.. بسم الله الرحمن الرحيم ..
عدت لكم بعد غياب واشتياق خواتي الغاليات في قسم الطفل ..
وبدون مقدمات راح أقولكم على تجربتي في علاج نزلات البرد لأولادي ..
بعد ما كنت أعتمد اعتماد تام على المضادات والإبر , نصحتني إحدى الأخوات في إستراحة المستشفى
بوصفة طبيعية ومجربة ويمكن تكون شائعة بس متأكدة إنه الأغلب ما يعرفها أو ما فكر يجربها ..
وطبعاً كلنا يعرف ويشوف كيف نتعب مع الصغار أثناء فترة نزلات البرد والزكام ..
سهر , وصياح , وخاصة إنه كلنا نعرف الأطفال ما يستجيبوا للدواء ولا يستصيغوا مذاقه ..
فـ يكون الحل الأسرع هو الروحة للمستشفى ووقتها هاتيك يا أدوية و مضادات ووووو ..
وبـ الطبع لأنو تركناه كم يوم بـ البيت فمن الطبيعي تكون كمان الحرارة ارتفعت ..
وهاالوصفة جدا مهمة للأطفال الرضع لأنه للأسف بنركض فيهم على الدكتور ويعطينا أدوية له على أساس
إنها تخفف عنه الزكام والحمى وهذا غلط طبعاً ..
أولاً لأنو وإلى الآن ما في دواء للأطفال الرضع عشان البرد والزكام ..
وهذا كلام الدكتور والأدوية إلي نعطيها أولادنا هي للأكبر سناً وللأسف نعطيها للصغار ..
والسبب الثاني كلنا يعرف إنه أول ما تروحي لدكتور الأطفال ويشخص حالة طفلك ويطلع معاه برد
وإلتهاب لوز وووو يعطيه مضاد حيوي وبدون ما يفكر إلا من رحم ربي ..!
وعاد آضرار المضادات مو محتاجة إستعراض وأهمها إنه لو زادت عن الجرعة المحددة في كل مرة
تزيد نسبتها في جسم الطفل وبالتالي تسبب في فشل كلوي مستقبلاً لا قدر الله ..
وبعد هالمقدمة الطويلة وعلى أساس إني راح أختصر الموضوع :35: راح أقولكم على التجربة ..
وقبلها ضروري نحدد إذا كان الطفل مصاب بالزكام والبرد ولا لا .. !
وهنا نقدر نعرف من معنى حديث رسول الله صلى الله عليه وسلم ..
أن العاطس يُشمت ثلاث فما زاد فهو مزكوم ..
بـ معنى لو عطس ولدك أكثر من ثلاث عطسات ورا بعض اعرفي هنا إنه مزكم أو معه نزلة برد ..
نجي للتجربة وهي طبعاً سهلة وبسيطة وكل السالفة تجيبي زيت زيتون وثوم ..
ولو أولادك يتحسسوا من الثوم ممكن تكتفي بزيت الزيتون هذا لو يتحسسوا مو عشان الرائحة ..
تبشري فص ثوم في زيت زيتون كمية تكفي لـ دهن الصغير وتدفيها على النار ..
تدهني صدره وظهره وراسه ورقبته وأنفه تدهنيه ..
وبعدها تجيبي منشفة صغيرة وتدفيها شوي ممكن حتى لو بمكوى , وتحطيها على صدره كم مرة ..
وتلبسيه كويس يعني ملابس تدفيه وتشربيه ملعقة من زيت الزيتون ..
وبـ كذا بإذن الرحمن ابنك ما يحتاج يروح للدكتور ولا يآخذ مضادات وأدوية بس المهم مثل ماقلنا
تبدين معه هالعلاج من أول البرد مو لما يتعب كثير وتتأزم حالته وترتفع حرارته .!!
ولا تتكسلي أختي جربي ولو ما جابت نتيجة من أول مرة راح تفيده في الثانية بمشيئة الله ..
عافانا الله وأولادنا أجمعين وأبعد عنا كل شر ..
.. والسلام عليكم ورحمة الله وبركاته ..