أول شيء الحمد لله الذي بنعمته تتم الصالحات..
في يوم السبت دخلت المستشفى عشان افتح ملف.. في مستشفى السعد التخصصي بالخبر..
((وللأمانة المستشفى جداً راقي.. وعناية واهتمام لأقصى درجة))
ولما سويت الفحوص العادية.. قالوا لي الضغط عندك مرتفع .. والموية حول الجنين ناقصة شوي..
والأفضل انك تولدي.. عشان لا تسوء الأمور أكثر..
توكلت على الله ودخلت التنويم.. دخلت الساعة 6 المغرب..
وبعد الفحص لقوا الرحم مفتوح 3 سم .. وفيه طلق خفيف..
وأنا والله مو حاسه بشئ أبد
وأعطوني الطلق الصناعي الساعة 8 تقريباً.. وبدأ بعدها الفلم الهندي..
الذي لا يخفى عليكم.. وانا جالسة ادعي واستغفر..
وعلى الساعة 12:40 كانت الكتكوتة على صدري..
اسم الله عليها ما صاحت اول ما طلعت.. بعدين قالت اهئ.. اهئ..
سميتها لينا وهي بنتي البكر.. جت في يوم مميز 10/10/2010
الله يبارك لي فيها.. ويجعلها ذرية صالحة..
ويبلغني فيها وبصلاحها أنا وأبوها.. ويرزق كل محروم ومحرومة..
اللهم آمين
.
.
.
الله يخليها لك