*** ولدج ما له شهيه على الأكل ؟! عندي الحل :) ***

اكيد كل ام اتعاني من قلة شهية ولدها للاكل.. وحتى اللي ولدها ياكل زين اكيد اتمر عليه فترات ما يتقبل الاكل..

انا ولدي ماشالله عليه ياكل زين و صحته و وزنه ممتازين.. لكن مرات ايعاف الاكل خاصه ف اوقات المرض.. وهذا شي طبيعي..

بس مره يته حمّى فيروسيّه مدة اسبوع.. و من بعدها فقد الشهيه.. و تعبت معاه.. ف نصحتني امي اسوي له حلبه..!

حطي شوية حلبه ف ماي مغلي.. و بعد ما تبرد حطيها له مع الحليب.. و الله بتشوفين الفرق.. تفتح شهية الياهل.. انا جربتها مع ولدي اكثر من مره و الحمدلله بعد ما استخدمها بيومين الاحظه ايرد ياكل طبيعي.. (اعطيه رضعه الظهر قبل لا اينام ، و فلليل)

اذا كنتي تعطين ولدج حليب ابقار اغليها له مع الحليب.. و اذا تعطينه حليب بودره (انا استخدم حليب بروجرس3) استخدمي مغلي الحلبه بدل الماي العادي.. ..

بس انتبهي .. سوي له الحليب و اعطيه على طول.. يعني ما تعطينه بعد ساعه او ساعتين لأنه حسب علمي الحلبه بسرعه تخترب..


* الشي الثاني اللي (ايربّي الياهل ) على قولة امي فديت روحها هي الحبه الحمرا..

و اتقول انه يعطونها الياهل من يوم هو ف الاربعين..
بس اغسليها (بتتكون عليها ماده مثل الجيلاتين)وعطيها الياهل على طول... ممكن اتظيفين لها شوية سكر..

و ممكن اتسوينها مع الكسترد او تخلطينها مع شوية حليب و طحين و سكر و ماي الحلبه.. و تصير سايله مثل الصخينه..

انا مجربتنها على ولدي و نتايجها رهيبه..

اتمنى اتجربونها و اتخبروني بالنتايج.. و لا تنسون تدعووووولي..