السلام عليكم
الحمد لله ولدت بتاريخ 25-8-1433 ببنت وهيا المولود الرابع لي الله يحفظهم ويخليهم ويحفظ لك ام اطفالها
ولدت بمستشفى فقيه عند الدكتوره سحر ملودي ودخل زوجي معايا غرفه الولاده انا كان موعدي 20-8 اخلص شهري لكن تاخرت ليوم 25 كانت الالام تجي وتروح معايا من اول دخولي التاسع وكنت كل يوم اقول اليوم بولد لكن زدت على التاسع كم يوم زياده المهم رحت لهم مراجعه بعد مانزلت السداده وكان في الالام غير منتظمه تجي وتروحيوم 24-8 سووا لي تخطيط وكشفت لقته واحد سم قالت تعالي بكره نعمل لك طلق صناعي قلت طيب ورجعت البيت ومحضره نفسي على الطلق الصناعي مانمت كويس ياليل ولدي مارقدني نمت الساعه 6ونص وصحيت الساعه 10على الطلق الطبيعي سبحان الله بدا كل ربع ساعه بعدين 10 دقايق عرفت انه خلاص جا الوقت صحيت زوجي ورحنا واحنا بالطريق وقفت السياره علينا خربت:eek: ومارضيت تشتغل ابدا جات سطحه بالصدفه سبحان الله وقفت سحب سيارتنا وركبنا ليموزين والالم كل ماله يتقارب وصلنا المستشفى ولبسوني وجهزوني وحطو التخطيط وقلت لهم انا معايا طلق لاتحطوا صناعي وقاسوا ماشاء الله 5سانتي مرت نص ساعه قاسوه صار 8سانتي دخلوني غرفه الولاده تعبت شويه بولادتي لانه اعطوني وقف على8 لانهم اعطوني مسكن خفف الطلق بس بعد ساعه صحيت على الالام قويه مامسكت نفسي من البكا والصريخ :06: ونزل الراس وخدروني وصحيت زوجي يقولي جبتي بنوته والحمد لله والشكر له طبعا دكتوره سحر تجي تقيس الرحم وتطلع عشان عندها ولادات وعمليات وعياده وجاتني وقت طلوع الراس والحمد لله كان زحمه ولادات ويالله لقينا غرفه ولدت الساعه 5وطلعوني غرفتي الساعه 9
باقي ماسميت بنتي رشحولي اسماء
الله يهون على كل حامل يارب
يلزم عليك تسجيل الدخول أولًا لكتابة تعليق.
الصفحة الأخيرة
ومبروك البنت
انا ارشح رحاب او مريم اوموضي
ههههههه اسامينا