ولدك طاح من السرير؟ ..نقاش حول الدواء

السلام عليكم رحمة الله وبركاته............


الأطفال وايد يطيحوا بس عاد طيحة ياهل عنده 9 شهور أو أقل صعبة مب مثل طيحة واحد عمره 4 سنوات!!!




* بعد تجربة صديقتي خفت وايد...ولدها عمره 9 شهور كذا مرة يطيح من السرير وما داوته والنتيجة فراسه ورمه لما تلمسيها مل كانه فيه عظم كأنك لامسة بالون!!!!



نوموها في المستشفى مع ابنها وقالت كل الاطفال بنفس القسم طاحوا وامهاتهم ما داونهم لدرجة انه بعضهم جاته امراض مب حلوة الله يشفيهم



* رحت لأمي اخبرها قالت احنا مب مثلكم احنا نداوي الطيحة على طول ونداويها 3 مرات بعد ...سـألتها قالت:

& اذا طاح وطلعت له ورمة مدري ايش تسموها...على طول نجيب تمر وندلكه مع ملح ونحطه ونربط بقماش


& وفاليوم الثاني اذا ظهر لون أخضر يعني الدم متجمع ...يسخنوا كركم وملح مع شوية ماي دقايق...واذا صارت حرارته دافية يحطوه على الراس


& يدفوا ماي وملح...ويجيبوا فوطة ويغمسوها ويحطوها على جسد الطفل بضربات خفيفة ...تغمسي الفوطة وتمشيها على كل جسمه



& الانف اذا طاح عليه يعملوا طوارئ تقول عشان ما يتجمد الدم....يحطوا كركم وملح نفس الي ذكرته قبل شوي على الانف .....

&أما العين اذا عور الطفل نفسه على طول لازم نوديه الطبيب....بدون تهاون اما قبل اذا جرح العين أو ضرب عينه بقلم مثلا لازم ما يحط ماي على عينه ابداا عشان الجرح ما يشرب وما يشم عطر....