من اول مره قالوا لي شايفين شعر راسه يلا دفي ساعديه.... كلمت ساعديه تحرك فيكي قوة الحنان و خوف الأم على ضناها ... و دقات قلبه تستفز عاطفتك تجاه طفلك ..
دفيت يمكن حول ٦ مرات دفات قصيرة مااااتخارج ... رجعت اخد نفس في الكمامه و ادف مع كل طلقه .. و اتفقت مع الطبيبات ... لاحظواااا و فعلا كل اللي حولي حريم.. و من وقتها ما شفت و لا رجال يارب لك الحمد ...
المهم اتفقت مع الطبيبات انه اذا جا طلق اخبرهم و امسك افخادي من تحت و ادفع و انزل دقني للاسفل صدري و اناظرهم و ادففففففف من قلبي و اطوووول مرة ... بعد مرررررة و اااااه و خلاص انهد حيلي و قلت لنفسي كاني ضعفت .. بس استجمت قوتي و كانت الطلقة مو قوية مرة لكني كنت اتعمد الدف خلاااااص ابغا اتخاااااارج .. و فعلا نزل حبيبي الصغنون .. بنات ولدت بالضبط الساعه ٣ وربع يعني من ١٠ و نص طلق متفاوت لين طلق شديد الساعه ١٢ و في الكشك ساعه و الله رحمممممه من الله سبحان الله العظيم..
الخلاصه ... يا ماما يا جميلة يا حامل بطفل سني مسلم بإذن الله.. علقي قلبك .. الحي القيوم .. يقيم لك حياتك بكل خير و لطف و حسن تدبير... سبحانه القوي الحميد.
و ربي يفرج ع كل حامل مسلمه و يستر عليهايارب.. دعيت في ولادتي لكل مسلمة حامل ربي يفرج عليها و يعطي كل محرومه يااااارررب ..
و سلامتكم ...
و ع فكرة المستشفى كانوا ممتازين بس روحي و انتي مستوية ع ااااخرك و ربي يسهلك