((ولدت ولله الحمد وجاني اغلى البشر((مع احلي اكشن

السلام عليكم ورحمة الله

الحمد لله رب العالمين واشكره علي منحي الصبر وابني الغالي

الحمد لله تساهيل من رب العالمين ولادتي وبشي لايخطر علي البال سبحان الله
ولدت في الاسبوع 38و4ايام

بعد ماكنت اجاهد وطلق بدون فتح الرحم سبحان الله

اللي سويته شي واحد وهو اللي فاد معي وعجل الولاده

العسل ع الريق وتقريبا 6ملاعق افرقها علي اليوم
والحبه السودا و12تمره تقريبا مغطوطه بحبه سودا

اليوم اللي ولدت بذلت مجهود كبير في البيت
ومع العسل والحبه السودا والتمر

حسيت بشي غريب

ورحت للمشفى ودخلت الرحم فاتح 4سم بس طلق بارد
وبعدها سدحوني ع السرير والله وبالله ماقدامي غير الله سبحانه وتعالي استغفر وادعي واقرا القران وكل ماحمي الطلق قعدت اتذكر امي الله يأجرها وابكي ع كل لحظه وانا صغيره اغضبتها فيها

والشي اللي هبل بي اني اناظر في سقف غرفة الولاده كأنه والدي رحمة الله عليه. احس اني اشوف عيونه تراقبني

ماكان نعي احد ع طلبي

لكن الله كان مرجعي وذكري له سبحانه


والله وبالله وتالله انها تسهلت من الله كل طلقه تجيني بس ادعي واستغفر واخذ نفس
وامسك الكمام الاسود خلاني مثل اللي سكرانه
ومع هذا ثقل لساني والله
واذكر االله
ولما جت الطلقه القويه حقت طلعت اللراس قريت سورة الكرسي مامداني اخلصها الا والبيبي راسه طلع

وسبحانه سبحانه سبحانه سبحانه الم فضيع طلع الراس وزلق باقي الجسم حااااااار تحسي بحرارة الجنين وهو يزلق

وفجأه حبست انفاسي ودفعت بقووووووووه

وطلع البيبي كاااامل وبكي البيبي وبكيت معه والله الممرضات يضحكون علي يقولون انتي والبيبي سوا تبكون

والحمد لله تسهلت من عند الرب

وقصوا السر وخلت المشيمه 10دقايق عشان ارتاح شوي بعده صارت بالمقص بطرف الحبل تلوي فيه شوي شوي لحد ماطلعت

بغد ماطلعت جابت زي الشرشف وحطته ع بطني وضغطت بحركات غريبه ونزل الدم الفاسد وهذي طريقه حلوه عشان مانتعب من المغص

وبعدها كبت علي ديتول حاااارمع مويا وغطتني نص ساعه وجات اللي تخيط وتطرز وخاطتني خياطه بسيطه اللي انشق بس لان البيبي شق لنفسه شقه مررره صغيره
وقالت الدكتوره اسؤ شي الخياطه انتوا تبون الخياط والتجميل وتفرحون فيه لكن انا مااايده ابدا

كان بودي انك ولدتي بدون شق ولا توسيع لكن الحمد لله جت خياطه صغيره وبخت بنج اسنان مو ابره والله ماحسيت بشي وطول ماهي تخيط تقريبا 10دقايق تسولف علي

قالت شوفي ولادتك جات سهله لاني الحمد لله بعمري ماخطت تجميلي مجرد خياطه عاديه
واللي تتعسر ولادتها تكون خايطه تجميلي من برا وجوا فيكون المكان ضيق ومحشور مايخلي الراس ينزل بسهوله



واخيرا بعد الخياطه عقموني بمويا حاره وديتول وطلعوني ع الغرفه انا والبيبي ودخلوني اتروش ولبسوني ودفوني وجابو لي وجبه وفيفادول وروشوا للبيبي ورضعوه ونيموه


والحمد لله اللذي وهبني ابني
واتمني من الله ان يسهل ع كل حامل ويرزق كل محرومه

والله يبلغ كل امرأه بشوفة ضناها