ولدها الله يجعله شافع لهم_وولدي الله يحفظه...مهم

السلام عليكم ورحمة الله وبركاته
الامهات الحبوبات هذا شئ مر عليه ومو منقول ومانقول الا الله يحفظ ذرياتنا..جارتي مدرسه عندهم طالبه في المدرسه غابت3 ايام ولما رجعت سألوها قالت لهم اخويه الصغير توفى وعلمتهم بالسالفه اخوها الصغير عمره 9شهور ويوم جاهم حريم الام قالت لبناتها ينتبهون لاخوهم وجلست مع الحريم البنات في الثانوي والمتوسط وكانوا يشربون بيبسي واخوهم يحبي ويلعب حولهم وشوي الا الولد بدأ يختنق ولونه يميل للازرق الا اثاريه بلع غطا علبة بيبسي ((البيبسي البلاستيك مو المعدن اللي يجي مثل علبة المويه))المهم اخواته بينقذونه فيدخلون اصابعهم في فمه وبدل ما يطلعون الغطا حشروه اكثر ومات الولد الله يجعله شافع.........واليوم ولدي كان مع ابوه يلعب حوله ((عمر ولدي قرب ع التسع شهور))بعدين شلته ابغى اغير له ولما حطيته ع الارض الا الولد بدأ يكح وواضح ان فمه فيه شئ خفت بالمره بس قمت اسمي عليه وقلبته حطيته على وجهه على فخذي وناديت على ابوه وبدأت اربت على ظهره وجا ابوه طبعا الولد زادت الكحه عنده وبدأ يرجع الا وتطلع قطعه بلاستيك من كيس حق المقاضي...سبحان الله كيف القدر والله لوتشوفون ولدي تحزنون كان شبه مغمى عليه ما اعرف انه حي الا بالكحه ووجه صار احمر وتغير قطع قلبي حتى عيونه تغيرت ومحمره خفت عليه ...الحمدلله ان ولدي بخير ومافيه شئ وهم تخيلت حالهم وحزنهم الله يصبر قلوبهم..طبعا مو شطاره مني ولا ذكاء اني عرفت كيف اتصرف مع ولدي ولاني سمعت بقصتهم واستفدت منها حبيت افيدكم معاي
...اذا اختنق اي احد فأفضل شي اذا كان عمره اقل من سنه ونصف تقلبينه على بطنه وتربتين على ظهره بخفه الين يطلع الشئ اللي انحشر في حلقه.......واذا اكبر فعن طريق الضغط على منطقة البطن يعني يوقف المسعف وراه ويضغط على بطن اللي تعرض للاختناق لحد مايطلع الشئ اللي اختنق فيه...والافضل انه يستمر بالكحه لاتحاولون توقفونها مثل اللي احنا نعرفه اذا احد غص نركض نجيب له مويه ومانخليه يكح على راحته وهذا اكبر غلط المفروض يكح الين يطلع الشئ اللي مختنق فيه
......يابنات والله الخطر اقرب مماتتوقعون وانا ماعرفت طريقة الانقاذ الا بعد ماسمعت قصتهم لو لقيت صور عن كيفية الاسعاف بنزلها لكم او اذا وحده تعرف تنزل الصور مشكوره