ولدك أو بنتك ينضرب ولا يدافع عن نفسه !!! الحل هنا،،،

♻طفلك ينضرب في كل تجمعاتكم مايدافع عن نفسه وتبين حل ❓
.
.
.
.
اولاً راح اقسم الموضوع قسمين لأني لاحظت انها مشكله يعاني منها كثير من الامهات 😔
.
.
1⃣الجزء الأول بيكون موجه لأم الطفل اللي يضرب مو ينضرب ✋
.
.
🔑حبيبتي اذا الله ابتلاك بطفل عدواني ويضرب الاطفال وهالشي مو بيدك ، لكن بأمكانك تعدلين سلوكه ولا تستخدمين كلمة وش اسوي او اطفال كيفهم ،، لأن والله أم الطفل المضروب قلبها يعورها على ولدها 💔
.
.
🔍الحل 👌
لازم يعرف ان تصرفه هذا مرفووووووض عالجيه بالحب والقصص و حاولي تعدلين سلوكه ، واذا ماتعدل بالحب نضيف للحب الحزم ضروري ولدك يعرف ان حزمك بالامر معناه انك متضايقه
..
.
🔍 واطلبي منه يتأسف من الطفل وامه واحضني الطفل المضروب وبيني اهتمامك فيه وتجاهلي ولدك لفتزه
🔍وقولي له بينك وبينه المره هذي طلبت منك تتأسف بس المره الجايه بخليه يضربك زي ماضربته وممكن بعد حتى امه تضربك وانا ماقدر امنعها لأنك انت اللي بديت بالغلط ولازم تتحمل نتيجة افعالك
🔺(( لأنه لازم يعرف ان تصرفاته لها ردة فعل من الناس ماتقدرين تمنعينها وأن للناس حقوق ومو من حقنا نضرب احد )) ✋ .
.
🔑حتى انتي اذا ولدك غلط على الاطفال وضربهم اعتذري بالنيابه عنه وضحي انك متضايقه من تصرف ولدك
(( انتي اكيد متضايقه ولا ودك ولدك يضرب الناس ))

🔑بس الكلمه الطيبه تجبر الخاطر ،، وصمتك يزيد ضيق الأم وكأنك أم سلبيه دورها دور المتفرجه بس
.
.
🔑واذا جاء الطفل يتشكى من ولدك اهتمي بالأمر ولا تتجاهلينه او
( تسلكين له ) قومي وكلمي ولدك بالحب والحزم والتشجيع والترغيب والترهيب امنعيه عن ضرب الاطفال ✋ .
. .

.⭕الجزء الثاني بيكون عن الطفل المضروب


أ/غادة الغنيمان 🌺
🔜
🔺 تكملة الجزء السابق :

(الطفل المضروب) 💔
.
.
💢تربيتك لها دور كبير جداً في تشكيل شخصية طفلك .
. يعني الدلال الزائد والعنف الزائده لهم نتايج مقاربه جداً تختلف حجم النتايح على حسب الطفل ... .
. 🔸🔹 تأثير العنف والدلال على الاطفال .
🔹.. ( العنف يندرج تحته الضرب والاهانه وكثرة العقاب والتجاهل والصراخ والتقصير بحق الطفل ) ..
🔹الدلال .
( الدلال يندرج تحته تنفيذ الطلبات الدفاع المستمر عن طفلك تجاهل حقوق الاخرين وسلبها )👎

يكون تأثيرهم سلبي وينتج عنهم:

🔸 أما شخصيه عدوانيه وعنيده وعصبيه يستمد العنف منك ويطبقه بالمجتمع ،
🔸 او يظن ان المجتمع كله لازم يدللـه وينفذ طلباته مثلك ..

.🔸 او شخصيه انطوائيه خجوله مسلوبة الحق متعود على الاهانه مهشم الشخصية
🔺🔺لأنك هشمتيها بعنفك وقسوتك وهشمتيها بدلالك ودفاعك .. .

💫تربيتك بتنعكس على شخصية طفلك وسلوكياته 💫✋
.
.
💢علمي طفلك يدافع عن نفسه بالقصص والتمثيل اشرحي له كيف مايسمح لأحد يضربه .. وأن القوة مو بالعضلات والضرب ،، القوة إنك ماتسمح لأحد يضرب ، ولا تتنازل عن حقك ،، والضرب ضعف وصفه مايحبها الله ولا رسولنا محمد.. 💟
.
📍وانتبهي تكونين محامي دفاع عنه اذا انضرب وتاخذين حقه لأنه بيتعود عليك وهالشي يضره ، اذا جاك يشتكي قولي له تذكر كيف تعلمنا بالبيت الدفاع القوي

💢 ( الدفاع القوي انك تدافع عن نفسك ما تسمح لأحد يضربك ولا تضرب احد ، أمسك يده اذا جا يضربك وقوله غلط تضرب ولا اسمح لك تضربني ابداً ) 👍 .
.
📍وانتبهي تعلمينه سياسة اللي يضربك اضربه لأنها تعلم العنف والضرب والعدوانية وكأن الحق مايؤخذ الا بالضرب والقوي اللي يضرب اكثر ‼️ .
.
نصيحة 💌
الحوار بينك وبين طفلك يعلمه ويربيه ، عطيه وقتك وحبك وخبرتك بالسوالف والقصص والتمثيل واللعب ،
💟طفلك يحتاج أم تعطيه كامل حقوقه وتستمتع بأمومتها عشان ينتج طفل بشخصيه قياديه حكيمه .
.
اللهم ارزقنا الحكمه وارزقنا برهم وصلاحهم ❤️
.
.
غادة الغنيمان 🌺💕
يتبع الخلاصة... 🔜
.
.
3⃣الكلام موجه للأم اللي طفلها يضرب واللي طفلها ينضرب ✋
.
.
🔗لازم اطفالنا يفهمون أن الضرب حيلة العاجز والضعيف ، العاجز عن التعبير بالكلام، وضعيف الشخصيه اللي يلجأ للعنف للهروب من ضعفه ✋
.
.
📌اذا انا وانتي وهي وهذي وهو وهذا وانت ،، كلنااااااا علمنا اطفالنا ان الضرب مرفوووووووض ومنبوذ ومو من صفات المسلمين ، والرسول صلى الله عليه وسلم قال : ( لايؤمن احدكم حتى يحب لأخيه المسلم مايحب لنفسه ) 💌
.
.
🔹🔹حاوري طفلك قولي له ترضى احد يضربك ❓ عادي احد يخرب عليك لعبتك ويضربك ❓ علميه ان القوه مو بالعنف ، القوه أن الانسان يستخدم قوته بالعقل واللسان مو بحيلة العاجزين الضرب ‼️
.
.
🔸🔸و انتي اللي تعلمين طفلك يدافع عن نفسه بالضرب تخيلي معي للحظات ان زوجك ضربك بتضربينه ⁉️
والا توقفينه عند حده بالعقل والدفاع عن النفس ⁉️ وتقولين له ما اسمح لك تضربني ولا ترفع يدك علي بعدها بيعرف ان الضرب مرفوض عندك وبتدافعين عن نفسك بقوة العقل واللسان✋ .
.
🔹واللي ولدها يضرب وتعتبر هالشي قوة شخصيه ‼️
جداً غلط ولدك بيكبر ويكبر معه هالسلوك المنبوذ ، عالجي الاسباب واحتوي طفلك وحاوريه بالعقل والاحاديث النبويه والتشجيع والحزم ✋
.
.
📍خلونا نسعى أن طفولتهم تكون بعيده عن العنف ، ونربيهم على استخدام القوه العظمي
( اللسان والعقل )

🔺اذا انا عدلت سلوك ولدي اللي يضرب الاطفال وانتي عدلتي سلوك ولدك اللي يستسلم للضرب بعدها بينتج عن تربيتنا اطفال بشخصيه قياديه عقلانيه بعيده عن العنف ❤️ .
.

نصيحه 💌
الحوار والحب والتمثيل والقصص والدعاء قبلهم كلها عوامل اساسيه في تعديل سلوك طفلك ،
📌العلاج بيدك بعد الله لا تبخلين على طفلك بحقوقه
.
.
🔗اخيراً اللهم سخر كلامي للامهات اللي من فئة >>
(الكلام هذا ماينفع بمجتمعنا)
.
يدي بيدك 👋ويدك بيدها👋 بنربي اطفالنا على (ثلاثية_الحكمه)
❤️ الحب والعقل والحوار ❤️