بسم الله الرحمن الرحيم
انا الحمدلله ولدت بسلامه من شهر ونص تقريبا
وراح اذكر لكم قصه ولادتي الميسره برحمه من الله
هذا كان ياما كان:unsure:
كانت الساعه 11 في الليل وحسيت بألم يجي ويروح بأنتظام قلت لا يكون هذا ولاده
لأني تعرضت لطلق كاذب وايد فقلت اٍسئل بنات حواء ووصفت لكم اللي فيني والبنات جزاهم
الله خير قالولي شيلي قشج ويلااا على المستشفى :06: ولكن انا بدءت اوسوس لا مو ولاده
وألم يزيد وانا ثابته وصبرت لحد اذان الفجر قمت وصليت وفتحت المصحف وقرأت
سوره مريم وفجأه الألم زاد قلت خلاص بروح اصحي زوجي يوديني المستشفى وقعد وهو مو مصدق
يقولي شكلك مو ولاده (زوجي مسكين مللته كنت كل يوم والثاني اقوله فيني ولاده:arb: )
المهم يا حلوااات رحت المستشفى الساعه 7 الصبح ودخلوني غرفه الولاده يسون لي تخطيط
وانا اضحك اقول اللحين برجعوني البيت واطالع الغرفه فيها اجهزه وحضانه النونو وقالتلي الممرضه في طلق وولادتك اليوم ان شاء الله:o وتغيرت الواني وحسيت ان دقت ساعه الصفر وقمت بعد التخطيط
وقلت للممرضه خلاص غيرت رأيي برجع البيت ما ابي اولد قعدت تضحك اتقولي ليش على مزاجك
اقعدي تراك على ولاده قالتلي تدرين روحي تمشي مع زوجك شويه وتعالي وتطمنت ورحت اتمشى معاه زوجي يقولي تراني تركت تكيف الغرفه شغال عشان لما نرجع وما كمل كلمته قلته ردني الغرفه الألم زاد:43: والممرضه تقولي ايش رايك بالولاده وانا اقولها حلوه الالم يجي ويروح ويزيد وقاعده طاقتها سوالف مع اللمرضهوكل شويه تطل الدكتوره وتشوف كم سنتم
اعذروني بنات النونو يصيح بروح ارضعه واكمل بعدين
منى المتفائله @mn_almtfaylh
عضوة فعالة
يلزم عليك تسجيل الدخول أولًا لكتابة تعليق.
بتول القدس
•
الف الف مبرررر:icon28: رروك و الحمد لله على سلامتك
الصفحة الأخيرة