يلزم عليك تسجيل الدخول أولًا لكتابة تعليق.
أنا آسفة ما زبط معي من أول مرة أكتب كل الموضوع على كل حال....
الحمد لله ولدت بتاريخ 06/11/2005 ولدت بعملية قيصرية وهذه عملية رقم 2 أول مرة عملت القيصرية بسبب انخفاض نبض الجنين والمرة الثانية لأنه ما صار عندي توسع قليل كثير وعنق الرحم عالي فالدكتورة خيرتني بأنها تعملي عملية قيصرية أو انتظر أكثر.
خليني أقولكم القصة من أولها بعد موعد ولادتي بـ 6 أيام الساعة 4 الصبح حسيت أنه مية الراس نزلت وبسرعة صحيت جوزي علشان ياخدني على المستشفى ووديت ابني عند بيت حماي علشان كان نايم وفي المستشفى حكوا مع الدكتورة فقالت أنه بيقدروا يخلوني للساعة عشرة الصبح على أمل أنه يصير عندي طلق طبيعي وأولد طبيعي .
المهم ضليت قاعدة في غرفة الولادة انتظر واتفرج على الستات اللي عم بطلقوا واقول يا ترى كيف شعور الطلق كيف عم بيحسوا بالزبط لأنه زي ما قلتلكم الولادة الأولى كانت قيصرية وشوية صارت الساعة 7 وبلش الطلق بس زي ما قالولي الممرضات أنه هذا طلق بارد وما بيعمل ولادة بعدها اجت الدكتورة وفحصتني وقالت لي إذا بدك بنقدر نخليكي تستني أو نعطيك طلق صناعي على امل ولادة طبيعية فسألتها قديش نسبة انه اولد طبيعي قالت لي 1% فقلت لها لا خلص قيصرية أحسن طبعاً بعد التشاور مع زوجي... بس هذه المرة عملت العملية بنصف تخدير يعني كنت صاحية أثناء العملية بس ما كنت شايف شي وورجوني ابني على طول اول ما طلعته الدكتورة من بطني وبصراحة كثير كان احسن من التخدير الكامل.
على كل حال طولت عليكم بس عن جد دعيت لكل بنات عالم حواء أنه يرزقهم الذرية الصالحة
والحمد لله رب العالمين صار عندي ينال وأحمد الله يخليهم
الحمد لله ولدت بتاريخ 06/11/2005 ولدت بعملية قيصرية وهذه عملية رقم 2 أول مرة عملت القيصرية بسبب انخفاض نبض الجنين والمرة الثانية لأنه ما صار عندي توسع قليل كثير وعنق الرحم عالي فالدكتورة خيرتني بأنها تعملي عملية قيصرية أو انتظر أكثر.
خليني أقولكم القصة من أولها بعد موعد ولادتي بـ 6 أيام الساعة 4 الصبح حسيت أنه مية الراس نزلت وبسرعة صحيت جوزي علشان ياخدني على المستشفى ووديت ابني عند بيت حماي علشان كان نايم وفي المستشفى حكوا مع الدكتورة فقالت أنه بيقدروا يخلوني للساعة عشرة الصبح على أمل أنه يصير عندي طلق طبيعي وأولد طبيعي .
المهم ضليت قاعدة في غرفة الولادة انتظر واتفرج على الستات اللي عم بطلقوا واقول يا ترى كيف شعور الطلق كيف عم بيحسوا بالزبط لأنه زي ما قلتلكم الولادة الأولى كانت قيصرية وشوية صارت الساعة 7 وبلش الطلق بس زي ما قالولي الممرضات أنه هذا طلق بارد وما بيعمل ولادة بعدها اجت الدكتورة وفحصتني وقالت لي إذا بدك بنقدر نخليكي تستني أو نعطيك طلق صناعي على امل ولادة طبيعية فسألتها قديش نسبة انه اولد طبيعي قالت لي 1% فقلت لها لا خلص قيصرية أحسن طبعاً بعد التشاور مع زوجي... بس هذه المرة عملت العملية بنصف تخدير يعني كنت صاحية أثناء العملية بس ما كنت شايف شي وورجوني ابني على طول اول ما طلعته الدكتورة من بطني وبصراحة كثير كان احسن من التخدير الكامل.
على كل حال طولت عليكم بس عن جد دعيت لكل بنات عالم حواء أنه يرزقهم الذرية الصالحة
والحمد لله رب العالمين صار عندي ينال وأحمد الله يخليهم
الصفحة الأخيرة
بس وين قصة ولادتك انتي كاتبه بالعنوان : قصة ولادتي...