لا تتركينه
اجلسي انت وهو وخليه يقراء قران
حرف حرف بشويييش
بهدوووووووء استمري لين الله يشفيه
قوليه ماحد يركض وراك اقراء بشويششش خذ نفس قبل تقراء
ووسط القراءه
قسم بالله ولد اخويه متعبني نفسيا
عنده تاتاه والحين بيطلع المتوسطه
وابوه الله يهديه ماعرف يعالجه
يبغا علاج يشربه ويرتاح مايبغا يتعب في التدريب
الله يهديه ياليته قريب مني كان اخذه وادربه واعلمه كيف يتكلم
بس انا في منطقه وهو في منطقه

بنتي عمرها سنتين ونص ماتتكلم كثير لمن اوريها صور حيوانات واشكال واسميها لها تردد وراي ولمن اسالها وش هذا ماتجاوب رغم انها تعرفه وماتناديني ماما لكن تجي وتحبني كثير وتعرف اهل البيت لمن اناديهم تطالع في وجه الشخص المقصود بس هي من نفسها ماتناديهم هي وحيدة ما عندها اخوان ولا اخوات وكل اللي بالبيت كبار وخروجنا ناااااااااادرا واغلب وقتها على الايباد وش الحل وكيف اتصرف ساعدوني

هذا الموضوع جه وقته لاني مره خايفه على ولدي
عمره سنتين وشهرين
كلامه قليل للان ما يكون جمل وللاسف يلقط الكلمات ويميل للانقلش حروفه سليمه وماعنده تاتاه
ذكي يفهم كل شي ويفاجئني يخزن الكلمات ومره وحده يقولها
يربط الامور صح ويلعب بالعاب حتى اكبر بعمره وزي ماقلتو يدل الطريق بس هالشي عنده احسه عادي لانه يعرف بس الاماكن اللي نتردد عليها حتى سياراتنا انا علمته سياره الماما والبابا
مشكلته احسه اشوي حركي بزيادة وما يعطي حد وجه بس ناس معينه من الاهل ماادري على اي اساس يرتاح لهم ممكن يلاطفونه ويلعبون معه
انا موظفه ارجع العصريه وزوجي مايرجع الا بالليل وهو وحده فمسكين ماعنده حد يلعب ويسولف معه اخليه مع امي الصباح تقول لي ماعندي وقت اسولف معه ومافي اطفال حوله بعمره يلعب معهم واذا قريبين ما يشوفوهم دايم نطلعه لكن مو متعود يلعب مع اطفال يحاول لكن القى مثلا الاطفال اكبر منه ويكونون اخوه مع بعض
علشان كذا قررت اني اسجله بحضانه بدخله بعد ٥ شهور يكون تقريبا عمره سنتين و٨ شهور يختلط مع الاطفال وينطلق بالكلام اكثر.
وكمان اللي مخوفني انه ما يتواصل معي بصريا الا بمزاجه وقت وكذا ولد اخوي الكبير نسخه منه عناد لدرجه انه زوجه اخوي تقول شكيت انه ما يسمع مزاجين يعني ولد اخوي بكره وولدي تقريبا نسخه من بعض هل لهم الطفل الاول ؟؟ انا خايفه وعجزت اقول لزوجي احس فيه شي مش طبيعي رغم ذكاءه يقلي مافيه شي بس صغيرون ووحيد وبصراحه بيتنا كثير يفتحون تلفزيون ومرات التلفون له الان بس استوعبو انه لازم يتخفف هالشي وصرنا نبعده عنهم.
انا اجلس معه احاول اعلمه يبي يتعلم ويلقط لكن يحفظ الكلمات ويرددها بس للاشياء اللي يحبها اللي ما تعجبه ما يرددها.
خوفي الاكبر من شغلتين انه للان ما يتكلم جمل وما يحاول يقلدني في كل الكلمات والثاني تواصله بصريا معي والثالثه حركته الزايده
انا قلت استنى لحد عمر ٣ واقرر ممكن انه للان صغيرون.

مساء الخيرات
انا ولدي لسه شهر ويكمل سنتين ماينطق الا ماما او اسم اخته وكلمات بسيطه جدا وللاسف دائما يطالع لطيور الجنه بيبي هل تأثر عليه

رفع