السلااام عليكم ورحمة الله وبركاته
الحمد لله رب العالمين مخرج النفس من النفس
انا يا اخواتي ولدت يوم الاحد الي فااااااااات يعني لي اسبوع الحين والحمدلله
بدا الطلق معي من ليلة الاحد وقعدت امشي في البيت بعد ما نومت عيالي وارتحت وحمدت الله انه جااااني الطلق
وهم نايمين علشان ما اعصب عليهم او اهاوشهم لان مع الالم اكيد ما بتحملهم
المهم قعدت الين اذن الفجر الساعه خمسه الا عشر تقريبا
وكنت طول اليل ادعي ربي صليت الفجر ورحت اصحي زوجي
وقبل ما اطلع استودعت ربي اولادي الي نايمين والمستشفى قريب مره خمس دقايق واقل
وحطيت يدي على بطني وقلت يارب استودعك ما في رحمي يا من لا تضييع ودائعه
وركبت السياره والخووووووووووف لاعب فيني لعب بموووت من الخوف
وصلت الطواري
وطلعوني على غرفة الولاده على غرفة الولاده على طوووول انفجعت يوم دفتني بالكرسي وصلتني
الغرفه قلت ليش على الولاده ؟؟؟؟ قالت زحمه كل الاسره مليانه
والطلق فيني بس المه محتمل باقي
نزلت ملابسي ولبست لبس المستشفى وجت تكشف علي
وانا ادعي انه يكون الرحم مفتوح كثير
دخلت يدها وطلعت السداده ومن بعدها بدا الالم الحقيقي حتى صرت انتف شعري من قوة الالم
وبعدها بربع ساعه قالت خلاص دووووووف دووووووووف يعني ادفعي
والالم قووووي بديت ادفع اذا جاء الالم وانا ما احس انه فيه شي يدفع يعني ما قد جاء وقت الدفع
المهم دفعت مره مرتين ثلاااث مافيه فايده
شوووووووي
الا شفت الممرضه تركتني وانا ادفع ورااااحت مسرعه
وجابت الدكتوره
وانا ما كنت عارفه اش الي حصل ؟؟؟
جت الدكتوره بين رجولي وركبت الممرضه على السرير بجنبي
قالت لي الدكتوره لازم تدفين بااقوى شي الحين لازم يطلع الطفل
انا ما شكيت لحظه ان الجنين صار عليه شي لاني فكرتها ممرضه ثانيه جت تساعدها ما هي دكتوره
المهم بعد ها
جت الطلقه ودفيت بااقوى شي والممرضه الي جنبي ظغطت على بطني ودفت الطفل بيدها بقوه
وطلع وسحبته الدكتوره
وهو جثه هاااااااااااااااااامده و لونه ابيييييييييض شديد وبطحته على بطني وبسرعه شالته
انا وقتها فكرته ميت وقعدته اسئلهم اشفيه ؟؟؟ بيبي اشفيه ؟؟؟ ولا احد رد عليه
بس اشوف الاجهزه حطوووها عليه
ونادوا الدكتور
وانا خلاااااااااااص بس ابكي
وادعي ربي ان ولدي بخير وما فيه شي
بعدها جت الدكتوره بعد ما سحبوا ولدي على الحضانه الخاصه وقالت لي
جبتي ولد بس الحبل السري التف عليه قبل ما يطلع بلحظاات
وخنق الطفل وبالتالي قل الاوكسجين عليه
الحين ولدي متحسن عن قبل بس باقي في الحضانه
ادعوا لي يا اخوااتي ان ولدي يطلع سالم معافى وان نقص الوكسجين الي حصله ما ياثر عليه مستقبلا
يااااااااااااااااارب يارب
الى الان ما ضميت ولدي لصدري زي كل الامهات يارب تصبرني
وجزاكم الله خيرا ولا اراكم مكروه
يلزم عليك تسجيل الدخول أولًا لكتابة تعليق.
سومياتي
•
الله يشفيه ويقر عينك بشوفته سليم معافي يارب
يارب تشفيه وتحميه من كل مكروه ان شاء الله ياحبيبتي تضمي ولدك وهو بأتم الصحه والعافيه
الصفحة الأخيرة