نسيت اذكر لكم ان العظيم الي في ابنى كبير شافته طبيبه شعبيه وقالت لى انه مقفل على

حلقه ويمنعه من الاكل ممكن وحده تعرف طريقه لرفع العظيم من دون استخدام اليد........:26:

العظيم عالجيه منه باسرع فتره تراه مو زين وخطر على الطفل
خلي عجوز او مداوه ثقه ترفعه له

وغذاءه ماشاء الله اشوفه زين بس شلون تعطينه بيض مقلي وش طريقتك بضبط؟؟
بخصوص الحليب خليه على صدرك وقبل النوم بس عطيه رضعه صناعيه وهو نايم علشان مايدري وش صناعي ولا طبيعي ويحطي فيها نص بسكوت فارليز تشبعه يطول بنومته ولا يتقطع نومه

يختي ولدي كان فيه ورفعته له عجوز نظيفه وثقه والحمد لله بفضل الله ثم فضلها
والله قبلها بغى يموت اسم الله عليه ماغير صياااااااح ولا يشرب شي الا رجعه هذا اذ شربه

هلا اختي ولاباس على ولدك والله يشفيه ... شوفي يالغاليه انا العظيم جا لعيالي كلهم وكانت امي الله يحرم وجها على النار دايم تقول لي لاتستخدمين الايد لعلاج عيالك لانهم راح يتعودون فكانت تقول لي اخذي شاش نظيف وحطي فيه سبع طعامات (نواة التمر) ولفيها بالشاش لكن لازم توزعينها جنب بعض بحيث يصيرون خط مستقيم وتقول اذا جات الساعه 7 الصبح اخذي ولدك ودهني شعره زيت زيتون وامسحي على وجهه وتحت عند رقبته وبعدين حطي الشاش تحت وجهه يعني تحت الذقن وارفعيه كانك تشدينه على فوق سبع مرات واحرصي انك قبلها تدهنين راسه وخصوصا الجافوخ يعني المكان الي باعلى راسه مافيه عظم عرفيته ؟؟ المهم ارفعيه بالشاش سبع مرات واحرصي انك ترقينه وتقرين عليه واذا صار قبل المغرب كرري الشغله الي قلت لك عنها بعد لمدة سبع ايام والله وبالله ان عيالي يروح الشر منهم ويصيرون احسن ويرجعون ياكلون وهذي سهله انتي تسوينها بس احرصي ماتشدينهم على اعلى فوق لما ترفعينه لا خليها خفيف لاتخنقين ولدك وان شاء الله يغدي شره ... وتكفين ادعي لامي ان الله يشفيها والله يشفي لك ولدك وتشوفينه ان شاء الله باحسن حال وبالله عليك لما تسوينها له ويتحسن قولي لي وطمنين عليه ولو برساله على الخاص بس لاتنسين اختي حاولي هالفتره انك تدهنين راسه من فوق باستمرار يعني خلي راسه دايم رطب على الاقل هالسبع ايام هذي الين الله يشفيه لانهم يقولون انه المنطقه الجافوخ كل ماصارت رطبه ساعدت في التخفيف من العظيم ... والله يشفيه ان شاء الله

مشكوره اختى تسواهن على الرد والله يخليك لاولادك ويصلحهم............

الله يشافى والدتك اختى مجهوله ويعافيها ويجزاكى خير.لكن العظيم يروح اذا كنت رفعت لولدى

باليد قبل استخدم طريقتك يعنى تنفع معاه ان شاء الله..............والله اذا نفعت معاى ادعيلك دعوه


فى صلاه الليل.............................