ولدت قيصري والحمدلله على كل حال .. انتبهو لاتسوون مثلي

السلام عليكم
يابنات حبيت احذركم من الخلطات اللي تفتح الرحم او تجيب الطلق نصيبيييحه لاتسوين شي لين تجي الولادة من نفسها ادري بعضكن تطفش وتقول خلاص دخلت التاسع عادي ابي اولد مثلي انا ماخليت عشبة ماحطيتها براسي قلت اذا دخلت التاسع بستعمل هالخلطات يوم قلت لخواتي وامي هاوشوني بس ماسمعت كلامهم رحت وحطيت كبو وغسلت بمرة وحلتيته
ومن بكرة فتح عندي الرحم بس ماجاني طلق ابد ورحت للمستشفى على اساس اعالج الكحه مادريت ان الرحم مفتوح قالت الدكتورة بسوي لك سونار وشافت البيبي قالت انو جالس والرحم مفتوح لازم نسوي لك عملية مستعجلة قبل تنزل موية الجنين انا انهبلت ماتوقعت ولا واحد بالمية اني اولد قيصري قلت لها لا مابي عملية بنتظر لين يقلب الجنين قالت ياحبيبتي خطر عليك انتي بالتاسع والرحم مفتوح لازم عملية مستعجلة وكنت ابكي من الصدمة ودخلوني بسرعه للعمليات وولدوني والحين انا ظميري يأنبي لاني ماسمعت كلام خواتي وامي وتعبثت بنفسي قبل يجيني الطلق امي تقول الطلق يقلب راس الجنين بس انا استعجلت لاني غبية وكنت مفكرة اني اسوي الصح ف ياحبيباتي والله اني احبكم ومابيكم تسوون سواتي
هذي نصيحتي وحبيت اقدمها لكم