ولدت وتكشفت عند دكتور خيطني ومغبوووونه من المستشفى الحكومي

السلام عليكم و رحمة الله
اخواتي احس فيني ضيييقه ومغبونه على نفسي بشكل كبير ما تتخيلونه ... كنت انتظر ولادتي عشان ارتاح واستانس بالبيبي طبعا هذا مولودي الثالث .. بس ولدت وضاق صدري على موقف الولاده .. جاني الطلق ورحت المستشفى و ولدتني قابله سعوديه الله يسعدها و يوفقها كانت مره كويسه و تخفف عني و تذكرني بالادعيه ارتحت لها لدرجة وهي تكشف علي ما حسيت اني مستحيه كثير منها.. وانا بالعاده انحرج مرره وقت الكشف حتى لو اركب لولب اتمنى الدكتوره تخلص بسررعه.. بس اللي صار هالمره ان بعد ما ولدت بنص ساعه دخل دكتور سعودي يخيطني واااااه يا بنات اول ما دخل اقسم بالله تمنيت اقوم من السرير وارجع بيتي ياربي موقف الله لا يذوقه لاحد جد جد كرررهت نفسي وقلت للقابله والدكتور كان واقف شوي بعيد عند الاوراق و الملف.. قلت ليه دكتور مافي دكتوره؟؟ قالت هو اللي مناوب الدكتوره عندها عمليه . و يوم جلس بيخيط انا بالقوه قدرت اتعاون معهم عشان يخيط و طوووول لاني كل شوي اتحرك من الفشششله والقهر والله كنت امسح دموعي تنزل لحالها .. وجلست الوم نفسي اني ما رحت لمستشفى خاااص اول مره اولد في حكومي و تووووووبه تووووبه.. ولاداتي الثنتين اللي قبل كنت في خاص وكانو دكتورات مره ولدتني وخيطتني باكسانيه والمره الثانيه مصريه .. الله يسترنا فوق الارض و تحت الارض و يوم العرض وللحين احس بغبنه و زوجي طبعا ما يدري عن شي .. ولو حملت المره الرابعه بصر عليه اولد في خاص اذا رفض بقوله ترى يوم ولدت في الحكومي خيطني دكتور سعودي عشان يتوب بوديني للحكومي