ولدك ولا بنتك عمرها ستة سنوات تعالي نفيد بعض

السلام عليكم
صح غلط والوحدة تقارن بين ولدها و ولد غيرها بس احيانا الام تغفل عن حاجة مثلا تظن انه لسه بدري على طفلها يتعلم الحاجة ديه دحين وما تدري انو اغلب اللي في سنه بيسوو الشي دا فهمتو
يعني لو شافت نماذج كتير في سن ولدها بيسوو الشي دا وانو مناسب لسنه راح تصحى من غفلتها وتعلمو
فدحين ابغى منكم اخواتي العزيزات موضوع للفائدة يمكن حتقولو حاجات كتير راح تنتبهلها الامهات ويسووها مع عيالهم
اولا نبغى نناقش النمو  الاجتماعي الفكري والتعليمي والمعرفي والثقافي والجسدي البدني لاولادنا الي عمرهم ستة سنين 
يعني من الناحية التعليمية المعرفية ايش ولدك يقدر يسوي السور اللي حافظها بدأ يقرأ ولا لا كتابته كيف خطه ايش اللي بدري عليه وايش اللي مو بدري بدأو يجمعو يطرحو لين كم يعرفو يعدو عربي وانجليزي
في الانجليزي بدأ يحفظ كلمات وجمل ولا فقط حروف
من الناحية الاجتماعية كيفه ولدك يعرف يسلم ويرد السلام ويهرج وكدا وكيف بتعليمه الحاجان ديه عشان نستفيد 
عيالكم بدأو لما يشترو مثلا من العشرة بريالين يعرفو كم الباقي المفروض يكون ولا لا 
يتحممو لوحدهم ولا بمساعدة
تخليهم يطلعو عند باب العمارة يلعبو ولا يروح بقالة قريبة لوحده ولا تخافي من الخطف والتحرش

يفهم بكرة بس ولا يعرف بعد بكرة واول امس كمان
يفهم ليل نهار بس ولا يعرف صباح ظهر عصر مغرب عشا آخر الليل
بدأ يصلي ولا لسه
كلامه ظبط ولا لسه في حروفه ما يطلعها كويس
الموضوع شامل لكل شي
وصدقوني الموضوع للفائدة راح يفتح عيون الامهات عن حاجات ماكانت تجي في بالهم وافهموني انا اعرف مراعاة الفوارق الفردية بس انا بتكلم عن الحاجات اللي تقريبا اغلب الاطفال في السن دا بيسووها 
ولا تخافو من العين ان شاءالله راح نذكر الله الموضوع زي ما قلت للفائد