ولدت ياربي لك الحمد وقصة ولدتي ..

مرحبا بنات الحمد الله ولدت بسلامه بعد عناء  وتعب انا الحين لي شهر نفاس قلت لخفيت شوي  اكتب لكم قصتي كامله ..انا دخلت بلعاشر لي اسبوع رحت لموعدي كان السبت واول مادخلت ع الدكتوره قالت لي لسى مافيه ولاده عاد انا هنا تحطمت قالت انتى الحين دخلتى لعاشر وسئلتنى قالت انتى ولاده قبل عديتي التاسع انا  من الخوف قلت ايه المهم اخذت على تخطيط وكل شي تمام قالت تخيلوو كان ينزل معاي دم وماكان عندى نيه اقول لدكتوره خفت لتومنى بس بأخر لحظه دق جوالي كانت امى وقالت علمى الدكتوره عن الدم الى ينزل معك وامنتني انى اعلمها ..وقلت لدكتوره وانا خايفه قالت عادي هذا عشان يمكن قريب ولاده قالت خلاص  روحى واذا زاد عليك شي تعالي انا هنا استانست قلت الحمد الله مامسكتنى المهم وكان ينزل الدم من يوم السبت واحس بألم زي الدوره وكانت النفسيه زفت مأكل بس افكر وخايفه واستمريت ع الحاله الي يوم الاربعاء وكان وجهى شاحب قال زوجي خلاص روحي لمستشفى انا عيت قلت السبت اروح خلاص يزينون اي شي بيحطون طلق لانى مليت وبولد يوم جاء عصر الاربعاء قالت خالتى ام زوجي اشربي قرفه وشربت كوبين وانا خايفه قلت الله يستر ومن شربت القرفه تخيلوو زاد على نزول الدم ومره خفت وحسيت بخووف وجاء اليل واحس بأووجاع وغفيت والله يابنات وانا نايمه حسيت بشي حار نزل معاى وقوم بسرعه ع الحمام ولا اشوف الا قطع كبر كف اليد زي الكبد ينزل معاى ودم كثير  واسمي با الله وقومت زووجي ورحنا ع المستشفى ع طول وجت القابله وقلت ع وضعي ويوم كشفت على قالت ايش هذا دم كثير وكشفت ع البيبي قالت كويس وكشفت ع الرحم قالت مفتوح 2سم وانا قعد ابكي حسيت بحساس غريب وتخيلوو زاد على الدم بعد الكشف هم خافوو جت دكتوره ثانيه قالت ممكن عمليه قلت موو مشكله زينوو اي شي كنت مستسلمه لهم حسيت نفشي ضعيفه  بعد قالت بنحولك لمستشفى الولاده والاطفال حنا خايفين يزيد عليك النزيف وماعندنا بنك دم لانه مستشفى صغير المهم دقو ع زوجى وجاء وحولونى ع الاسعاف قلت بروح بسيارة زوجى قالو لا انتى نزيف كثير بعد مشكله لازم اسعاف والله يابنات جانى شعور خووف مو طبيعي وشفت زوجى عند سيارة الاسعاف قعد اصيح المهم ركبت الاسعاف وزوجى ورنا بسياره وكنت اصيح والدكتوره معاي تهدينى طيبه صراحه تقولي معك الله لاتخافين وذكرة الله وستغفرت ويوم شغلوو السفتي حق الاسعاف قلت ياربي خفت عاد زووجى كان يصور الاسعاف وهوو بسياره ورنا ههههه فاضي ودخلت المستشفى وجت دكتوره استشاره وقعد ت تسئل كم سؤال قالت لا مايحتاج عمليه وكشف على قالت اربعه سانتى مفتووح ورقونى غرفه الولاده وطقونى بأبره وزاد على الالم بلحيل وكنت ادعي ربي يهون على كنت اشوف الساعه 7صباحا واستمريت وفرج الله على بعد صلاة الظهر وجبت ابني وكنت ادعي ربي الحمد الله والشكر كل شي راح كان عطشانه والله لسانى زي القرطاس تعبت تعب صراحه بس الحمد الله وخيطونى وجابو ابني لي نسيت كل التعب والخووف حلووه اللحظه هذي يا ربي لك الحمد ع الهوون والله يهون ع كل حامل يارب واسفه ع الاطاله ..بس حبيت اذكر قصة ولادتى لكم الله لايخسر تعبنا يارب