ولدت قيصرية ... وجبت بنت و ان شاء الله شفيعة ...

السلام عليكم و رحمة الله و بركاته....
يمكن تذكرون يوم استفسر عن الطفل المقعدي ...وهل اقدر اولد طبيعي او لا ؟؟؟او انتظر الطلق عشان يقلب ؟؟؟

القصة ان بنتي كانت جالسة ببطني لحد الولادة ....و بعدين حولوني عمليات ....

مراجعاتي كلها كانت سليمة لحد الاسبوع ال42...وهذي طبيعتي ببناتي اللي قبل اني اخذ من العاشر اسبوعين ...
لكن هالمرة كل شيء حدث بشكل غير متوقع ...تميت اسبوعين من العاشر و بعدين جاني طلق خفيف ...لون الدم كان اصفر و بعدين طلع الدم بني زي العسل يعني مو طبيعي ...
رحت للمستشفى و الطلق ضعيف وصل الى 7 ووقف ...الطوارئ قالوا لي الولادة قريبة ..وهم ينقلوني بالسرير لغرفة الولادة ...قلت لهم ترى الراس فوق ...واعد ابكي و ابكي و جاني كل اكتئاب الدنيا ....

بعدها جابوا الاشعة و تأكدوا ان الراس فوق و حولوني عملية ...صحيت من البنج ..ادور ضناي ابي تعبي ...وقالت لي السستر البيبي فيه براز ...بعدين دق زوجي قالي ترى حالتها وسط و شاربة موية ...و بعدين شوي ازعجت كل القسم بصياحي (جيبوا لي بنتي ) ابي اشوفها ...انا شايفة كلش سليم لاخر لحظة ...وهم يقولوا لي تعبانة ...و بعدين رقوني للافاقة ...و حطوني بقسم الزيارة و انا صياح و نياح ياوي لي العدو ...ابي ضناي ...وبعدين جاني نوم ...وقمت و حالتي اخف شوي و كأني مؤمنة بقضاء الله و قدره و سبلتها لله ...و دق زوجي و قال ترى حالتها حرجة ...والرئتين تعبانات من الثامن ...و حاطينها على الاجهزة ...

عقبها أيست و قلت اذا كانت طيبة جيبوها لي ..والا خلاص مابي اشوفها و اتعلق فيها ...عاشت 26 ساعة و توفت الله يشفع فيها ....

ومن بكرا جاء الدكتور و شرح لي ...قال ان البنت متوفية دماغيا من الثامن و ان الابراز مسوي طبقات عليها ..و المخ ما وصله الاكسجين و الرئة فيها موية و براز ....سبحان الله كل هذا ...وانا اشوفها بالسونار الملون سليمة ..
الموقف صعب جدا جدا جدا ...غير متوقعة ابد ابدا ...بعد التعب والحماس للضنا كأنه ينقطع من جسمك لحمة ...

اصعب لحظة مرت علي بحياتي ان اصحى من البنج متحممممممممممممسة للبيبي ..واتفاجأ انه يحتضر تحت الاجهزة ...

حسبي الله و كفى ...فعلا الموقف مفاجلىء ...و لكن قدر الله و ما شاء فعل ...انا لله وانا اليه راجعون ...
و لا حول و لا قوة الا بالله ....اللهم اجرني في مصيبتي و اخلفني خيرا منها ...اللهم اجعلها شفيعة لي و لوالدها ...


الان لي اسبوع ... وقاعدة افضفض على الجهاز ...وانا فلبي احس فيه فراااغ ,,واحس بالي مرتبط بشيء ...ما ادري و شلون بطلع من هالحالة ...و احس الطلق و الاوجاع ما كأنها مرت علي ...ولا حسيت فيها الى الان ...واحيانا افكر بالحمل على طول بس اخاف من العملية و اخاف من عيون الناس ...وش الحل ؟؟؟

وكل ما شفت بيبي بالمستشفى و قت تنويمي يتقطع قلبي ...و كل ما سمعت احد ولد بعدي ...احس اني بموت من القهر و يتقطع قلبي لما اشفط الحليب من صدري (ما كتب لها )....واحيانا اتمنى لو شفت البيبي لو على الاجهزة ...لكن ابن ادم ضعيف ...ما يملك لنفسه ضرا و لا نفعا ...

دعواتكم لي بالصبر و السلوان و الذرية الصالحة ....والله عجزت اصبر هذا و انا عند اهلي ...كيف لما اروح لبيتي ...راح افقد اشاء كثيرة ...صحيح عندي بنتين وحدة 5 سنوات و الثنية 2 سنة ...بس ما قدر اتأقلم على الوضع الجديد ...