جزاكم الله خير حبيباتي كلام الناس موهامني الآن وكم وحده وحده علقت يالله من فضلك عيالهم

عادي حبيبتي أنا اول ماجبت ولدي ابيض مشاءالله مره وبنص النفاس بدا يسمر وعمره شهرين انقلب سماااااار غامق والله تقولين مستحيل يفتح وخاصه ان أبوه اسمر ما استغربت عادي الناس تقول إيه أكيد رجع لا أبوه ومن هالكلام وطنشتهم وبعد اربع شهور بدا يفتح لدرجه وربي وعمره عشر شهور تقريبا بياضه مشاءالله ناصع فرق تقولين مؤ هو اللي قبل وللأسف الحين رجع يسمر مع المشي ههههههه انقلاب بالألوان الحين ربي يحفظه عمره سنه وثلاث شهور لونه حنطي اسمر مني وافتح من أبوه مرضي الطرفين خخخخخخخ فديته وفديا سماره


ذكرتيني ببنت اختي مشاءالله تجنن وشعرها ناعم وسمرا مررررررره وبالروضه تقول ماما الاطفال يقولون انتي وسخه مانحبك نحب اللي لونهم ابيض بس ومتعقده بشكل فضيع تقول ماما ليه ماصرت زيكم بيضاء وربي ينقطع قلبي من كلامها


الله يخليهم لنا ويصلحهم ويجعلهم بارين فينا هذا اهم شي

وليش مهزوزه ثقتك كذا في نفسك وفي ولدك !!!!!!
1-حبيبتي طبيعي الاطفال وهم صغار لونهم اغمق وكل ما كبروا فتحوا
2- طيب وإذا اسمر..عادي جدا جدا ..أحيانا العرق يضرب لواحد من الاجداد وأو الأقارب السمر
3- خلاك واثقه في نفسك وولدك ولا تيهزك ذا الكلام ..السمار لون الجمال الحين ..حبي ولدك وعلميه من الحين يحب نفسه مو يستحي لانه اسمر
4- الغنسان ما يلتفت للناس دايما لانك بتلقين ناس ما عندها ذوق على طول ..:)

حب

ماعليك منهم المهم انتي مقتنعه فيهم
اذكر وحده تقول لي عيالي ماهم حلوين سمر وتتفشل تجيبهم نشوفهم مع انها سمرا
اقسم بالله طاحت من عيني مع انها متعلمه وفاهمه

حريم سخيفات وصغيرات عقل
الموضوع ماهو بسيط والله.. يعني الام ممكن تعدي هالكلام ..بس الطفل يتعقد من هالتعليقات البايخة
شوفي اذا وحدة تكلمت كذا ع طوول خوذي ولدك واقعدي دلعيه قولي فديييته هالاسمراني
والله بتشوفين اللي تقول هاالكلام منطمة وماتنطق حرف
لاتسمحين لأي كان يفقد ولدك ثقته بنفسه