هلا والله بكل الحبايب الحمل واللي ولدن
اشحالكن
اخبـــــــــاركن ؟؟
المهم اخيرا وليس اخرا بكتب لكن قصه ولادتيه
انشاء الله بس اتكونن متهيأت نفسيا انكن تقرن هالسالفه اللي استوتلي
فليله من الليالي ......... ههههه
البدايـــــــــــــــــــــــه ××
يوم الاحد بتاريخ 24 \4 يوم نشيت من الرقاد الصبح حسيت
بشي نزل علييه نفس الماي
ما اهتميت المهم رجعت ونمت ويوم قمت مره ثانيه نفس الشي نزل مره ثانيه
علييه الساعه 11 الصبح ..
والظهر ع الساعه 3 تقريبا حسيت ببدايه الاوياع وكانت نفس الالام الدوره
وع الساعه 7 المغرب بدت الالام الطلق وكانت تقريبا ع النص ساعه وع الربع ساعه وفليل رحت انا وريلي نتمشى فالحدديقه لين الساعه 11 الا ربع تقريبا
المهم الويع ما طاع ايخوز وتم ايزيد قوته كل مره وع الساعه 3 الفجر الويع كان قوي حسيت ان الوقت قرب
وكان ع العشر دقايق وع الربع ساعه تقريبا او اقل
الساعه 6 ونص ريلي قال لازم ايوديني المستشفى بس انا ما كانت اريد اروح
وقالي اللي اروح اوعي الوالده .. طبعا عقب هالاصرار رحت ووعيت امايه وقلتلها يالله اتزهبي ( اجهزي يعني ) .. رحنا المستشفى وصلنا الساعه 7 الصبح وانا متروعه من الولاده
دخلت القسم .. ورحت غرفة الولاده يت السستر قالتلي يالله بكشف
يوم كشفت كان الاحباط ان النفس فاتحه بس 3ونص تقريبا اربعه
المهم حطتلي التخطيط مال قلب الياهل واللي ايقيس الطلق تقريبا نص ساعه عقب
رحت امشي المهم ع الساعه 9 رديت الغرفه مالت الولاده كشفت علييه مره ثانيه لقت النفس فاتحه 5 سانتي وما اعرف شو سوت خشت ايدها وفتحت كيس الماي مال الياهل قالتلي ان اللي نزل علييه مب ماي كانت افرازات قبل الولاده المهم عقب تم الويع ايزيد بس بين كل ويعه وويع ارقد قالت السستر ان ويعيه بااااارد وحطتلي اشوي طلق صناعي ع الساعه 11 الا ربع النفس فاتحه 10 سانتي بس المشكله البنت مب راضيه تنزل بعدها فوق ..
يلست اطلق لين الساعه12 الا ثلث وعقب شده وحيلة طاحت الاموره . بس النفس سكرت علييها مرتين كانت بتروح فيها لو مب الله ستر كنت بمووووووووووووت من الويع بس الحمدلله ع كل حال كنت ادعى واقول الله هون علييه .. واستغفر الله ...... والحمدلله ع كل حال
وهاي النهــــــــــــــــــــــايه ×× :27: :icon28: :icon28: :icon28:
واتمنى انشاء الله لكل وحده بعدها ما ولدت الله يسهل علييها وايسر امورها يارب
وع فكره للي بتولد بمستشفى الواحه كانت النيرس اللي مولدتني اسمها تريزا ولا خازت عني .. لين طاحت البنت وكل ما تيني الويعه كانت تمسح عظهري وتمسكه
.. وانا ما طلبتها لنها هبيه كانت امناوبتها في هذاك االوقت يعني بالصدفه
وسمحولي ع القصور ..
>>خافي ضميري<< @gtgtkhafy_dmyryltlt
عضوة فعالة
يلزم عليك تسجيل الدخول أولًا لكتابة تعليق.
البروق
•
الحمدلله على سلامتك والف الف الف المهمبروك وتتربى بعزك انشا الله :icon28:المهم اهتمي بنفسك ويا ليت تسوين نظام فيا في حق النفاس تراه ممتاز :D
الحمد لله على السلامة
الف مبروك ما جاكم والله يجعلها ان شاء الله من الذرية الصالحة و يبلغكم فيها وتشوفونها عروس ان شاء الله ..
الف مبروك ما جاكم والله يجعلها ان شاء الله من الذرية الصالحة و يبلغكم فيها وتشوفونها عروس ان شاء الله ..
الف حمد لله على سلامتك انتي والبنوتة اكيد نسيتي الاوجاع كلها بعد ماشفتيها الله يخليها لك يارب.
الصفحة الأخيرة
اختي كذا خليتيني اتردد
اناكنت ببطل مانع عشان احمل باذن الله
ذكرتيني بالمأسي حقة الولاده
عالعموم مبروووووووووووووووووووك البنت
والف الحمدلله عل سلامتك